صـــــــــو مــــــــــالــــيــــــا ؟؟؟؟؟؟؟؟؟؟؟!!!!!!!!!! - نادي الهلال السعودي - شبكة الزعيم

100% هلالي · #1 15/10/2002, 02:19 PM

بسم الله الرحمن الرحيم
اسعد الله مسائكم بكل خير حبايبي جماهير الزعيم ...
بالنسبه للعب المحترف في صفوف نادي الهلال صوماليا عقب المباراة الي شفتها أمس بين الهلال والطائي ... ما فيه مستوى يشفع للاعب ..

والله ما قدم شي يذكر لا من تحركات ولا من لعب .. وما غير يطيح . من طوله شكله يدوخ . ؟؟؟؟
حتى كان في الملعب ... واحد صغير من جماهير الهلال .. طفل .. علق على الاعب صوماليا . وقال (( صوماليا بالجبن ))
مع إنه ما يدري وشي الكورة ... بس نقد على الاعب ...
أبي رايكم ... في الاعب هذا .... وهل هو مقلب ... ولا يبيله وقت .. ولا لزم يتأقلم مع العبين .. ولا يحتاج للعبين على مستوى عال . أقصد الدوليين . وإلا إيش .

وتقبلو تحياتي ..

ab_kd3000 · #2 15/10/2002, 02:45 PM

هلا اخوي

الاعب توه جاي للهلال وما انسجم مع الاعبين زي (السنه الماضيه الاعب ادملسون هداف الدوري) اول ما جا الكل قال مقلب وووو
وصوماليا ما لعب الا مبارتين وكلها وديه

والشغله كلها يبغالها شويت صبر و يبيله وقت حتى يتأقلم مع الفريق ككل

;) ;)

سري و عاجل · #3 15/10/2002, 02:52 PM

أنا شفتها في مباراة الخليج والله الواضح أنه مقلب

فرق بين الخراشي والعنزي وبين هذا اللاعب

الله يسسسسسسسسستر من المقالب

وحش الجنوب · #4 15/10/2002, 03:20 PM

في مباراة الاتحاد والاتفاق جابوا صورة لبيبتو وسيرجيو والمدرب الجديد انا يوم شفتهم حسيت برهبه لكن من شاف صوماليا وماتورانا وليوناردو حس باليأس ياخسارة سيرجيو

عاشق زعيم اسيا · #5 15/10/2002, 03:34 PM

شكله لاعب كررررررررره سله
الله يستر

النجم الهلالي · #6 15/10/2002, 04:49 PM

اصبروا عليه شوي الاعب توه جاي.

tariq · #7 15/10/2002, 08:54 PM

ياجماعه لاعب يلعب في العصر وفي ملعب حايل ومع ناس اول مره يطقها معهم وفي مباراة خيرية وتبونه يتحمس ويقدم مستوى والله لو انه فؤاد انور اللي لو لعب في حوش بيتهم تحمس

للمجد بقية · #8 16/10/2002, 12:56 AM

ليتانا اديملسون سيرجيو مع الاهلي في الصداقه

بل الاسطوره ريفيلينو لعب مع الهلال اول مباراة في البحرين وكان الجميع يتندر ويتهكم على صاحب السمو الملكي الامير عبد العزيز بن ناصر نائب الرئيس او عضو مجلس الادارة (الذاكره ضعفت)
(شنواهذا منتهي شايب..............الخ)
يعني الزبده نصبر شوي ونحكم .
يقول واحد اللاعب يبين من اول لمسه
اقول مهوب صحيح 100%
سابا عام 1416هـ اول مباراة مع النصر ممتاز وبعدين اي كلام
وللجميع تحياتي

زعيم الكرة الآسيوية · #9 16/10/2002, 01:53 AM

ياأخوان اللاعب جديد مايمديه يسوي شيء .. يعني تبونه مثل الكاتو وداين فاييه .. أول مباراة رونالدو وبقية المباريات تحولوا خالد الدحيدح

... مايصير ياجماعة أصبروا عليه حتى الآن مالعب مع الدوخي والثنيان والتمياط وسامي والشلهوب والجمعان .. يعني إذا لعب معهم أحكموا عليه .. وبعدين حنا شايفين هدف له مع ناديه السابق .. هدف لاعب كرة قدم محترف .. ماهو لاعب سلة مثل ماقال أحد الأخوان .. علشانه طويل .. طيب كويس الطول عز .. حنا نبي لاعب طويل يضرب ضربات رأس قوية .. وهو من هالنوعية من اللاعبين ,,,

يعني أنا أشوف أنه لاعب ممتاز بس يبي صبر .. بعدين لا تنسون إنه أحترف في هولندا ,,,
ألا إذا صار ماهو نفس اللاعب الي أحترف في هولندا وصاحب الهدف الي شافوه أغلب الأعضاء هذا شيء ثاني !!! بس أستبعد هذا الشيء ...

تحياتي للجميع ,,,

عزيز · #10 16/10/2002, 08:01 AM

اخاف يطلع اثيوبيا

100% هلالي · #11 16/10/2002, 01:00 PM

والله فيه صورة شفتها له قبل لا يجي .... تختلف عنه الحين .. الله يستر ... وبعدين أمس فيصل أبوثنين في لقاء في القناة الثالثة الرياضيه تتطرق للموضوع .. ويقول مقلب . وليس هو الاعب الذي أخذ الجائزة حقت كوبا أمريكا . جائزة هداف البطوله ..
الله يستر الله يستر ... تسيف مالنا حظ بهل أجانب .

ابو زعامه · #12 16/10/2002, 01:08 PM

لا للتشائم...................<<<< نعم للتفاؤل

وشكراً

إبراهيم 11 · #13 16/10/2002, 09:32 PM

اصبروا اشوي بعدين احكموا

برق الوسم · #14 16/10/2002, 09:42 PM

شوفوا يأخوان أنا حضرت مباراة الطائي وانطباعاتي عن هاللاعب انه مايعرف يلعب بالجزمة يعني مايعرف يلعب إلا حافي
وصراحة يوم شفته تذكرت مسلسل طاش ما طاش ( حلقة الاحتراف )
وانا متأكد اذا كان على هالمستوى انه مقلب

اه من حبك ياسامي · #15 16/10/2002, 10:23 PM

إقتباس


	إقتباس من مشاركة ab_kd3000 هلا اخوي الاعب توه جاي للهلال وما انسجم مع الاعبين زي (السنه الماضيه الاعب ادملسون هداف الدوري) اول ما جا الكل قال مقلب وووو وصوماليا ما لعب الا مبارتين وكلها وديه والشغله كلها يبغالها شويت صبر و يبيله وقت حتى يتأقلم مع الفريق ككل ;) ;)

كلامك صحيح100% اخويab_kd3000