مرحبا 

اقولكم بالبدايه الفكره مو فكرتي الفكره شفتها من منتدى ثاني وحبيت اسويها هنا ..

يالله ندخل بالموضوع من دون مقدمات انت وياه .. <<< شدييييد

هالمسابقه اكيد فيها جائزه وهي لصاحب المركزين الاول والثاني..

صاحب المركز الاول ياخذ اشتراك انترنت مفتوح لمدة شهر..

صاحب المركز الثاني ياخذ اشتراك انترنت مفتوح لمدة اسبوع..

هذي الجوائز للي داخل السعوديه بس اما اللي برى السعوديه ماادري وش اسوي لهم من جوايز بعدين افكر

طريقة المسابقه:

 نبي ناس ينصبون ، يهبون ، يطيحون الصورايخ لو هي سكود ، نبي ناس تخلي السلق تطلع من كثر الأرانب ، نبي خشب وحديد ، نبيها كعب داير ابي شي يموت من الضحك
المهم حبيايبي هذي المسابقة نسويها عشان كل واحد ياخذ نفس طويل ويكتب اللي في خاطره ..

وشروط المسابقه راح تكون كالتالي:

1- ان تكون النصبه قصه وان تكون القصه بطلها النصاب اللي قالها ويعني القصه ماتقل عن اربع اسطر وماتكثر عن 7 اسطر بالكثير بالكثير 10 اسطر ولا تزعلون
2- اذا كتبت اقل من 4 اسطر او اكثر من 10 اسطر ماراح تحتسب نصبتك ومو تكتب لي معلقه ..

2- ان لايقل عمر النصاب (المتسابق) عن 16 سنه وان لايزيد عمره عن 14ونص (كيف تجي ما أدري انتو دبروهااا ) الدعوه كلها نصب في نصب

2- ان تكون النصبه الى بتقولها مزركشه ، يعني لاتخلوا من المواقف الطريفه والمضحكه ;)

2- الهم ثلاث انــــواع هم سعيد و هم حزين وهم برقر وش دخل الشرط ذاا في المساابقه مدري(تلطيف جو )

2- لايحق لك إستخدام ثلاث صور في النصبه ، وفي حالة عدم ظهور الصور ، عادي وش نبي نسوي نحاول نطلعهاا

3ونص- الرجاء التركيز عالشرط رقم 2 ورقم 1

المسؤولين عن المسابقه انا وكم واحد مايبون يقولون اسمائهم (لاتدفون كيفهم هم مايبون )

وهذي احد نصباتي كمثال:

اممممممم انا واحد مررررررره مره  شخصيه مهمه ورايي مهم عند الكل...لدرجة ان قناة الجزيره استدعتني تبي مني احضرلها برنامجها اللي مو قد مقامي بلاحدود... ..انا قمت وركبت طيارتي الخاصه...واخدتلي دش بالطياره وغيرت ملابسي...وحنا بالطياره قابلت شارون مار من جنبي وغيرت اتجاهي من الروحه للجزيره الا اني بتبع شارون... ..ولحقته ووقفت طيارتي فوق طيارته..وحنا بالهوى تصدقون نزلت وتعلقت بالقزاز حقه ..ابدخل عليه ابذبحه ...وافك الباب باصبع ..وادخل ويااااااااااااللللللللللله لو شفتوهم مره ضعيفين كلهم خافو خوف غير طبيعي...قلت ابي شارون مفرش لي...وحطوه وفرشوه لي وحطيت فوقه كرسي...وجلست ماحد قدي وبرجلي اصفق فيه ..وطلبت واحد معسل وقهوه مزبوط  

