خليجنا واحد ..وشعبنا واحد ..ومراجلنا وحده
على العين والراس وكل اهل الخليج على روسنا وهم اهلنا
لكن حان الوقت اننا نخرج من هالدائره الفارغه
بلاش مثاليه وبلاش نفاق إجتماعي .. البطولات الخليجيه أدت اللي عليها وزياده ..
واعتقد انها ماصارت تظيف لنا غير المشاكل واتحدى حد ينكر ..
يعني إذا صار فيه تعصبات وحزازيه بين ابناء الخليج فأعتقد ان الرياضه هي اول سبب ..
والحوادث كثيره سواء بين السعوديه والكويت او الامارات وعمان او قطر والبحرين ..
وقت بطولات الخليج للمنتخبات اتوقع لو تنفك الحدود على بعضها ممكن تصير
حرب عالميه ثالثه بين الجماهير بسبب التشنجات اللي نشوفها في الكوره
امور كثيره تشوّه العلاقات الخليجيه ببعضها وللأسف سببها كوره ..
كان الشعار زمان ان هالبطولات لتعميق اواصر المحبه والاخوه ..
لكن اللي نشوفه الان غير
أذكر قبل كم سنه صالح الحمادي
الصحفي الخبير المثقف المطلع والواعي
صاح ابو شامه بأعلى صوته في برنامج رياضي على القناه الرياضيه ..
وطالب بإلغاء هالبطولات الخليجيه بسبب ماتثيره من مشاكل ومن تشنجات
بين الاخوه الخليجين .. لكن للأسف ماأمداه خلص كلامه الا وأتصل سمو الرئيس العام وهو قاطب الحاجبين وعطاه دش ساخن
تحلطم صالح وسكت ولكنه تنبأ بأن الجاي راح يكون اكثر جرأه وبالفعل هذا اللي حصل ..
الكلام يطول والشواهد كثيره على ماتعانيه السعوديه من هالبطولات الخليجيه ..
لا من نواحي أخلاقيه ولامن نواحي فنيه .. فمع احترامي لكل الفرق الخليجيه
اتوقع ان الفرق السعوديه تعدتها بمراحل كثيره ولن نغتر بما يحدث من مفاجآت
من هالفرق سواء وصل والا ام صلال والا الغرافه والا قادسيه
نبحث عن الاحتراف وعن مصلحة الدوري السعودي ولازلنا متشبثين ببطوله
مثل بطولة الخليج للأندية والمنتخبات..لااتحاد اسوي معترف فيها
ولا اتحاد دولي قادر يعترف فيها ... هذي مصيبه والله
معناه لاعمرنا بنتطور ولانطلع فوق ..واللي يبي يسوي شاطر على اندية الخليج
يورينا شطارته في آسيا
الموضوع يمكن اكبر من الرئاسه العامه ويحتاج لقرار سياسي ..
لكن مرئيات الرئاسه العامه لها تأثيرها
عموما كلامي ينطبق على كل البطولات الخليجيه ..
سواء قدم او يد او طائره او حتى تنس
ياليت نناقش الامر بعقلانيه بعيد عن العاطفه ..
وأشكرك إستاذي عادل التويجري على هذه المقالة والتي أتمنى أن تصل هذه الرسالة لدى المسؤليين