|
إقتباس:
هلا أحتاجه واجهل مكانه صحيح لو قلت لك ابغى مئات الصفحات دام السالفة فيها وفاة وماحد تكلم عنها وابغى منتديات بعد مافيها شي دام اني اشوف الالاف تتكلم عن اشياء بنظرتي ماتستحق هالازعاج كله ومسألة ردي على الاعضاء اتوقع مسألة طبيعيه من باب زيادة المشاركات والردود :razz: ولو على التدقيق في المقطع انا ابغاك تدقق في المقطع وتطلع لي العشرة اشخاص وتطلع 3 سيارات وابغى اشوف لاهنت محاولة اختطاف جدية غير اللي شفته لان اللي شفته مايظهر لي ولا 1% انه محاولة اختطاف ومسألة اني اعرف واحد منهم ماكنت دافعت بهالطريقة وكنت شفت له اللي يتوسط له وبيطلع منها بعد عدة ساعات مايحتاج اني اجلس فترة من صدور الخبر حتى اجي وانفى وابرر وادافع ولاتخاف وانا اخوك اخذت ردك بكل اخوية اما مهنية للأسف ماعرف وش معناها :d بس فيه ملاحظة بسيطة حبيت اقولها لك تراك غلطان ومافهمت كل موضوعي واتوقع السبب مني ماعرفت اوضح ان فيه حالة كان فيها محاولة والقضية مو واضحة واخذت كل هالمساحة وقضية ثانية مايحتاج اقول فيها الا ان فيها حالة وفاة ولذالك المفترض ان نعطيها على الاقل ربع المساحة اللي اعطيناها للقضية الاولى واحب اهنيك الصراحة على هالجملة (بالنهااية تعبنا من الاستخفااف بعقول البشر) لو كانت في بالي قبل كان كتبتها عنوان لموضوعي تحياتي إقتباس:
هلا حياك الله بنوتة عارف تمزحين بس هذا رأيي بنفسي من جد الله يعينها علي بس:razz: تسلمين على هالمدح بس ماستحقه ومادري وش اقولك عن اني غيرت نظرتك بس اقولك يمكن اكون انا خطأ وانتي بالبداية صح :d تحياتي إقتباس:
لاتتعجبين مني تراني ماسويت شي عجيب لهالدرجة انا استخدم نفس المنطق اللي تستخدمونه ضد الشباب طبعا اكلمك بصفة الجمع لاني اشوف المجتمع بجميع فئاتة يتكلم عن الشباب وكل فثة (مطهره) نفسها لذا اتوقع من باب العدل اني استخدم نفس المنطق :razz: وبالنسبة لكلامك الصراحة اسمحيلي انا اللي اتعجب يعني لو اللي صار مثلا في محافظة بعيدة عن المدن الكبرى ولا يجيها زوار كثيرة من برا المحافظة هل بكذا يسمح لي اني اطهرهمعن كل خطأ..؟ او من قبيلة وحدة هل يسمح لي اني اطهرهم عن كل خطأ ..؟ وطبعا انا ماني معك بالتقسيم وخصوصا احد الالفاظ لان بنظرتي ماشوف فيه اختلاف بينهم الا لو كان على اساس ديني اما غير كذا ماعترف فيه وسالفة الباص لو لقيت اللي يخليني اصدق بصدقها بس مالقيته بكل بساطة وخليني اشوف لك جملة انتي كتبتيها قضية رأي عام وهي تخص كل الناس لأانه مافي أحد مايغار ومايهمه امن بلده ومايهمونه شبابها وبناتهالأانه اليوم لغيرهم بكرى ممكن تصير لهم!! طيب يعني الرأي العام مايهتم لسلامة طالبات الجامعات او المدارس او في اي مكان يكون فيه تجمع نساء..؟ وانا ماقول المفروض مافيه تفاعل قد ماقول ليه التفاعل الزايد في هالموقف بالذات والقصة مو واضحة ..؟ وليه على العكس شفنا نتائج قرار من احد الاشخاص وتسبب في وفاة ولا شفنا احد يتكلم بربع هالشي واكيد كل شي مقدر ومكتوب ومسألة ان الصحافة تبحث عن انها متشددة دينيا اتوقع الصحافة عندهم اللي اكبر من وكيلة كلية في القصيم مع احترامي لها وماقول غير الله يبشرك بالخير على ان المنتديات اهتمت بهالخبر لان اللي اشوفه العكس بس والله من جد فرحتيني والقصة الثانية اللي قلتيها الصراحة مالي تعليق فيها ان كانت صحيحة لكن على الاقل هذي احد فوائد نشر القضية اننا عرفنا القصة الحقيقة ورا الموضوع لاطولتي ولا شي :rose: تحياتي واحترامي |