ويالله ننتظر نصباتكم ياحلوين

هذا انا ياطويل كنت قاعد في غرفتي وزهقان يعني موصلة معي لا نيب نايم ولا نايم صاحي :rolleye: وما دريت الا الباب يدق قلت هذا اكيد هذي مالي لا تخافون الخدامة وجابت الشاهي والحب وقمت افصفص واطالع هاك الفلم على قطر الثانية ودخل على جورج بوش وانتم بكرامة وسلم وقعد الأخ راعي طويلة ومادريت الا وهو مطلع الشرشف من جيبه وقام يمد يده على الحب وانا الويها له حتا لا حظوا اخر تصريح كانت يده مربوطة ودخل علينا وفجأه وبدون سابق انذار مادريت الا والباب يرقع وراي وافز وألخ اللي دخل بدون ما اعرف من هو تعرفون من طلع؟ اخونا بن لادن انا اعتذرت طبعا اول شي ( ذرب) اطل وراي وبوش عاظ ثوبه و يركض (سلق) وطب من الدريشة جيت اطل اشوف وش فيه مسكني بن لادن وقال اقعد طبعا سكت للشيخ بلادن وتعرفون وش ازين شي ببن لادن ؟ .......................جايب حبه معه قمنا نسولف وقال لي انه حي قلت له ؟ لا يا شيخ:p بعدين صدقت



انتهت طبعا الكل يعرف اذا كان كاتب نصبة ما يعرف ينهيها وخصوصا اذا كانت سامجة

هذي عاد صدق مو نصبه
ونا راجع من المدرسه بسيارة BMWتوني مخلص الأقصاد الي بابها باب مرسدس والراديو فولفو
والمراتب مراتب روز الي قومتها قومت وينيت الي كبوتها كبوت جمس الي شنطه شنطت مرسدس
الي طبلونها 055555555(رقم مميز)المهم ونا ماشي الا هذيك السياره الي تسقط على وتأشر
تحدي مقاوم طبعا عرفتوها سيارة مكدونالد لتوصيل الطلبات(ممتى مكدونلد توصل طلبات)
ونا ويا مقاوم من طريق الملك فهد الي فرياض الين الشانز ليزيه يوم وصلنا وسحب عليهو قعد في قهوه
المهم دخلت قهوه ولقا مدرس الفيزيا قاعد لي وقدامه حلبه قلت ذا بفشلني خلني أدور واحد غيره

ولا لقيت أحد صرت وحيد في الغربه المهم قلت مايبيلها لازم أروح ملاهي ونا الي أدخل ملاهي عطله مدري الحكير المهم وألعب شوي وطلع لي الهايد بارك يوم دخلت ولقا عيال عمي ونفرق كوره
ونلعب شوي وزهقت صار لنا نلعب 5 سنين ونتيجه 0/0 ماحطينا مرامي
المهم وشوف لي جوال جديد ونا الي أصغر نفسي وبلياله دخلت جواته ودخل جوه رساله ورسل نفسي لجوال واحد من أخوياي في الرياض أبي أرجع خلاص زهقت والمشكله صار جواله مقفل
لا بعد مافيه بطريه يعني لامكيف ولاشي ونلطع عند الأتصالات ألين مافتحه
المهم وطلع وسلم عليه وكنت مغبر بلاجواله قديم الله يكرهه مدري وشلون صادقت هذي الأشكال
مسوي بيل قتس

ويله سلام بس يالملك يا أرامكو ولا عطني فلوس الأشتراك كاش عشان سيارتي ناوي أركب فيها
فرن عشان أسخن السياره في البرد

