#1  
قديم 07/04/2010, 04:11 PM
زعيــم فعــال
تاريخ التسجيل: 28/06/2004
المكان: الرياض
مشاركات: 362
قصتي مع الاتصالات

السلام عليكم ورحمة الله

اخواني انا الآن عميل زي الزفت مع الاتصالات السعوديه وبلاك ليست من سنتين
القصة بدأت عندما ...

نزلت الاتصالات عرض الخط الثابت مع انترنت 256 بدون رسوم تأسيس

وطلبت الخدمه وياريتني ما طلبت

اشتريت المودم وجهزت نفسي على الموعد اللي كان بعد اسبوعين من طلب الخدمه وجت الأسبوعين

جا الفني وركب الخط ورحت جبتلي واحد وصلي الأسلاك وكل شي تمام

ارفع السماعه بدق على اهلي مافي حراره .... ياهووووووووووو
رحت جبت الهندي
شيك الهندي وقال الاسلاك كلها تمام اتصل على الاتصالات

اتصلت وقدمت الطلب وقالوا راح يجيني فني بعد 24 ساعه
جا الفني وشيك وقال لازم تغير الأسلاك
جبت الهندي مرة ثالثة راح الهندي غير الأسلاك بعد ما تهاوشت معاه
الخط ما اشتغل
اتصلت على الاتصالات وقالولي منرسلك فني بعد 48 ساعه
ولا جا الفني
واتصلت مره رابعه وخامسه وعاشره ولا في فني عبرني وكل مره يقولولي 48 ساعه ومافي طلب مسجل عندنا

اخر مره اتصلت عليهم وقدمت اعتراض وشكوى وقالولي منتصل عليك والى اليوم ما اتصلوا علي

والاقي يا عالم جوالي مفصول
رحت اسأل قال عليك مديونيه ب 1350 ريال

مديونية ايش قال الخط الثابت والانترنت

قلتلهم انا مقدم اعتراضات وعلى اساس ترسلولي فني قالو لا مافي شي
قلتلهم طيب بسجل شكوى قال ( سدد ثم اعترض )

قلتلهم والله ثم والله لن اسدد هلله وجوالي اشبعوا فيه وفلوسكم ماني مسددها واعلى ما بخيلكم اركبوه

والى الان عزيزي العميل لم يتم السداد حتى وصلت فاتورة الهاتف الثابت الى مبلغ 3400 ريال وفاتورة الجوال الى 800 ريال مع انه الحد الائتماني 300 والفاتورة طالعه 531 ريال

والى الآن لم تصل حرارة الهاتف الى المنزل

اهم شي اشتركت مع موبايلي والى يومنا هذا لم تتجاوز فاتورتي عن الثلاث اشهر 250 ريال، وعشان النت اشتريت برودباند من موبايلي كمان وزي العسل

وانتهت القصة





نثق بكم
2014/9/16م سترعبون آسيا بأكملها
  #2  
قديم 07/04/2010, 04:54 PM
الصورة الرمزية الخاصة بـ نزيه المشاعر
عضو اللجنه الإعلامية
بالموقع الرسمي لنادي الهلال
تاريخ التسجيل: 24/02/2005
المكان: قصيمي الرياض
مشاركات: 18,327
الله لايوفقهم عيال الحراميه

انا موجود بالبلاك ليست عندهم

(موبايلي عالم من اختياري)

  #3  
قديم 08/04/2010, 02:59 AM
زعيــم مميــز
تاريخ التسجيل: 07/08/2009
المكان: بـــيتـــنا
مشاركات: 2,806
حسبي الله عليهم وانا كماااااااااااااان جوالي ماتحوووول الى موبايلي ولسى اعاني من 6 شهور مع التحويل






[
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:08 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2022, Jelsoft Enterprises Ltd

Google Plus   Facebook  twitter  youtube