إلحقوو يبووون ينصرووني.... صحيح يخسووو بإذن الله .. لكن نبي لهم حل ...
السلام عليكم ورحمة الله وبركاته
كيفكم يا أعضاء مجلسنا الغالي .؟
أبي أتكلم عن موضووع يحصل لي شخصيا منذ أسبوعين تقريبا هنا في غربتي ...
طبعا كلا منا يعرف حملات التنصير الموجهة لجميع من يحمل ديانة غير المسيحية وأكيد حملات التنصير موجوودة وبكثرة حتى في بلداننا العربية وكلنا نعلم الأسباب من فقر وجهل وغير ذلك ....
قبل أسبوعين من الآن أتى لي رجلان ودقوو باب الغرفة ... ولما فتحت لهم عرفت انهم منصرين كالعادة وهذولا دايما أطردهم وأقوول لهم تراني مسلم وهم يفهموها ويمشووو ..
بس هذي المره كنت طفشااان جدا وماصدقت واحد طق باب الغرفة عشان أدردش معاه وحصلت ذولا الشرذمة وقعدت اطقطق معاهم شوي وأفرغ الطفش ...
طبعا هم لما شافوني متلهف على الكلام تحمسووو زيادة ومحسبيني بحول بعد يومين وما درو إني طفشان وأبربر على رؤوسهم
المهم .. بدأو يتكلموو معي عن الشر في الأرض وليه موجود الشر وعن المسيح والمسيحية وطرحوو لي مطوية بها العديد من الأسئلة اللي تحير العقل قليلا لشخص لايوجد لديه يقين وايماااان بالله تعالى
وقالو لي خلاص اقرأ المطوية ذي و الأسئلة ونجيك بعد كم يووم عشان نتناقش ... انا طبعا ما رديتهم وقلت لهم اوك بأقراها ونشوووف أخرتها معكم وبعدين راحوو وانا قعدت بالغرفة وأقرأ الأسئلة اللي ظاهرها طيب ومخلص وباطنها ماكر وخبيث
طبعا بعد ما قراتها تعوذت بالله ورميتها وقلت لاعاد تطفش يا أحمد
بعد أسبوع بالتمام جاؤو لي .. واحد فرنسي ومتعمق بالدين المسيحي جدا ومعاه واحد ألماني عشان يساعده بالترجمة
وكمان كنت طفشاان كمان ذاك اليوم وحبيت بعد أدردش معهم وطبعا هم طايرين بالعجة ومحسبين انهم ضمنوو مسيحي .<< يرحم أبووك لا تطفش
وقال لي قريت الأسئلة .؟؟
قلت له ايه قراتها وعندي اجوبتها كلها في ديني الاسلامي وطبعا أنا مقتنع ومستعد أقنعك لو تبي << قلبت عليه
المهم شفته غير الموضوع بعد ما شافني بدأت اتكلم عن اسلامنا و كان ما يبي يتكلم عن الاسلام ويحاول دائما يطرح علامات استفهام ودائما ارد عليه وأوضح له اقتناعي بالاسلام
بعد نقاش دام نص ساعة أعطاني كتاب فيه أجوبة على أسئلة المطوية وقال لي اقراه بتمعن وتركيز وشووف كيف سماحة ديننا المسيحي قلت لهم أبشروو راح أقراااه ونتفاهم
هو لما سمعني قلت له راح أقرأ الكتاب تحمممس زيادة وقال لي الاسبوع الجاي راح أجيب لك الانجيل نفسه وأعطيك اياه وانتهي حواري معه ولازلت أنتظر متى يجي عشان نتفاهم
مقتطفات من حوارنا
>> الشخصين كانوو وديدين جدا ومبتسمين وعليهم أسلوووب رائع وكل شوي يقول لك نكته عشان ترتاح له وهذا الخطر والله
>> يحاولو يركزوو على طرح الأسئلة العجيبة عشان يخلووك تفكر كثيرا وبعدها يجيبو لك أجوبه وطبعا أكيد من القصة لاحظتوو هذا الأسلووب
>> كل الكتب اللي جاب لي اياها بالعربي عشان توصل المعلومة حقته بشكل صحيح
انا طوول الأسبوع قاعد أجهز العدة والعتاد عشان أول ما يجوو أنزل لهم بصواريخ من الأدلة والبراهين اللي لاجدال فيها عشان يفكروو فعلا بالإسلام الصحيح ويبطلوو التنصير حقهم لانوو فعلا أخاف اذا ما قدروو لواحد يقدروو لشخص آخر ..
ملا حظة صغيرة
طبعا الطفش سببه إجازة قصيرة قبل معمعة الطب الله يعيننا عليه<< لا يقرأ فهد ذي الملاحظة
يلا كل واحد فيكم يرووح يصلح له واحد نيسكافه وواحد ساندوتش بيض مع جبنة بوك << وحشتني و يعطيني أولا تعليقه ع القصة وبعض الأراء النافعة ..
اللهم إني أسألك إيمانا لا يرتد ...
اللهم يا مقلب القلووب ثبت قلوبنا على دينك ..