انا ما راح اتكلم علي سالفة الباص لان احس انهم لفقوها !! يعني الي شفته بالمقطع حول عشر شباب يرجمون... اما عن سالفة الطالبه... ما اقول الا مجتمع معاااااااق فكريا !!! |
انا صدقت السالفه الاولــــــى تدرون ليش لان في الزمن هاذا كل شي توقعه في شباب صايعين ضايعين ويسون اشنع من الخطف وانا محددت الرياض فقط بكل العالم فيه ناس الله يكفينا شرهم عندناااا وفي مدينتي شباب منتهي الله يصلحهم ويعين اهلهم على بلاويهم |
مشالله كل اراء الاعضاء حلوه وانا ماراح اقدم ولا اخر بس بالموضوع الاول فيه خطا سوا من البنات او العيال بس الاهم وين الرقي بمجتمعنا يعني العالم برا بعاااالم وتصرفات اغلبيه الناس هنا بعالم ثاني والموضوع الثاني اتوقع وانا مابي اظلم العميده بس اقول يمكن ان مصلحتها الشخصيه اهم عليها من حياه بنت يمكن خافت تتعاقب لو دخل الاسعاف بس عجبني الشعر مره توقعته اسلوب ابن فطيس:smilie47: من اول ماقريته وبالفعل يعطيك العافيه على الموضوع وهذا يدل على حرصك لمشاكل وطنك:yes: |
إقتباس:
. هههههههههه اعجبني هالرد .. بخصوص السطر الاول .. اوافق اختي ام متعب لاني سمعت بالمقطع شخص مفصخ !! وبخصوص السطر الثاني الميته ماتجوز عليها الا الرحمه .. والله يرحمها ويغفر لها ولو اني ضد المنع يعني حتى لو دخل على البنات وكاشفاآت .. اهم شي ينقذ البنت مو الشوفه ! عوافي اخوي |
. . اولا القصه 1 بدايتها صدقتها بعدين فكرت فيها ..اولاا كيف الصوره كانت بسياره الرجال ثم انتقلت ع البنات .؟ ثانيا موب معقوله يحاصرون البنات والشباب يوقفون كذاا ويناظرون ؟! ثالثا مو هبلان الشباب يسرقون بالنهار يعني عيني عينك .!! رابعا البنت اللي تصور كيف طرا ع بالها التصوير وهي خايفه ومتروعه ومو حول تصوير واصلا كان الشباب ماخلوها .. انا واعوذ بالله من كلمه انا :) اقول السالفه مفبركه :) .. ! القصه 2: وقت الضروره تحل المحرمات وش فيها لادخلو الاسعاف وخذو البنت :ranting: ..يعني يدخلون للبنت وياخذونها ويطلعون هم مهمتهم كذا .. وش دخل مايصلح وبنات ومادري وش موتو البنت ع شي سخييف .. يلا الله يرحمها ويغفر لها يارب لك:rose: :) |
إقتباس:
وبعدين اذا بتهتمين باللي يرقمون هذا شي راجع لك دامك حكمتي ع الكل كذا , انتي من كلامك هذا ان عادي نقابل اجانب عشان لكم غرض الا هو (تشترون اغراض او تروحون تاخذون علاج) طيب الحين الاسعاف ليش ماتقولين عادي يدخل للكليه ؟ دام له غرض مهم ؟ يعني الاسعاف رايح يرقم ؟ ولا يسعف البنت ؟ |
إقتباس:
لايــابوي انا ماتهمتك انا قلت الحكي ذا على كلامك ان نحن نروح عشان نقابل اجانب عموما من حقهم انهم يدخلوا ويسعفوا البنت وعشششان ترضى عـــــــــــــــــــــــــــــــــــــــــــــــــادي يدخلــــــــــــــــــــــــــــــوا ويسعفوا البنت لان هاذا عمل انساني ولاحد يزعل من ردودي يمكن طريقة تفكيريفي وجة نظركم طفوووولي ومراااهق جــــدا سلاااااااااااااااام |
إقتباس:
لكن الموضوع للنقاشه فقط . |
إقتباس:
هلا يالكاتلوني ومبروك الفوز مقدما:smilie47::d انا حتى الترجيم ماشفته ان بغيت الصدق وماتقدر نقول شي عن المجتمع لانه مجتمع فاضل مافيه شين غير الشباب تحياتي إقتباس:
هلا سمانا عادي صدقي السالفة بس مثل ماتصدقينها ياليت تصدقين بقية السوالف اللي تطلع ومايكون فيها شباب تحياتي إقتباس:
