السلام عليكم

صراحة ما شاهدناه في مباريات الاندية السعودية مع الاندية الاماراتية

يحز في خواطرنا فكل ما عهدنه عن اهل الامارات من كرم وجود وحسن ضيافة

اختفى في اقل من 3ساعات

شاهدنا الجماهير الاهلاوية واهزوجة ياسر والكلام اللا اخلاقي للاعبين السعوديين وسكوت تام من قبل ادارة الاهلي

ثم اتى بعدها مباراة النصر والوصل والضرب والتعدي على علينا نحن السعوديين وتعامل العسكري اللطيف للجمهور الاماراتي دون القاء القبض على المتسبب

قبلها مبارة الاهلي والجزيرة والضرب من الاعب اماراتي للاعب سعودي بكل ما اتاه الله من قوة والغريب انه ضرب بعد ما حسب له الحكم فاول وانذار للاعبنا

في مبارة الاتحاد والوحدة الذهاب كان في استفزاز للاعبين الاتحاد غريب جدا جدا جدا والحكم واحد منهم

مبارة العين والشباب الذهاب شاهدنا الجماهير تتلفظ على البلطان بكلام وصف بالمعيب

لماذا كل هذا؟؟؟؟؟؟؟؟؟
احنا السبب فنحن نشرنا التعصب الداخلي فيما بيننا خارج الدولة حتى صرنا اضحوكة عندهم

فجمهور الهلال يقف امام النصر في مبارياته الخارجيه والعكس صحيح
جمهور النصر والبلطان صارت عند جمهور العين واستخدموها
الاهلي والاتحاد نفس الشئ

افتحوا منتدياتهم وشوفوا السعوديين وش يقلون لبعض والله انه كلام ما ينقال من سب وشتم لان السالفة انا هلالس او انا نصراوي ........ألخ

هذي احدى ضراب التعصب عندنا يتجاوز كلمة الوطنية

بعدين السالفة سالفة كرامة للشعب ككل
تخيل انك ذاهب الى الامارات وعرف احد انك سعودي وقال لك احنا ضربناكم هنا وتكلمنا على لعيبتكم هنا شو راح تقول اكيد تسكت
اذا اخذنا بكرامتنا راح نرد عليه بس اذا الوضع تم كذا راح نسكت الى الابد

اشكر الامير عبد الرحمن بن مساعد في اعلانه الانسحاب من البطولات العربية الخارجية ما لم يؤخد بحق كرامة الشعب السعودي من الجماهير الامارتية

عفوا على عدم تنسيق الموضوع

شكرا على الموضوع

اخوي انشا الله ان الامور تسير بشكل طيب واتمنى عدم الشحن للجماهير

ولكن انا من ناحيتي اشججع اي فريق سعودي ولا اميل الى التعصب واتمنى من الجميع ان ياخذ الامور بروح رياضية عالية

والهدف من كرة القدم الاستمتاع والمشاهدة والتشجبع الراقي

اما بخصوص الهتفات على ياسر فلا حول ولاقوة الابالله العظيم وحسبي الله على كل شخص يطلق عبارات تسي للاعب وللوطن وللدين

تقبل مروري

جبيبي الغالي
كل اندية الوطن على العين و الراس الله يوفقهم يارب من الدوري الممتاز الى دوري المناطق الا
نادي التشليح و السكراب السعودي لا و مليون لا لمأزرتهم

انا سعوديه وانت سعودي هذا عندي عندك

بس النصرويين لا الي اعرفه انهم قبل لا يقولون هلال يقولون اعوذ بالله

المهم ماعلينا منهم والتعصب نرفضه والحمدلله الذي عافانا مما ابتلاهم

والي قاعد يصير للممثلين الكرة السعوديه خارجيا هو بسبب بعض الجمهور المتعصب وتشويه السمعه

متناسين انهم يحملون هوية واحده ومن وطن واحد

مشكــوور على المـــووضووع

اسمحلي اخوي .... بلا مثاليات زايده .... اذا صرت محترم كل الناس تحترمك .... الهلال فاز بالدقايق الاخيره على الاهلي الامارتي ورغم تصريحات مدرب الهلال ماصار شي ومااحد طق احد

بالمقابل ادارة الوصل لها ثلاث ايام تعتذر من النصر عن اللي صار .... وحنا لنا سنتين والجماهير برا وجوا تسب ياسر مااحد اعتذر لنا ولا احد عطانا وجه .... المثاليه الزايده ذبحتنا

