السلام عليكم ورحمة الله وبركاته
مبروك الفوز على الفتح طبعا والله مدري وش اقول على جماهير الرياض يعني ليه ما تحضرون الا ضد النصر وتسحبو على كل المباريات الثانية
تعرفو انه من اول جا جيريتس ونيفيز ورادوي و ويلي جمهور الهلال لم يملي استاد الملك فهد محد يرد ويقول الا ضد النصر الملعب فل انا اتكلم بدوري ابطال اسيا ضد مس كرمان 17000 ضد الاهلي الاماراتي 12000 المشكلة المباريات كانت يوم الاربعاء حتى السنة الي راحت ضد الاهلي الاماراتي الجمهور ما تجاوز 20000 حتى ضد ام صلال دور 16 الي حضرو 16000 ضد بختاكور الجمهور ما تجاوز 20000 والله حرام الي يصير تخيلو الاعبين يكونو متحمسين على المبارة ويدخلو الملعب عشان يتدربو بالملعب وما يشوفو الا اقل من 20000 متفرج ويشوفو 50000 كرسي فاضي والله الاعبين يتعبون نفسيا
اخر مبارة امتلا فيها الملعب 2008 ضد مان يونايتد بس من بعدها والله مدري ايش الي صار

الحين نجي عند الرابطة
الرابطة فيها عيوب ما تعرف كيف تخلي الجمهور يتفاعل عكس الاتحاد
مافي اهازيج حلوة
الي يقول ليش الجمهور ما يتفاعل مع الرابطة كيف تبغونا نتفاعل واحنا ما نسمع شي واهازيج مدري وش تبي
زي خلي روحك رياضية الصدارة هلالية بالله هذي اهزوجة ولو ما عرف وش يقول ..يقول ياهلال عزك عزنا او حبيكم مين
وفي شي ثاني لما الرابطة تشجع ما تعطي فرصة للجماهير انها تشجع زي خصمنا ما نعفيه المفروض يخلي الجمهور يقولو اي بالله بس المشكلة هو الي يقولها يعني وش الفايدة
بس طبعا ما ننكر انه الرابطة تبي تقدم احسن ما عندها وشكرا
اخر شي مبارتنا ضد السد يوم الثلاثاء نبي الملعب فل ما نبي الواجهة بس نبي 70000 متفرج نبي باصات تنقل الجماهير
ونبي الرابطة يحاولو يجيبو اهازيج عشان نتفاعل معهم
طبعا الحمدالله مب انا الوحيد الي اقول الرابطة يبيلها تطوير
وشكرا