مبروك حقين برشلونة الحلوين ..
وراكم على فهد خلوه يسوي جو ..
هذا سلمك الله ياشيخ أنس أمس ايمري قدم أسوأ مباراة من بداية الموسم ..
عك في ثنتين الاتليتي اللي انتهت 2-2 وهذي سوى فيها كوارث ..
فالنسيا معروف مع غياب 95% من الخط الخلفي بـ سبب الاصابات
ماشاله الا هجومه ولعبه الهجومي ..
أمس استغنى عن فيا و سيلفا و خواكين اللي له
فترة يلعب أساسي ومقدم مستوى حلو ..
بـ التحديد لعب بـ زيقيتش و التشوري .. هذولي قتلوا لعب الفريق تماما ً
التشوري الى الآن مستوى خايس الا في مباراة مضت ناسيها ..
زيقيتش معروف دخلته فـ أنت بـ تلعب على الاطراف و اوفرات ..
طول المباراة ماصار أوفرين على بعض له .. الاظهرة عنده أليكسيس و البا
وكلهم في غير أماكنهم .. قتل تماما ً خطورة كور بانيغا اللي من الخلف
اذا وصلت لطويلان باصاها و لو وصلت لـ التشوري انقطعت ..
أيضا ً ماتا و بابلو قعدوا يتبادولون مراكز ويدورون في حلقة مفرغة ..
أصلا ً كأن الهجوم فاظي .. ما انقذنا الا سيزار وما ابالغ اذا قلت
المفروض 5-0 لهم حتى الهدفين اللي لنا ما نستاهلها ..
وفوق كل هذي الظروف .. فيرنانديز يجيب في بابك
آمنا بالله موب مركزه يروح بـ كل حقارة يظرب لاعب بدون كرة ويطرد ..
و مادورو خرج مصاب .. يعني المباراة الجاية معاد فيه أحد حتى الوسط
اللي صار يلعب دفاع بين مصاب و مطرود ..
نجي لـ سالفة بانيقا اللي المقدمة الطويلة ذي كلها عشانه ..
اللاعب طالع قافلة معه وايمري الا بـ الغصب يبي يهديه ..
فيه مليون طريقة أفضل أقل شي خل اللاعب يطفى شوي وكلمه راح دقه
بـ صدره بعدين حاول يسحبه .. لو أنا هفيت ايمري كف على حركته ! ..
بعدها بـ شوي راح يزبد لـ بانيقا يوم قعد ..
هنا نتكلم عن نقص خبرة في المدرب
عاد بعد المباراة صرح الاعب و ايمري و يورنتي
ايمري في وقت لاحق من المؤتمر الصحفي قال أنه لايريد تهويل الامر " اللاعبين لم يفقدوا احترامهم لـ مدربهم , اللاعب يفقد احترامه لـ نفسه وأنا لاأعتبر الامر عدم احترام اتجاهي "
بعد ذلك بـ دقائق خرج بانيقا واعتذر أمام الجميع في محاولة لـ تهدئة الامر " أنا آسف جدا ً , كانت لحظة غضب حيث كنا مهزومين , لم يكن لدي مبرر لـ فعل ذلك وأنا أعتذر للجميع زملائي اللاعبين والجهاز الفني و الجمهور , أعتذر مرة أخرى فـ سلوكي يعبر عن عدم الاحترام ولن يتكرر هذا الامر ثانية "
أما يورنتي قال "
هي مسألة خاصة بـ المدرب وهو مسؤول عن أعماله "
اذا بـ نتفق على شي اللي سبب الهزيمة
واللغط اللي صار ايمري ..
وبس عافاكم جميعا ً على النشاط
ومباركة خاصة لصديقي المروح بندر