عااادي جداً ... نادال مهوب محتاج يظهر بمستوى بطل عشان يتأهل
وتكفيني مباراته مع ألماجرو نفسه في بطولة باريس الأخيرة اللي بمبّع فيها ألماجرو هو مع حرمته
ألماجرو شايل على نادال حيييل .. واجهه كثير , وينافسه أكثر .. يختلف عن الأسبان البقيّة , مستحيل يتعاطف معاه حتى وهو خارج المنافسة .. ماأستبعد ان يصرح ويقول أنا أكره نادال
عن جدّ في كل مبارياته مع نادال يعصب وبقووة ويتنرفز على كل شيء
فيعني عناده المعهود يكون مُضاعف أمام نادال
وتقريباً قدّ يكون ألماجرو الأسباني الوحيد اللي منافسته ضد الماتادور ثابتة , مهوب مثل فيرداسكو , اللي يشوفه في سيمي فاينل أستراليا 09 , يقول هذا ندّ دائم , وإذا جيت للجدّ , هو ينافسه عشان يخسر .
ألماجرو كل مباراة يدخلها حاط في راسه الفوز والتأهل , مش مثل غيره , يدخلون لإثبات اسمهم انهم نافسوا " الماتادور نادال "
ومع ذلك .. تأهل ألماجرو على حساب نادال بيتم حلم .
//
مباراة سوديرلينغ .. حماااااااس
أداء فيدرير مايختلف كثير عن مباراته أمام فافرينكا , صحيح الأخطاء قد تكون أقل , لكن الفرق غير شاسع
إذا فيدرير يبي يتأهل لزوم ينتبه لمواجهة روبن الندّ بالندّ , وعلى وجه التحديد يسلك اسلوب ديل بوترو يوم تغلب على روبن في عز مستواه في كأس الماسترز 09
نادال ما يتصدر التصنيف الآن حتى يعد خروج فيدرير اليوم
يمكن بعد هالبطولة اي , لكن الآن ما أتوقع
هاردلك جمهور المايسترو الخروج المبكر والغير متوقع
فيدرير كثير ما كان يتأثر بالتوقف , قد مايوصل حدّ التأثر إلى الخسارة ولكن يبيِّن هالشيء على أداءه , أذكر مباراته مع النول في روما الموسم الماضي , فاز بالمجموعة الأولى وبعد ماتوقفت المباراة , النول اقتنص التأهل
على كلٍ , فيدرير كان جيد في المباراة
وأشوف أداءه إلى ماقبل العودة ممتاز وأفضل من مباراته أمام فافرينكا , بحكم ان روبن في هالبطولة أفضل من فافرينكا من عدّة نواحي .
وما شاء الله عليه روبن على هالضربات والإرسالات
فـ من ناحية الإرسالات , مثل ماقال بو سلطان , لو فيدرير يضاعف جهده على الإرسال الثاني لخصمه كان ممكن , بالذات في المجموعة الأولى اللي شفنا فيها ان السويدي أخطأ كثير على الإرسال , فَعشان كذا فيدرير كان أفضليته فيها واضحة واستحق فيها التقدم .. لكن بعد ماتحسّن أداء السويدي في المجموعة الثانية , فيدرير ضعفت الحلول أمامه وبرضو نفس الكلام على المجموعة الثالثة .
ذكرت في الرد السابق ان المايسترو مهم جداً ان يعامل السويدي بالمثل .. أنا ماأقول هو الحل الوحيد لكن أشوفه حل مُجدي
لأن روبن بشكل عام ضرباته متنوعة , أقصد من ناحية التوجيه , يعني ممكن بالنص ممكن بالعمق غير ان الضربات المخادعة من الدروب شوت والباسينج شوت قليلة عنده .. فأتوقع لو كانت فعالية فيدرير فيها أكبر ما كان ظهر بهالشكل المنخفض في المجموعة الأخيرة .
على كلٍ , اداء فيدرير بشكل عام متحسن عن بطولة مدريد رغم ان وصل فيها إلى الفاينل
وبإمكان المايسترو المحافظة على لقبه في ويمبلدون لو راجع نفسه مباراة بعد الثانية .