اول شي يقولك طال عمرك النصبه الاولى واحد من الناس مسكين ضاع وسط الربع الخالي وقعد يفتر ويفتر يدور طريق ولا اي قريه ولا احد يوم يخلص البنزين بالسياره وينزل الاخ الظريف ويقعد يمشي يمشي يمشي يمشي يمشي لين تعب وخلااااااااااااااااااااااااص بيموت وينسدح عالتراب الحااااااااااااااااااااااااار ولا شوي يسمع واحد يناديه يا فلاااااااااااااااان التفت اخونا الظريف ولا يلقا طاسه فيها لبن وثلج ((حطوا مليون خط تحت ثلج))
_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--
النصبه الثانيه:-
واحد الله يستر علينا وعليه طالع ذاك اليوم بالفجر بدري يتمشى بالشارع ويومه يمشي ولا يلقى الشارع منتفخ شوي في مكان معين ويروح الرجال بيته ويجيب العده ويقعد يطقطق بهالشارع يحاول يكسره وفعلا قدر انه يكسره باقل من ساعه بشوي ويوم كسره وش لقا؟؟؟
ما تصدقون لقا فقعه
_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--
النصبه الثالثه:-
واحد من الربع معه شاص ويتمشى في البران وذاك الربيع السنع ويوم يمشي ويدخل وسط البران ولا السياره تلعب به ولا يلقى راعي ابل وبعران مسدحه قاله وش فيك؟ قال شوف الارض من كثر الفقع الابل ما تقدر تمشي (( قويه شوي صح؟؟ ))
_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--
النصبه الرابعه والاخيره :-
واحد قاعد بسعيره زين يدور من ذا الفقع الزين ولا يلقاله فقعه كبر 3 حبات بطيخ مجتمعه كفته 10 سنين كل يوم طبخه نوع غير شفتوا شلون
انشالله بس اخذ المركز الاول مع اني مو نصاب

هههههههههههههههههه ابو سعود الهلالي اما عليك نصب مب صاحي

اقول ابو محمد نروح ارامكو احسن

من الفايزين انشاءالله يا some1_in_ksa

المهم من الفايز نبي الأشتراك

أحنا العطله ألي راحت سافرنا أسبانيا بسفينه من الدمام إلى روما عاصمة أسبانيا وسكنا في فندق جورج الخامس في العاصمه روما وحنا قاعدين نتمشى في شوارع الاندلس الا نشوف برج أيفل ياهوبرج خيالي نهبلنا فيه يوم خلصنا وتمشينا في برج إيفل قلنا لبوي يبه ودنا نهر التايمز في العاصمه روما عاصمة أسبانيا قال أبوي طيب ورحنا نهر التايمز وركبنا القوارب ونبسطنا فيها كثير وحنا في وسط القارب قالت أختي شوفي ساعة جرنتش من بعيد يوم شفتها أنجنيت عليها صراحه ساعه تهبل يوم جاء اليوم ألي عقبه قلنا ميد أبوي نبي أليوم رحله ريفيه قال طيب وش تبون تروحون قلنا يمدحون جبال الالب قال أبوي خلاص بنروح لها, ونروح جبال الالب الا يجينا ذاك الهوى البارد ونشوف ذيك الخضره ولاشجار ألي تغطي قمم الجبال .
عاد هذي رحلتنا إلى أسبانيا العطله ألي راحت باختصار
يعطيك العافيه أخوي al_king_15

هذا الله يسلمك مره كنت سهارا ومادريت الا ذاك الصوت القوى فى سطح بيتا يوم طلعت
الا طياره جانبو 747 موقعه فى سطحنا وانا احول الركاب واقلطهم فى المجلس
والحريم فى الصاله واسئل الكبتن سلامات وش فيك قال انفقع عمود الكردان وانا انقز
للصناعيه واجيب ذاك المكينيكى علشان يصلحها يوم شفت وجيهم الينهم ميتين من
الجوع واطمر واجيب لهم 150 ريال فول و200 ريال خبز تميس وبعد ماردغو الفطور
وخلص المكينكى تصليح الطياره اقلعو من سطحنا وكملوا رحلتهم ;)

أضواء الهلال عليك نصب مب صاحي ههههههههه يالله وانشاءالله من الفايزين

هههههههههههههههههه ابو الذهب تصدق احنا عندنا فراري بالصاله يالله يابو الذهب بالتوفيق


وانتظرو وقت الترشيح