السلآم عليكـم ورحمـة الله وبركـاته

يسعد مسساء الجميـع

والله ياهي صعبه تضغط ع ايقونة موضوع جديد تحس انك قوي

المهم مالكم بالطويله ..

يوم الاربعاء الماضي ..تحديداً في بريك الغداء < يبي يعلمكم عندهم بريكات

كان فيه اجتماع للمانج منت ومسؤولين كبار بالشركه .. وخيّـكم عنده فضول وقآلط معهم من الدريشه .. كان كلامهم سريع بالانقليزي وصوت الزول لك عليه من بعيد

طبعاً خلصو اجتماع وانتهى بريك الغداء وانا ما تغديت كله لجل اعرف وش الموضوع ..طبعاً هم دايم بعد كل اجتماع يجون يعلمونا وش صار بالاجتماع .. يعني من زود الحماس الا ابي اعرف قبل كل المتدربين وش صاير واروح انشره واخذ السبق بالخبر

المهم انتهى البريك وجانا واحد من العيال ينقاله ديمون ستلر طبعاً قام يذكرنا بقوانين الشركه وهي اربعه .. القبليه والسياسه و الثالثه ناسيها والرابعه 6 بالانقليزي


طبعاً بعد ما انتهى كلامه حفظه الله حبيت اسأله وش الطآري ؟ بس حسيت انه بيكرشني ..

قلت ننتظر ديفيد ابو ستيفان ويعلمنا بدون ما نسأله

المهم وبالفعل جانا المذكور اعلاه .. < -- ادعوله بالهدايه الرجال ع وشك الاسلام بس فيه كم نصراني وصخ يسحبونه

طبعاً الرجال كان عايش بأكثر من دولة فوق العشر سنين .. يقول الاربع شهور اللي قضيتها بالدمام نستني الغربه ونستني اهلي

طبعاً لأسباب واجد ع قولته الامن والامان عندنا يمكن يعد الاول عالمياً .. والشعب ع نياته وطيب وفيه كرم وشهامه وفزعات وحركات.. بس يقول اسوأ ما عندكم سواقتكم ولحوجكم .. المقصود باللحوج ( الدوريات اللي تدور حول الكمباوند حقهم ) .. المهم الرجال ماخذ صوره عننا اننا اكوس ناس .. بس للأسف الظاهر قام يشك بالامور بعد الموضوع اللي صار بجده يوم الاربعاء .. وطبعاً هذا هو سبب اجتماع المانج منت يوم الربوع ..

قبل يومين قتل اخونا علي الشهري بأحد مراكز تدريب ارامكو بجده من خويه ..
السبب والعهده ع ديفيد خوينا انه كان تافه وانها كانت مجرد ملاسنه بينهم ..
ووصلت لقتل !! هو طبعاً يقول ما صدق بالبدايه ويقول انها مستحيل تصير بالسعوديه مثل هالملاسنات .. يعني يستغرب الشتم ..( يلعن امك ويلعن ابوك والى اخره تصير بالاسلام عندنا ..! ) طبعاً وما خفي اعظم عليه.. " تنشد عن الحال ؟ هذا هو الحال ..! "


طبعاً نُشِر هالخبر جريدة عكاظ

للاطلاع ع الخبر هنا


الغرب ماخذ عننا صوره شينه .. اننا شعب ما يتفاهم الا بالقتل وهذا ما تأكد عند الحبايب .. طبعاً بكل الدول موجود هالشي .. لكن الصوره اللي تنقل لهم هناك ان وضعنا مريب وخطر .. وطبعاً الحال عكس ما يوصل لهم من القنوات الصهيونيه ..



قفله


اللهم أني اعوذ بك من الغضب ، اللهم أني اعوذ بك من الغضب ، اللهم أني اعوذ بك من الغضب


الله يرحم اخونا علي الشهري ويسكنه فسيح جناته .. والله يصبر اهله ع مصيبتهم ويآجرهم ..

ويصبر المتسبب واهله ع مصيبتهم ويعينهم ع بلواهم ..


خسر وظيفته وممكن يخسر روحه اذا ما تنازلو اهل المقتول ..!


ان لله وإن اليه راجعون ..







لكم المآيك

الله يرحمه ان شاء الله

ويهديه ديفيد للاسلام ان شاء الله