.. ][ .. رحلتي لـجمهورية التشيك .. ][ ... ][ تمت اضافة صور بتاريخ 25 - 4 - 1431 هـ ][ - نادي الهلال السعودي - شبكة الزعيم

Ricky 8 · #1 02/04/2010, 11:00 PM

السلام عليكم

طبعا ً الرحلة كانت في شهر يوليو السنه الماضيه ... [ نصيحة الي يحط صور خاصه في ملف مضغوط برقم سري .. لازم يكتب الرقم في ورقة او في اي مكان عشان ما يتوهق مثلي

]

طبعا ً الرحلة فيها صور للأسف ما قدرت أجيبها لأنها بملف مضغوط وناسي رقمه السري

عموما ً الصور الموجودة حاليا ً عددها 116 صورة جزئتها إلى 3 أجزاء .. جميعها بإذن الله راح تكون في نفس الموضوع .. وبإذن الله راح انزل الصور بعد كل فترة ..

بداية .. كنا مخططين ان سير الرحلة يكون [ الرياض .. إسطنبول .. براغ .. فيينا .. سالسبورغ .. ميونخ .. براغ .. إسطنبول .. الرياض ] .. لكن للأسف حصل أمر طارئ منعنا من الذهاب الى فيينا وسالسبورغ وميونخ .. لكن ان شاء الله في المستقبل راح نزورها ان سمحت لنا الظروف وان احيانا الله

..

طبعا ً الرحلة كانت على الخطوط التركية .. وكان مرورنا بـ إسطنبول أمر مفروغ منه . المهم أقلعنا من مطار الملك خالد الساعه 2.20 صباحا ً وانا للاسف كنت صاحي من الساعه 8 الصباح وجلست مواصل الى موعد الرحله ولا قدرت انام في الطياره .. لان طبعي كذا ما اقدر انام وانا مسافر .. تخبرون يمكن الطيار يغفي ولا شي اكون صاحي واقدر انقذ الموقف <~ اقعد منت بهين

... وجاء وقت البريك فاست يعني بالفرنسي الفطور

.. مثقف ما شاء الله علي

..وبعد ما افطرنا وحنا في السماء كنت اتفرج على الجو برى ولفت نظري منظر يا الله عليه منظر بصراحة لو اتكلم مستحيل اقدر اوصفه .. تمنيت اني قدرت اصور بس للاسف كانت الكاميره في الشنطه ولا قدرت .. عموما ً المنظر كان عباره عن شروق الشمس من بدايتها .. سبحان الله بدايتها كانت خط احمر .. ثم الخط كأنه زي الورقه الي مرسومه وترتفع تدريجيا ً وكانت الألوان هي الوان قوس قزح لكن تظهر تدريجيا ً [ افلقوني لو فهمتو

] .. عموما ً وصلنا مطار اسنطبول الساعه 6.10 صباحا ً ونزلنا الطياره وركبنا باص الباص وصلنا للمطار وكانت درجة الحرارة حسب ماهو مكتوب في اللوحة تقريبا ً 20 درجة مئوية بعد كذا دخلنا المطار و كان وقت الإنتظار خمس ساعات يعني الرحلة الساعه 11.30 صباحا ً لكن للأسف ما قدرنا نتمشى برى المطار .. لذلك قضينا الوقت في المطار وحصلت لي مواقف بصراحة عجيبه وحلوة .. اكثر موقف عجبني وأنا كنت جالس في صالات الإنتظار طبعا ً حرصنا اننا نجلس جنب اي شخص عربي ولو حصل سعودي كذا مو لسبب معين

.. عموما ً لقينا عائلة سعوديه أب وأم و3 أطفال .. الموقف الي بصراحة شدني احد الأطفال أتوقع عمره ما يتجاوز الـ 7 او الـ 8 سنوات .. كان يقراء لوحة الطائرات [ الي اقلعت و الي وصلت والي مدري وش

] المشكلة كانت باللغة الإنجليزية والطفل قراها ما شاء الله عليه .. وأنا بصراحة ما استوعبت .. طفل بهالمرحلة يعرف يقراء .. مو عربي انجليزي

.. ما شاء الله تبارك الرحمان .. بالمصادفه العائلة كانت رايحه للتشيك يعني معنا في نفس الرحلة .. عموما ً حصل بينا سوالف حنا وأب العائله واستحيت اسأله عن هالنقطه ..

