دائما ماأردد هذا البيت في نفسي وخصوصا إذا ماجلست مع أحد ( البثرين ) !!

والبثارة كلمة عربية قحة يقصد بها ( ثقيلي الطينة ) و( الطينة ) هي أنثى الطين وهو التراب ( المغرورق ) بالماء فيسمى طينا بعد أن كان يسمى بالتراب وسبحان مغير الأحوال و( الأسماء ) !!

وقد يقول أحدهم ( بثر ) وهو يقصد ( بصر ) مثل من يقول ( نثر ) وهو يقصد ( نصر )

أما الشاعر فإني لأراه وسيع ( الصدر ) وهو يقول ( ساعتين وتمله ) فبعض ( البثرين ) لايكاد الصدر يتسع لأكثر من دقيقتين من الجلوس معه !!

ولعل في قوله ( دقيقتين وتمله ) منطقية أكثر وتجسيد أصدق للواقع !!

من هو البثر ؟!!!

وماالفرق بين البثر والبزر ؟!!! <=== لايجي واحد بثر ويقول حرف الثاء !!!

هل فكرت يوما بأنك قد تكون بثرا من كبار ( البثرين ) ؟!!!!

هل يمكن للبثر أن يعرف أنه بثر ؟!!!

هل حاولت يوما أن تكتشف من عيون أصدقائك عما إذا كنت بثرا أم لا ؟!!

هل تخلق البثارة مع الشخص أم أنها تكتسب ممن حوله ؟!!!

أما إجابات هذه الأسئلة فمن ( البثارة ) أن أفكر بها وأضيع وقتي في البحث عنها !!

السؤال الذي يبحث عن إجابة صادقة بعيدة عن التصنع وإدعاء المثالية :

لو أن أحد ( البثرين ) أحب شخصك الكريم لدرجة الإزعاج وأصبحت تراه متعلقا بك يبحث عن مجالستك ويسأل عنك دائما ويعرض عليك المساعدة ويتصل عليك يوميا ولكنه ( بثر ) أي بالعامية ( مالك خلقه ولاتواطن جلسته ولاكلامه ) مع أنك مؤمن بأنه لم يسيء لك يوما !!!




وشلون تصرفه ؟!!!!!!!!!!!!!!!!!!!

تحياتي ,,,,,

موضوعك جيد




مشكورين


واتمنى ان كل بثر يعرف نفسه ويقلل بثاره لان كل بثر قد يكون بثر ( بزر )

تحياتي

اخوي الغريب ;)

مرحبآ بك مره اخرى في ربوع المنتدى العااااام

وحياك الله في اي وقت الا انت وين تروح ومع من تجلس

<==== واحد بثـر

يعني قصدك شي مو شي بثر والا بزر

شف الله مير يسلمك المسأله تعتمد على امرين لا ثالث لهما

هل هو بثرآ داشر والا بثر على نياته

هاك الساعه شف وس ابسوي به

معقول القلم المميز كاتب عندنا..

هلا بك وببثارتك ( الموضوع ) ، وكم أمتعتنا بهذه البثارة وقبلها قلة الأدب..( أقصد المواضيع )..

أخوي الغريب .. سؤالك الأخير الإجابة عليه تكمون في معرفة الشخص قبل كل شيء..!!!

فهناك بــثر ولا يدري أنه بثر .. وهذي تصرفه بكلمه..

وآخـــر بثر ويدري انه بثر .. وهذا ودك تتوطى بحض بطنه..

وآخر ليس بثر لكنك تراه بثر .. وهذا بيكون بثر بنظرك يعني راح تحوله لأحد اللي قبل ..

والأخير هو ما قاله سهل اثمانيات الثلاث .. وهو بثر ويحمل صفات البزر.. وهذا عاد الله لا يوريك.. اجتمع علماء البثارة كلهم وما لقوا له صرفة..



أخيرا .. أسجل اعجابي بهذه البثارة المتهلهلة في هذا الموضوع...

------> تراها مدحة..



وتقبل تحياتي ،،،

أخوك / البـــــــارق

والله أخوي الغريب مشكلة خاصة اذا كان يسأل عنك ويدورك وبالمعنى الأصح يحبك ..

ما في حل الا أنه ينصبر عليه .. إلى أن يحلها ربي ..

مسكين وش ذنبه ربي خلقه كذا ..

شكرا لك ..

والله ياخوي
مادام الشغلة فيها ( حرف الثاء) انها ترفع الضغط
بثر= نثر

وبالنسبة للعنوان حق الموضوووع رائع جدا
أحد تمنى شوفته طول الأيام **** وأحد تشوفه ساعتين وتمله

وانا اقولك مو ساعتين الا دقيقتين ولا اش راي ياشموخ

يا حيا الله الغريب .. تو مانور المنتدى ..

خويك هذا ماله تصريفه بصراحه ... مالك إلا أن تقوله الحقيقه (( صكها في وجهه )) هذا هو الحل الوحيد ..

وهذا الطريقه ما تنفع إلا مع البارق وطقته

تحياتي ,.,

ياهلا ويامرحبا

ياأخي هذا النوع من البثارين

مايبي لك تتساهل معاه

يعني بالعربي الفصيح تعطيه العين الحمرا

وماتجامله ابد اتقول له كل الي ودك اياه في وجهه

خلك قوي مثلي ;)

الغريب ...

