أخواني أعضاء منتديات شبكة الزعيم ..

السلام عليكم ورحمة الله وبركاته...

تحية طيبة لكم.. والله يا انا مبطي عن كتابة المواضيع .. حتى اني ناسي وشو اللي يرسل الموضوع..

المهم .. العضو (( راعي المحبة )) ابو نورة.. المعروف بخواطره اللي له أكثر من شهرين وهو ناسينا..

اتصل علي قبل كم يوم وبعد سؤاله عن اخباره ووش العلوم اللي عنده .. وأثر الرجال ما عنده خلاف بس قال لي خبر .. وهو إنه مصر على الطلاق....

حاولت أثنيه عن رأيه بس الرجال من عرفته وهو أنواع العناد..

انتهت المكالمة بيني وبين راعي المحبة ..


بعد يومين اتصلت أتأكد منه وقلت يمكنه هون وتعوذ من ابليس..!!!!

قال لي الخبر.. وهو إنه طلقها خلاص .. ولا هوب ناوي يرجعها لو صار اللي صار..!!!!!!!!!!!!!!!!!!



-------------------

فاصل حزين ..

[c] [/c]

-------------------



الحمد لله إنه طلقها وخلاص افتك منها ومن وسخها..!!! ترى اللي اقصده هي نظارته..

راعي المحبة سوى له عملية (( ليزر )) لعيونه آخر الاسبوع الماضي .. والحمد لله تكللت بالنجاح..

ألف الحمد لله على سلامتك يا راعي المحبة .. وأخيرا افتكيت من النظارة اللي عنها دربيل

صح اني ما قدرت اهضمه بدون نظارة بس عاد الحمد لله على كل حال .. وهذي الدنيــــــا..!!!


أشوا إني للحين اعرف أرسل مواضيع ولقيت الزر اللي يقول ارسال ..

والمهم إن الرجال ( راعي المحبة ) يسلم عليكم جميع فردا فردا.. ويقول بلغ سلامي لعشرين الف عضو.. ( الله من النصب ) ..

أخيرا .. أبي من كل واحد يرد على هالموضوع يبارك لاخونا بالسلامة .. وماهوب هذا كل شيء

ويطلب منه موضوع جديد مثل وجهه ( على حسب الوجه )


وأخيرا تقبلوا تحياتي فريق الكاريكاتيرات -----> زين انه يذكرها للحين



وتحياتي للجميع ،،،

أخوكم / البـــــارق