وركبنا الطيارة .. وهنا حصل لي موقف طريف

.. كنا راكبين وقدموا لنا غداء بعد نص ساعه من الاقلاع .. وكان من ظمن الغداء في نفس العربية الي مع المضيفه قوارير كنت احسبها ببسي وسفن اب <~ بريء

..وقلت للمضيفه بكل براءه .. بلييز صبيلي

.. يعني للي ما عندهم ثقافه فرنسيه .. اسكبي لي بعض من النبيذ

.. الا يقمز علي ابو العايله الي قابلناهم في المطار

..قال هذا خمر وانا ضاعت علومي قسم بالله قمطت

.. يا خساره اخر عمري اشرب نبيذ

.. عاد تخيلوا اني شربتها .. تتوقعون راح اصير مدمن

.. عموما ً وصلنا ولله الحمد سالمين غانمين وودعنا ابو العايله .. وكان في استقبالنا نسيبنا .. الي ما قصر ووصلنا للفندق .. ومن هنا عاد بدت الرحلة ..

طبعا ً الصور الي موجودة للاسف ماهي كاملة .. بس ان شاء الله لو قدرت افك الملف .. راح انزلها كاملة ..

الجزء الأول .. ][ .. كار لو فاري .. ][ ..

طبعا المشوار من براغ الى كار لوفر فاري 300 كلم بس بصراحة مع الطبيعه والجوو الرايق تنسى طول المسافه

اخليكم مع الصور الي اتمنى ان تنال على رضاكم

اعذرونا ان كان التصوير سيء لأن الكاميره عاديه وصغيره

طبعا ً هذي الورود يغيرونها كل يوم وتكون مكتوبة بتاريخ اليوم .. وزي ما تشوفون التاريخ كان .. 14 / 7 / 2009 م

عاد هذي الصورة انا من كثر ما اشوف ناس يصورون حمام يمشي قلت لازم اسويها

عاد عطيتكم وجه .. يالله بروح انام انا

<~ ما ينعطى وجه خخخخ

هذا الي قدرت عليه اليوم واعذرونا تخبرون بكره سبت والسبت دوام وقلق .. وفوق هذا علي اختبار ولا قريت الا شوي خخخخ

..

ان شاء الله راح نكمل باقي الصور في الأيام القادمة

كان معكم من قلب الحدث .. أخوكم طلال

MAN.UTD · #2 02/04/2010, 11:09 PM

الحمدالله على سلامتك طبعا للسنه اللي فاتت ههههههههاايي

... مشاءالله رحلتك ممتازه

ماقصرت على هالموضوع الجيد ..

وننتظر المزيد من الصور تذكر الرقم السري

تحياتي

الظَاهرَه ! · #3 02/04/2010, 11:20 PM

اجواء تششهي بصرآأحة دخلت جْو مع الصور ، || مرآ الثانية لاتنسون تاخذوني معكم خخخخخخ

عجبني كل يوم ورود وع شكل التاريخ مب هنا ورود مايحطون جديده إلين ما يمر الامير مرة ثآأنيه خخخخ

، هذآ وانتَ مآشربت الخمر مب مذآأكر كيف لو شربت هههههههههه

..

بإنتظآر بقية الصور ، والحمد لله ع سلآأمتكم ..

بالتوفيقَ ..

_البرنس_ · #4 02/04/2010, 11:30 PM

صوررر روعه والحمد لله على السلامـه >>>بدري

ومررره ثانيه قلي اروح معكم ههههههه

Royal Lover · #5 02/04/2010, 11:30 PM

.

إن شاء الله تكون إستمتعت بـ الرحلة طـلال

وننتظـر الأجزاء القـادمة بحول الله ،

مـوت ومـيـلآد ! · #6 02/04/2010, 11:35 PM

مـآآآششششآآإإء الله عليك

! وش عندك رايح للتشيك

!؟ اهجد بأرضك يامال الصلاح والهدايه

!

رحلللله حلووووه والله

!

يااخي والله بيووتهم

وعمآآيرهم

و حدآآيقهم

تفتح النفس

حتى وجيههم تصدق

!

إلااا سسسؤآإإل يعني

!؟

ليه مآآفيه احد يرووح لرومآآ

ولا ميلآآن

! قهر والله

!

ابي احد يرووح وينزل الصوور فيذآآإ

! من الشششاطر اللي يروح هناك واعطيه بسكوت ابولد

! <<<---- كلمه ورد غطآهآ أطلعي برآآ

!

الله يسسسلم إيديآآتك خيوووو

!

أأمسسسك <<<----

رجعهاآإ

!

Hilaly Madridi · #7 02/04/2010, 11:45 PM

.. .. .. ..
.. .. ..
.. ..
..

اقرأ وارجع

^^^^

بعد القراءة

مشاء الله عليك رحلة رووووووووووووعه

إقتباس


	قال هذا خمر وانا ضاعت علومي قسم بالله قمطت .. يا خساره اخر عمري اشرب نبيذ

هههههههههههههههههههههههههههههه

اسمح لي ابضحك

عاد بذمك وش تحسبه انت قبل تقولها صبي لي كأسا يطرب الرأس

...؟؟

>>والله ياهم مسرفين

كل يوم يغيرون الورد عساك نصحهتم بس

اذا جيت تروح لمدريد عطن خبر اروح معك

ننتظر بقية الصورة

الله يعطيك العافية

لكــ

.. .. ..
.. ..
..