هلا تميه واتوقع ماراح نصير مثل العالم اللي برا الا لو صرنا نشوف مشاكلنا الحقيقية بدون اننا نمشي ورا الاثارة ونحط كل اخطاء مجتمعنا في فئة معينة والعميدة مادري وش اقول بس انا رجعت لجريدة الرياض تحديدا وشفت تصريح لوالد البنت الله يصبره والهلال الاحمر ويقول ابوها انه شاف تقارير الهلال الاحمر انه بالفعل ماحتاج سوا 3 دقائق للوصول الى الموقع وماطلعوا البنت الا بعد مرور 9 دقائق وسلمت البنت للمستشفى بعد مرور 3 دقائق اي ان المستشفى قريب وهذا الرابط http://www.alriyadh.com/2010/04/06/article513600.html كويس اعجبك الشعر:d الله يعافيك تحياتي |
إقتباس:
دوم الضحكة:rose: خلاص شرحت كل كلامي من المسألة الاولى من ناحية المفصخ :razz: والله يرحمه برحمته يارب العالمين الله يعافيك تحياتي إقتباس:
اهلين شموخ كويس فيه بنت هذي قناعتها لاني خفت من كثر مايقولون لي انت تدافع عن الشباب بس والله يرحمها برحمته يارب العالمين لك :rose: تحياتي ازرق وبنوتة شكرا لتواجدكم :smilie47: تحياتي |
القصيدة روعة اووووم من ناحية موضوع البنت الباص ماقريتها لاني مليت من كثر الناس اللي تسولف عنها |
مساء المطاردات والأكشنات s121s,, إقتباس:
إقتباس:
ههههههههههههههههههههههههههههههههههه ** ** عناد s121s بصدق خبر بنات الباص من إلى s121s:d * شوف اخوي موضوع الباص تقدر نقول مثل حرامي سيارات لما طلع سوى هيصة وزمبليطة :s2:,, طبيعي الخطف الكل بينبه له في أكشن ومطاردات :s5s::d سواء كان الموضوع صدق كذب مفبرك اللي تبي ,, * بالله تقارن قضية اختطاف بقضية وفاة !! * اسمع كلام البنت اللي قاعده تدعي عـليهم والله من قلبها الدعوة وواضح إنها تبكي :cry:,, وكلام البنات وهما يقولوا اطلع على شارع عام :cry: واللي تقول من دون ملابس :s5s: سواء كان النية خطف او بس عشان صدم سيارته ,, هذا مو أسلوب يلحق ورى باص مليان بنات وييييييييييييييييييييييييييين إحنا :s5s:؟ مايعرف ياخذ رقم اللوحة ويتفاهم معاه بعدين لازم يلحق وراه اش المسخرة هذه ؟ * الله يرحم البنت يارب ويرحم أموات المسلمين أجمعين ,, ** عالعموم مثل مافي شباب سيئين في طيبين ولاتزعل :s2: ومثل مافي بنات راقيين ,, في شويييييييييييه :d بنات سيئين ,, الله يعطيك العافية شكر لك بطلة |
إقتباس:
زين تريح راسك من البربرة:d تحياتي إقتباس:
عموما شوفي ماراح اقول شي تعبت وانا اقتنع بس بالاساس مادري وش مستندين عليه ولو على قولتكم فيه قضية كذا ماراح تتكلم امارة الرياض ..؟ معروف اي شي فالرياض وفيها بنات بعد تلاقينه يومين ومخلصين واليوم الثالث حاكمين عليهم او عالاقل نشروا كامل القصة بس هنا الموضوع مختلف ولك في قضية برجس ونفق النهضة الامثلة اللي تكفيك ان في هالاشياء يحطون اقسى العقوبات الا هنا ماصار شي ابدا ولا يمكن تقولون راعي الهايلكس واصل بعد:ap: عموما اشياء كثيرة لكن بعطيك الحين خبر في جريدة الرياض اليوم تحديدا http://www.alriyadh.com/2010/04/12/article515487.html اقري وشوفي وش كاتبين قالوا البنت مخطوفة واكيد بتروح ولا بيقولها شي وللمعلومية الحين غالباا في كل تفحيط بمعنى كلمة تفحيط لازم نشوف بنت راكبه مع احد يا مع المفحط او احد المتفرجين واول بنت طلعت مع مفحط عام 2002 وحنا الحين عام 2010 ولسى الاخوان يتسترون بسبب ان هالطرف (بنت) وتبغيني فوق هذا اصدق ...!! وخلاصة تكفين مابي تقولون فيه بنات سيئين لا كلكم ملائكة بس الشباب لاتجمعون عليهم s13s الله يعافيك تحياتي والعفو اخر واحد بالحارة:d |
| الوقت المعتمد في المنتدى بتوقيت جرينتش +3.
الوقت الان » 06:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd