فارس عوض يعلق على القناة الرياضيه السعوديه - صفحة رقم 2 - نادي الهلال السعودي - شبكة الزعيم

سبيعي الهلال · #16 06/04/2010, 12:30 AM

اي والله لي فترة افكربها النقطة

معشوق الهلال خالد · #17 06/04/2010, 01:08 AM

حتى معلق في قناة دبي الرياضيه مباراة الشباب والعين كنت حسبه فارس عوض يوم انتهت المباراه قال محدثكم احمد الحوسني اثريه مقلد فارس عوض
بعدين اي معلق يبدا التعليق لازم يكون متعلق بمعلق ويقلده مثل فارس عوض في بداياته كان يقلد سعيدالكعبي معلق الجزيره وفيه معلق في الجزيره نسخه كربونيه من يوسف سيف تقول يوسف سيف فاي معلق يبدا لازم يقلد معلق ثم بعدها تصير له كارزيما خاصه فيه هو الله اكبر ياكرازيما هههههههههههههههههه

بعدين مافيه معلقين في السعوديه سواء عبدالله الحربي وفهد العتيبي اما باقي الله يخلف بس

ْAS · #18 06/04/2010, 03:56 AM

والله يالمعلق هذا مافي راسي تعليق ياخي جابلي المرض
اقسم بالله مدري وش يحس فيه كلمة فاشل قليلة عليييه

هلالي دووووووم · #19 06/04/2010, 07:00 AM

اذا كان اللي تتكلمون عنه هو نفسه حق الكره الشاطئيه اللي بالشرقيه

اقولكم انه ماقرب حول فارس وماله داعي الصراحه

7moot AL HILAL · #20 06/04/2010, 07:08 AM

ولا جــــــــا صوووووووووبه فرررررررررق

عبدالعزيز 2007 · #21 06/04/2010, 09:54 AM

إقتباس


	والله ياهو بايخ مدري وش لون يبي يشتهر وهو يقلد معلق ثاني بكل تفاصيله كل كلمة لازم نهايتها ( ـإه ) عرضيـإه خطيرإه حوم تسبديإه

هههههههههههههههههههههههه

والله انك صــادق وغير كـذى ازعـــاج

جـافـا · #22 06/04/2010, 11:14 AM

يقلـــــــــد مو يشبـــة

فرق بين فطرة التعليق والتقليـــد

شف لحدان ما شاء الله علية تقول يوسف سيف

الزعيـ20ـيم · #23 06/04/2010, 11:36 AM

ياااارجال الله يخلف علينا

لا وياكثر مايقووول " انه سعد الحارثي" " انه الدوخي " انه انه

يعطيك العافيه

هلآلي مخربهآ · #24 06/04/2010, 11:50 AM

يارجال , شرهتك على اللي عنده قناة سعوديــة وحده ,

انا من بعد ماشفت ديربي الريآض قبل فترة ثنين مقدمين تحليل المباراة , واحد لابس الهلال والثاني النصر , فقعت ضحك عليهم ,, بصراحه مايفرقون بين الاحتراف والتهريج ,

الله يخلي لنا الجـــزيرة بس وقنوات النوفا سبورت وبلاا قناة رياضية بلا هم

والله لو يجيبون أفضل معلق وحبيب ألبي عصـآم الشوالي , ماطرى علي أرجع القنآة ذي

روقونا بس قآل فارس عوض , ياعمي ذبحنا تقمص الشخصيآت عاد شلون الاصوات خخخخ

تقبل تحياتي ياعزيزي ولاتفرح بالحيل , والله يخلي لنا الجزيرة (660) سنه كاملة شاملة كل القنوات ياعمري بس

تسلم على الموضوع ياحبيلك , بس والله من مافي خآطري على ذا القناة اللي ذبحتنا بالقهر من طلعت خخخخ

هلآلي مخربهآ (برشلوني)

bas oyon 14 · #25 06/04/2010, 12:17 PM

كانه اللي يعلق على الكره الشاطئيه فهو صدق ماعندك احد ودي انكم سمعتو تعليقه منتخبنا مع منتخب سوريا شاطيئه والله ياهو يبالغ 4 لاعبين مع الحارس واشغلنا بالقصيد ومتابعين خمسه نفر اجل لو يعلق على مباريات دوري زين كل مباراه يبون يشلون حنجرته بنقاله من الزعاق

M E D O O · #26 06/04/2010, 01:22 PM

معلق صغير في العمر ومبدع

كل التوفيق له

o O N e v e s O o · #27 06/04/2010, 01:32 PM

والله انـآ مـآشفـته ..

والله قـهـر فـآتني .. انا شفته عـلى عبدالله الح ـربي

شوقي هدية · #28 06/04/2010, 01:47 PM

بعد التحيه والسلام ..
صوته فيه من فارس عوض بس مشكلته يتعنى وهو يعلق يحاول يقلده بس اهنيه على المحاوله

alfayhaa Sport · #29 06/04/2010, 04:41 PM

لا يسولى معلق الأحمد ..

لازم يكون شعار الرياضية

احذروا التقليد

DAMMAMna · #30 06/04/2010, 05:53 PM

يعاب عليه كثرة الكلام والحماس الزايد حتى اثناء توقف اللعب يتكلم بنفس الحماس والكثرة

عموماً انا ما قدرت أكمل المباراه على تعليقه لانه أفقدني التركيز

بس اغلبكم يمدحون صوته فأن شاء الله يعدل اسلوبه ويبتعد عن التقليد ويكون معلق ناجح