Blaugrana Heart · #8 02/04/2010, 11:46 PM

السلآلآلآم عليييكم ..

-
طلآلآل تقرير ! مآشآء الله تبآرك الله عليك ,,

صووور .. روعــة .. بس مرره وحده التشيك .. لو قلت لندن , تآيلآلآلآنـد , آسبآنيآ , مدريد ..

مهو مهم ! ..
صرآحــة .. موضوع أقصد تقرير .. نآيس !
وننتظر الاجزآء القآدمــه
بـ التوفييــق !

wAiLi · #9 02/04/2010, 11:48 PM

وعليكم السلام ورحمه الله وبركاته
ماشاء الله عليك رحله مميزه

والصور حلووووه

بس احمد ربك ماشربت الخمر

ههههههههههههههههههههههههههههه ولا صارت علوم

بس تكفى تذكر الرقم السري خخخ

ننتظر الجزء الثاني

الف شكر لك أخوي طلال

ونوم العووووافي

20 الكاسر ياسر 20 · #10 02/04/2010, 11:54 PM

الحمد لله على السلامه طلال

ان شاء الله تكون رحله حلوه ، وبانتظار الاجــزاء الباقيه

...

ديزوبا الهلالي · #11 03/04/2010, 01:00 AM

موضوووووع خرافي طلّو <<<< وش رايك فيني وأنا أدلعك

الأولى و عدّت لكن الثانية ان ما علمتني قبل ما تروح والله لـ أهكر إيميلك

إقتباس


	قال هذا خمر وانا ضاعت علومي قسم بالله قمطت .. يا خساره اخر عمري اشرب نبيذ

ليه ما قلت له يسكت ويخليك تجربه

على العموم مشكووووووور و ننتظر منك تتذكر الرقم السري و ترجع تنزّل باقي الصور ، ولا اذا ماعرفته علمني اجيك اكسرها لك

Swarovski · #12 03/04/2010, 01:30 AM

إقتباس

الرسالة الأصلية كتبت بواسطة Ricky 8


	السلام عليكم .. [/COLOR][/SIZE][/FONT]

وعليييكم السلآلآم <<حسس ان ما أحــد رد عليه السلآم

..؟

إقتباس

الرسالة الأصلية كتبت بواسطة Ricky 8


	[CENTER][FONT=Arial Black][SIZE=4] وقلت للمضيفه بكل براءه .. بلييز صبيلي .. يعني للي ما عندهم ثقافه فرنسيه .. اسكبي لي بعض من النبيذ .. الا يقمز علي ابو العايله الي قابلناهم في المطار ..قال هذا خمر وانا ضاعت علومي قسم بالله قمطت ..

ايه لآ صدقــت ترى انــك بريء وماشربــت شيفــاز قصدي نبيــذ

..؟ <<والله يالرقـم السري ماضيعته الا عقـب ماقرطعـت النبيـذ قرطعـه :d

يعني بالله طيارة رايحــة للتشيــك لهــا الدرجــه أنـت بريء ولاتـدري أنهـم يبــون يقدموون لــك مسكرات <مجررميــن

..؟
الا تعــال ابا اسألــك يووم قلـت للمضيفـه صبي لـي من الفنجال وارهي لـي من الدلـه البـن الأشقر يداوي الرأس فنجالــه

وش تحســب النبيــذ

حليــب خلفــات

.؟<<أسمح لي اقولك انك تلعب عالمكشوف

لا ماش بايــن عليــك ماتنفــع ماعنـدك ثقافــه فرنسيــه

لابغ يــت تطلـع بس مرتـن ثانيـه لـم حــدى هالديــار دق علــي وسكــر وانا أبفهــم وأجهـز عممري

..؟

الا الي جنب الحمامــه مصاصــه ولا مكنســـه عجززت أميز

<<تخبر فرق الثقافــات

ام متعب التميمي · #13 03/04/2010, 01:49 AM

^
^
ههههههههههههههههههههههههه مجنون ردك هههههههههههه

مدري يلعب على مين وعلى مين ؟؟!!^_* شكلك خفت من ابو العائله^^

رحله موفقه لكن ناقصكم انا^^ اكيد تحتاجون احد يسولف عليكم لكن مسامحتكم المره الثانيه خذوني^^

صور رهيبه ...خاصه حقت الحمامه حسيتك مدري وش تبي معاهم معاهم عليهم عليهم^^

وصوره الورد الي يغيرونه كل يوم شكله من ابو ريالين^^

تحياتي