من قصــــــدك !!

كإنـــي المــح انك تقــصد واحد معين (( يارعــاك الله )) !!

انت قلهــا بوجهه .. وتحمـــل اللي يصيــــــــــر !!!!

الأخ يونسكو :

البثر بثر بس نتمنى

ـــــــــــــــــــــــــــــــــــــــــــــــ

الأخ سهل 24 <==== وش رايك بالاختصارات ؟!! :

عاد لاصار بثر داشر هج !!!

أما البثر اللي على نياته فهذا ترحمه :sad:

ـــــــــــــــــــــــــــــــــــــــــــــ

البثر 2000 :

إقتباس أخوي الغريب .. سؤالك الأخير الإجابة عليه تكمون في معرفة الشخص قبل كل شيء..!!!

وأنا قلت يمكن عقب هالفترة ضبطت وزنية الإملاء عنده بس ماش الله يخلف

إقتباس .... أسجل اعجابي بهذه البثارة المتهلهلة في هذا الموضوع... ------> تراها مدحة.. ...

أقول ياأبو سليمان كانك تعزني لاعمرك تمدحني

ـــــــــــــــــــــــــــــــــــــــــــــــــــــــ

الأخت شذى الهلال :

إقتباس .ما في حل الا أنه ينصبر عليه .. إلى أن يحلها ربي .. مسكين وش ذنبه ربي خلقه كذا ..

بعض البثارة ماينصبر عليها وشوفي الرد اللي قبلك وتعرفين

ـــــــــــــــــــــــــــــــــــــــــــــــــــــــــــ

الكنز نواف :

إقتباس وانا اقولك مو ساعتين الا دقيقتين ولا اش راي ياشموخ

والله شموخ والنعم مع إني مالي وجه لأني غلطت عليه بدون ماأقصد بس اكتشفت إن فيه ناس واجد حاقدين عليه واستغلوا هالغلطة البريئة :sad:

ــــــــــــــــــــــــــــــــــــــــــــــــــــــــ

للردود بقيــــــــــــــــــــــــــــــــــة ,,,,

إقتباس إقتباس من مشاركة الغريب للردود بقيــــــــــــــــــــــــــــــــــة ,,,,

متى ..


يا اخوي اخلص علينا .. والا ترى حذفتك انت والموضوع ..

إقتباس إقتباس من مشاركة الكنز نواف والله ياخوي مادام الشغلة فيها ( حرف الثاء) انها ترفع الضغط بثر= نثر وبالنسبة للعنوان حق الموضوووع رائع جدا أحد تمنى شوفته طول الأيام **** وأحد تشوفه ساعتين وتمله وانا اقولك مو ساعتين الا دقيقتين ولا اش راي ياشموخ

الله يهديك بس


حاط دوبك ودوب شمووووووووووووووووووخ

الغالي صدى الأمس :

الله يحييك ياغالي

إقتباس وهذا الطريقه ما تنفع إلا مع البارق وطقته

صكيتها بوجهه ومافهم بثر

ـــــــــــــــــــــــــــــــــــــــــــــــ

الأخ HILALI17 :

إقتباس خلك قوي مثلي

ياقوي

ـــــــــــــــــــــــــــــــــــــــــــ

الغالي كايدهم :

إقتباس كإنـــي المــح انك تقــصد واحد معين (( يارعــاك الله )) !!

مهبول أنا ألمح مجرد تلميح :sad:

إقتباس !كإنـــي المــح انك تقــصد واحد معين (( يارعــاك الله )) !! انت قلهــا بوجهه .. وتحمـــل اللي يصيــــــــــر !!!!!

أقولها بوجهه وعشرة من أشكاله

أحبك ياأبو لما أحبك <====== شفت قلتها بوجهه

ــــــــــــــــــــــــــــــــــــــــــــــ

البثر 2000 :

إقتباس يا اخوي اخلص علينا .. والا ترى حذفتك انت والموضوع ..

للردود بقية بإذن الله ,,,,

أخوي الغريب

ذكرتني بواحد من العيال اسمع السالفه :

مره كنا جالسين باستراحه وكان فيه واحد بثر ... جلسنا نفكر بطريقه عشان نصرفه ... المهم وبعد تفكير استغرق ثلاثة أيام لقينا طريقه جهنيمه ... المهم اتفقنا اننا نكتب ورقه نقول فيها : (( الصراحه يافلان اننا مانصلح لبعض والوجه من الوجه ابيض ولاعاد نشوفك بالاستراحه )) وكتبنا اسامينا بالورقه وراح واحد مننا وحطها بسيارة خوينا البثر عشان اذا طلع يقراها ... ((تصدق من الفرحه نصنا قام يلعب تكوندو والنص الثاني يلعب بيسبول )) المهم جا من بكرى ... ومادرينا الا نشوف مع الدريشه خوينا البثر ناصينا ((حنا قلنا المسيكين جاي يعتذر :sad: )) المهم يوم دخل علينا والورقه بيده وحنا ولا نفس تدري وش قال ؟؟؟

























قال : أنا داري انكم تمزحون معي عشان كذا جيت


تحياتي لك