وتراهم ماراح يوقفون ويفكونك الا لو حجرت لهم صح وياليت في هالخصوص انك تشوف لك اي واحد عنده خبرة في هالموضوع اكبر منك وتخليه يحضر معكم المرة الجاية او اعتذر منهم وريح بالك منهم
ولا تنسى يابعدي تحط في بالك شي مهم
انهم راح يغرونك بأي شي
ولا تستغرب لو تلاقي معهم بنت المرة الجاية
او يمكن تكون معك في جامعتك او من اي مكان
أنا تعرفت على بنات في النت من جنسيات مختلفه رومانيات برازيليات كوستاريكيات و من هالنمونه
كانوا كل ما حكيت معاهم في النت و جا وقت صلاة أستأذنت منهم و قلت بروح أصلي بعدين نكمل كلام حتى كانوا يقولون لي صلواتكم كثيره و كانوا يظنون صلواتنا مثلهم كلام بس و كنت اقول لهم صلواتنا كلام و فعل و لما كانوا يستغربون من كثرة الصلوات كنت أرد عليهم أن هذا شيء جميل و بقينا على هالحال لين جينا انتناقش في الأديان لأني ما حبيت أفتح السيره من الأول معاهم لأن عندهم رد فعل معاكس سريع في أمور التبشير أنهم خلالص يسكروا الموضوع و لا أحد يناقشني لأن ما عندهم حجه أساساً غالبية اللي عرفتهم سحبوا على المسن لأنهم خافوا أنهم يقتنعوا بالاسلام لانهم في دواخلهم عارفين انهم على خطأ إلا صديقه رومانيه كل فتره لابد تسألني عن الإسلام و القرآن أعطيتها أكثر من موقع إسلامي بالانجليزيه أعطيتها تفسير القرآن بالأنجليزي من مواقع مضمونه
و تصدق لو اقولك هالبنت فيها وفاء و صدق ما كنت أتوقع ألقاه في شخص غريب عني غربة وطن و دين و لغه و كل شي و هذا يدل على أنها بذره حسنه لابد أن تُسقى!!
اللي حبيت أوضحه لك ما هو مدح بنفسي و شوفوا انا وش سويت لا لو مدح كان مدحت من الاول لان هالموضوع بدأ معاي من سنه تقريباً , اللي حبيت أوصله لك أنك أنت تقدر تسحبهم بالحوار لكن مو بطريقة الهجوم المعاكس , تعرف أسلوب دهن السير و حلاوة اللسان هذي عليك فيها لعل الله تعالى كاتب انهم يسلمون على يدك حاول انك ما تنفرهم منك أنت تقول انهم ودوديين انت خلّك أود لكن بدون تمييع شخصيتك , خلك مثقف إذا طرحت نظرة و رأي إسلامي أدعمه بنظريه علميه مثال الله تعالى قال ( فَمَن يُرِدِ اللّهُ أَن يَهْدِيَهُ يَشْرَحْ صَدْرَهُ لِلإِسْلاَمِ وَمَن يُرِدْ أَن يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا يَصَّعَّد فِي السَّمَاء كَذَلِكَ يَجْعَلُ اللّهُ الرِّجْسَ عَلَى الَّذِينَ لاَ يُؤْمِنُونَ) الله في الآيه شبه ضيق صدر الضال و كأنه يصعد السماء أو يرتفع عن سطح الأرض و النظرية العلمية تقول بأنه كلما أرتفع الإنسان عن الأرض كلما ضاق تنفسه لأنه كلما أرتفعنا عن سطح الأرض كلما قل الأكسجين
حاول أخوي الله يجزاك خير أنت مستفيد لو الله أراد هدايتهم لك أجر بأذن الله و لو لم يرد على الأقل تفتك منهم
الله يثبتك و يثبتنا على دين الحق و لا يفتنا في ديننا ما حيينا أبدا
كيفك احمد ,, ان شاء الله بخير وكيف الساعة والتقويم ,,, ان شاء الله زبطتهم ملينا منك واجازتك اللي كل يوم لها شهر ونص ,,, ما نقص منها شي
والله موضوع خطير ,,التنصير اللي صاير عندهم مو سهل ابد والدعم اللي يجيهم بعد شي يهووووووووووول
وزي ما قلت اسلوبهم مرة رائع في الاقناع ,,, لانه هو سلاحهم لدخول قلب البشر ويعتمدون الاسلوب الناعم الراقي في دعوتهم ,,, يعني شغل خوقااااااااااااااق يعني اللي ما يقتنع بالدين راح يجذبه الاسلوب
ويمكن انت احمد دينك قوي ما شاء الله ,,, لكن غيرك من المسلمين هناك اسلامهم مو مرة يعني ,,, ويمكن ينجروا ورا هالشرذمة
الله يوفقك احمد وكل المغتربين ,,, ويحفظكم من شرور المعتدين ويحقق مرادكم وترجعون لنا سالمين غانمين
إلحقوو يبووون ينصرووني.... صحيح يخسووو بإذن الله .. لكن نبي لهم حل ... 
وما درو إني طفشان وأبربر على رؤوسهم 
وبعدين راحوو وانا قعدت بالغرفة وأقرأ الأسئلة اللي ظاهرها طيب ومخلص وباطنها ماكر وخبيث
قلت لهم أبشروو راح أقراااه ونتفاهم 
! انا اقصد ششي ثااني وان شااء الله الله يردهم
وتعذر بأي شششي 
! والله يعينك ويسهل عليك
الوضع العادي