ياناس الدعوه شرابيك من وصل الهتافات ضد ياسر ماهم النصراويه

تخيو معي الموقف لو الضرب جا للهلالين من جماهير الاهلي الامارتي متأكدين ان النصراويه واولهمكحيلان بيوقفون معنا تبطون عظم الا بيقولو رادوي زين وزين ونعتذر لكم يالشعب الاماراتي عن افعال الجزار يكرم رادوي عنهم صراحه التشمت مايصلح والله نقهرت لضربهم
بس كل ماتذكر ياسر اقول ان الله يمهل ولايهمل جاهم ذنبهم في ياسر
ومع كذا انا مع شبيه الريح بموقفه معهم عشان يعلم كحيلان وش هي الوطنيه اللي اشتغلت عنده العام وانطرد كوزمين بسببه ابوفيصل بس حب يوصله ان الرجال مخابر ومواقف ماهم مناظر بس ان شاء الله ينفع فيهم النصراويه الوقفه هذي و صراحه مااضمنهم اذا قابلناهم بكاس الملك بتشوفون اساءاتهم لياسر

والله لما كانو رابطة هنود الاهلي الاماراتي يقولون ياسر وينه بالاستراحة ما وقف معنا جمهور الفقر لأنهم من اطلقوها وقامو يسجلون بالمنتديات الاماراتية ويوزعونها

وشوف لما جاء الشباب يقابل العين وقفو معهم جمهور الفقر

واخرها واحد يقول انا اشجع العين لأني احب المنطق واللعب المهاري بس نسى او تناسى ان جمهور العين واولهم العمدة ابو قلبين هذا كان في مدرجات جماهير الوصل ويشجع الوصل


وتشبيه باليهود وكل هذا وين راح؟

صح ما كنت اتمنى هذا الموضوع لكن من اعمالكم سلط عليكم والجزاء من جنس العمل

وجهات نظر الجميع ويتوجب على احترامها

شوف حبيبي ... كلمه أن أساند النصر واٌقول لا والله لازم أوقف معهم شوي .. هذولا أبناء وطني وما يستاهلون
ما جاهم ........ ؟؟

فأنا أقولك أسمحلي .. والله ما أشجعهم ولا اساندهم حتى نص دقيقه .. من بعد مباراه العين وفنجا ومن بعد مباراه أم صلال ومن بعد تصريحات خبيلانهم وتشبيهه للزعيم بانه اسرائيل . وانا غاسل يدي منهم وانا من زمان ترى غاسل يدي وداري ما منهم فايده ولا وراهم عز وما منهم الا المشاكل وقله الحياء ..


اجل من اللي نشر اهزوجه ياسر القذره ..؟

من اللي اعلن كرهه للهلال علانيه ..؟

من اللي شكك في منجز الهلال التاريخي لقب نادي القرن ..؟

من اللي تهجم على رموز الهلال ونجومه وجماهيره على مدار السنين ..؟

من اللي دايم يشكك في بطولات الزعيم وانها جاءت بالغش والرشوه والتحكيم ..؟



والله العظيم القائمه تطول ولكن لكل الاسئله الماضيه إجابه واحده أنهم ( الفقراويين )



كل واحد يتكلم عن نفسه ولا يعمم .. اللي يبي يساندهم ويشجعهم يروح منتداهم القذر و يكتب اللي يبي


وعلى طاري منتداهم أكرمكم الله .. شوفوا يا من طالبتم بالوطنيه مع نادي الفقر ماذا يكتبون عن الزعيم
فكان الزعيم شغلهم الشاغل وكنهم لا يشجعون نادي اخر . ؟

سب وشتم ولعن في نادي الزعيم اعزكم الله ... كتابات قذره تدل على انحطاط مستوى تفكيرهم ..

أسف على الإطاله والله يوجد بخاطري عليهم كلام كثير لكن ؟؟؟؟؟؟؟ الله المستعان
.

حبيبي مشكور على الموضوع ولكن انا ختلف عنك
اولاً: من نشر ياسر وينه الى الامارات
ثانياً: من وسب البلطان العمدة وهو يمثل النصر السعودي بصفة من رئيس رابطة النصر
ثالثاً : وهو الاهم كل اندية السعودية باركة لنا بلقب نادي القرن ماعدا الجار وهو من شكك بأحقية اللقب وهو الدينمو المحرك لجميع المشاكل الرياضية السعودية
وبالفم المليان قليل ماجاهم
مسكين الوليد بن بدر في كل قناة يزعق ويستنجد

اللي صار للنصر ببساطه بسبب سوء نواياهم وقلوبهم السوداء


(( ان الله لا يغير ما بقوم حتى يغيروا ما بأنفسهم ))

لو يجيبون زيدان وكاكا ورونالدو وتوريس وجيرارد بيبقى النصر بدون بطولات وتستمر معاناتهم بإذن الله !