هذي قصتي ..

قررت وأخيرا اني انقل لموبايلي ويكون العالم من اختياري

واتصلت على 902 وقلت للموظف لو سمحت ابي اعرف المفوتر وغير المفتور .. وقال لي المبلغ كامل 757 .. وتوجهت للاتصالات وسددت 760 ريال وبعد كذا توجهت لشركة موبايلي وقدمت طلب نقل وأعطاني شرحه جديده

وبعد يومين اتصلت ع موبايلي قلت لهم ابي اشوف حالة الطلب وقال لي الموظف الطلب مرفوض ..! تواصل مع الاتي < ( الاتصالات ) وشوف ايش المشكله

وكلمت الاتصالات وقال لي باقي 14 هلله

رحت الاتصالات على شان بسدد الـ14 هلله وقلت للموظف اطبع لي 5 ريال فوق الـ 14 هلله

وجيت بسدد وطلعت الماكينه خربانه ( كل شي خربان عندهم )

ورجعت لهم في اليوم الثاني ابي اسدد وظاعت الفاتوره وجيت بطبع فاتوره جديده قال لي الموظف لك 48 ريال - يعني اكلم بـ 48 ريال - ( يعني الـ 14 هلله نصب )

قلت له اوكي مشكور وتوجهت لفرع موبايلي وعملت تجديد طلب ..

وبعد يوم اتصلت ع موبايلي اشيك حالة الطلب .. وقال لي الموظف ان الطلب مرفوض ( انا الحين ارتفع ظغطي )

واتصلت على الاتصاالات ويرد علي الموظف واقول له كم الفاتوره المفوتر وغير المفوتر اجمعهم لي

وقال لي عليك 630 ريال..! ( شفتو انهم نصابين )

قلت له ياخي انا مسدد قبل فتره بسيطه 760 ريال .. قال انت مسدد 760 قبل اسبوعين ( نصاب توني قبل يومين أو ثلاثه مسدد )

قلت له ياخي توني قبل يومين مسدد وش لون 630 تجي ..؟

وسكت

وقلت له رد ياخي لا تسكت .. ( ويقول لي لاتتنفخ تفهم ..!؟) - وين الأخلاق في التعامل مع العملاء - وسبني ( والله سبني ) وقفل بوجهي ..!

وبعد ما قفل اتصلت مره 2 ع 902 ورد علي موظف قلت له كم الفاتوره قال لك 48 ريال ( شفتو انهم نصابين )

واتصلت على هيئة الاتصالات وقدمت شكوى على ( الخسيس ) الي كلمني وسبني وقفل بوجهي ..! وإلى الآن ماحد اتصل علي ولا شي ( مو أول مره يماطلون )


وبعد كذا رحت لموبايلي وقدمت تجديد طلب وتم رفضه إلى الآن ( المره 9 ) بحجة ان الرقم غير موجود في الخدمه مع اني استقبل اتصالات منه ومسجات

لكني والله ثم والله .. محول محول لو شو ما يصير

وأحرق دمهم .. لأني عميل مميز عندهم ( مسروووق منهم )


وياموبايلي جايك جايك

موبايلي وبس

دمت بووووووووووود

مهوب انت لحالك
العالم لهم خمسة اشهر وهم يشتكون من الخدمة السيئة
والتناقض الواضح بين الموظفين
وعذرهم هو خلل في النظام
لعنبوا هالخلل اللي يسرق ولا يعطي

أنا بحول منهم الله لا يوفقهم

stc حياة اصعب
موبايلي عالم من أختياري

توني كمان رحت اعمل تجديد طلب رقم 12 وشكلي بوصل 20 ولا بعد ينقلونه

إقتباس الرسالة الأصلية كتبت بواسطة أبو القمرين ياأخي طلعلك شريحة جديدة من موبايلي

رقمي مميز ومابيه يروح علي

أنا مستقعدين لي عشان هلللتين !!

والانفصالات مره سدد فاتوره 500 وبعد يوم عطوني 500 ثانيه .. ونفس الفاتوره !!

كانت قبل فواتيري من 400 الى 500 والحين قسم بالله ان فاتورتي ماوصلت 100 الحين تطلع من 50 الى 90

..

و40% حولو لموبايلي !

هذي الصوره هديه لك وهديه لجميع الاعضاء "

هههههههههههههههههههههههههههههههه حلوه الصوره ومعبره

والله احسن لك اخوي بشتوف فرق واضح بالتعامل وفي كل شي

وتذكر كلامي

احد يقولي انا لي 6 شهور وطالبه تحويل وماتحول بالله عليكم وش اسوي افجر مبنى الاتصالات وارتاح منهم واريح العالم منهم

والله حرامية
اقول يا زيين موبايلي