نقطة أخيرة .. صحيح إني تمنيت للمايسترو الخروج المبكر لكن شيء محزن جداً ان المايسترو بعظمته ما كسب ولا نقطة من بعد بطولة أستراليا !!
//
THEO WALCOTT
خلاص تأكد انك كنت نحس على فيدرير
ما لك إلا انك تشجع بطل البطولة , حتى لو كان " بيرديتش "
//
سوديرلينع VS بيرديتش
إن شاء الله تكون مباراة حلوة يتأهل من خلالها التشيكي
بهذر عن المباراة إذا كان عندي وقت .
//
إقتباس
تره انهزم بسبب دعوات محمد
كلام غير صحيح
أقول ترى بدعي على خويك أزود
إن شاء الله نشوف ردود كثيرة لـ جمهور المايسترو
بالذات بوسلطان
بداية هاردلك لكل محبي المايسترو على هذا الخروج من البطولة ، مع انه كان واضح ان فيدرير من بداية موسم الملاعب الترابية كان هدفه التحضير لدورة رولان غاروس اكثر من النتائج يعني باستثناء خسارته من منافس قوي مثل نادال في مدريد وهي كانت البروفة الاخيرة ، لا يمكن لروجر في دورات مثل مونت كارلو او استوريل انه يخسر ضد لاعبين مثل غولبيس او مونتيانا وغيرهم .
فيدرير كان جاهز للبطولة وخاصة من الناحية اللياقية وهي اكثر النقاط الايجابية اللي اعجبتني في فيدرير حتى وهو يخسر مباراة اليوم ... من زمان ماقد شفت روجر مثل ماتابعته في البطولة وهو ينوع في ضرباته ويكثر تحركاته على خط الملعب وفتح اللعب والدوران على الباك هاند للعب ضربات فور هاند قوية .
بالنسبة لمباراة اليوم اذا استثنيت المجموعة الاولى واللي كانت مثالية وقمة من فيدرير في كل شيء سواء في نجاح الارسال الاول او الوينرز او قلة الاخطاء المباشرة ... باقي المجموعات اتوقع ان المستوى متقارب كان من اللاعبين كان فيه تذبذب وهبوط وارتفاع في المستوى واي واحد منهم كان قادر على الفوز في المباراة .
حتى لو نرجع لاحصائيات المباراة كلها متقاربة نلقى نسبة الفعالية في الارسال الاول متعادلين 64% والنقاط المكسوبة من الارسال الاول فارق 1% اللي هي 74% لفيدرير مقابل 73% لسودرلينغ والنقاط التي كسبها كل لاعب من ارسال منافسه 42 مقابل 40 لصالح فيدرير ومجموع النقاط لكل لاعب في المباراة 124 مقابل 121 لصالح سودرلينغ .
اتوقع نقطة التفوق اللي حولت المباراة لمصلحة السويدي مع انه عمل اخطاء مباشرة اكثر من روجر ( 42 مقابل 27 ) انه قدر يفرض اسلوبه بشكل اكبر في فترات اكثر من المجموعات الثلاث الأخيرة بسبب ضرباته القوية التي أجبرت فيدرير على اللعب بأسلوب دفاعي لصد كراته الساحقة وارهقته كثير على الخط الخلفي والدليل انه في اربع مجموعات كاملة فيدرير ماصعد للشبكة الا 17 مرة كسب منها 13 نقطة وهي تعتبر نسبة منخفضة قليل نشاهدها في مباريات المايسترو ، والشيء الثاني اكيد ان فيدرير أخطا انه ما استفاد من الارسال الثاني لسودرلينغ وضيع نقاط كثيرة بأخطاء مباشرة سهلة مالها داعي وهذا الكلام اللي قلته قبل المباراة .
اخيرا بالنسبة للتصنيف ، نادال في حالة فوزه بالبطولة سيتصدر التصنيف العالمي بفارق 310 نقاط عن روجر ، حيث سيكون رصيده 8700 نقطة مقابل 8390 لفيدرير .
4Likes
وطلع فيدرر المصنف الثاني عالمياً
(متفائل في نادال
,,
,,
,,
الوضع العادي
