السلام عليكم ورحمه الله وبركاته

بعد إنقطاعي عن المشاركه معكم الذي دام عقداً وأسويره من الزمن ;)

وما صاحب هذا الغياب أو تخلله من أمور جابت لي الصمرقع وسوء الفتن ماظهر منها وما بطن ;)
وفي خضم معتركات ;) الحياه اليوميه ومايصاحبها من إنشغالات بأمور شتى تجيب القلق والصداع المزمن والضغوط النفسيه والتهاب المفاصل للأنسان قلت ياولد خلني أسير على الزعيم أشوف الربع والربعات حبايبي وأقرءهم السلام وكمان أكتب موضوع من بنات أفكاري ;)

عاد مخمخت وخضيت راسي وشربت واحد شاهي منعنع بالزنجبيل
وجلست على ركبه حاط يدي على خدي وأنظر إلى الشاشه بتعمن حتى بدت عيوني تزغلل ;)
وصرت اشوف حاجات تتحرك في الشاشه إلى أن جتني بنت وعطتني فكره أقصد من البنات الي بأفكاري فهمتوا

تصدقون أني أعاني بشكل يومي من جرس الباب كل يوم يرن في الظهريه كل مااطلع أروح أشوف مين مألقا أحد لدرجه في أحدى المرات لفيت بلك كامل برجلي أبي أعرف مين الي جالس يرن جرس ويزعجني وقت القيلوله

جاني القلق والجرب وقله النوم وحساسيه بالجلد بسبه هذي المشكله !!
حتى بعض الأحيان ماانام بالظهريه أقعد أناضر من الدريشه مسوي استخبارات منهو ذا الي يرن الجرس واروح ماألقاه ولكن للأسف كان يغلبني النوم وانام عند الدريشه ..;)

حتى بعض الأحيان أطفي المكيف علشان اسمع صوت ارجيله وهو يمشي يمكن يطلع حرامي .. مسوي فيها المحقق كونان ;)
ولكن للأسف بآءت كل المحاولات بالفشل وماعرفت مين الي يدق جرس الباب الظهريه علي هاه مين علشان كذا كتب الموضوع ابي أعرف منهو

يله علموني بسرعه ؟؟




















لالا اا أمزح ..
تدرون من طلع ... النذل طلع واحد من البزارين بالشارع كل يوم يمر من عند بيتنا معاه سيكل صحراوي سريع ويوقف يشرب مويه من عند بابنا لأني حاط براده مويه سبيل ..;)

تصدقون يوم اني صدته يقولي مهب انا الي طقيت الجرس صدقني هذا السيكل وجالس يحلف النذل بعد ماسامحته وقلت له طيب مادام انك لاقي لك مويه بارده تشربها كل يوم ليش تتلقف وترن جرس بيبان الناس ...
قال لي صدقني انا ماكنت أعرف أفكر هذا الزر يشغل الماطور حق المويه علشان تجي برا <== شف النذل المشكله كل أجوبته مقتنعه ;) ;)

المصيبه بعد ماخليته يروح فحط في وجهي وقالي ترااني انا الي طقيت الجرس
يعني على باله ماني عارف ... النذل طلع ولد ابن جنيه يخرب بيته في النصب .. هذا اذا كبر شكله بيطلع ارهابي ولا بيسويله منظمه النصب العالميه ولا شي

على كل حال تطمنت انه مهب حرامي وارتحت نفسيا لدرجه اني صرت أرتاح في النوم واعشق في سابع نومه ;)

ومرت الأيام بالنسبه لي في هدوء تام بعد الواقعه المريره والتجربه المؤلمه التي مررت بها وانا أتلمس درجات سلم العمر وأنتظر الغد المشرق ;)

مع السلامه