#1  
قديم 23/03/2010, 02:34 PM
زعيــم مميــز
تاريخ التسجيل: 21/07/2009
مشاركات: 1,901
هذا ماحدث في مجمع المارينا مول بالدمام‎

بسم الله الرحمن الرحيم


نبدأبالقصة في مجمع مرينا مول بالدمام




على لسان صاحبة الموقف ذاتها



.................................
يا بنات بموت قهر
حسبي الله ونعم الوكيل
حسبي الله ونعم الوكيل
يرب انتقم من هالمجرمه ام راكان صاحبة محل مــــدر في مارينا مول الدمام
الله لا يوفقها ولا يسعدها.
واى وحده بتشكك بكلامي او بتقول اتبلى عليها تروح للمجمع وتسأل اى محل من المحلات الي جنبها
او كابينة الجوالات الي مقابل محلها وبيقول لها الي صار .
اختي اشترت من ام راكان من محل مدر كريم تسمير للبشره وجاتني في المطاعم يوم شفته لا عليه اسم ولا ماركه
ولا اى شئ عرفت انه خلطه وخفت على بشرة اختي وقلت امشي نرجعه وخذي فلوسك ((قيمته160 ريال))
دخلنا عليها سلمنا وقلنا لها ممكن اختي ترجعينه الكريم ما نبيه قالت ماارجعه لأن سجلت الفاتوره انا قلت طيب انتي
صاحبة المحل تقدرين ترجعينه قالت طيب اذا هي ما تبيه خذيه انتي استخدميه انا قلت لها انا حامل ومااقدر اخاطر الصراحه وكريمك احسه يخوف احسه مش ماركه معروفه لو صارلي شئ احاسب مين؟؟؟وبعدين قلت لها بسرعه طيب بنأخذ اى شئ بداله مناكير ومبارد للأظافر ...كمان رفضت...انا عصبت وقلت لها ترى الماركات زارا ومانجو يرجعون الشئ خلال 3 ايام وانتي من عشر دقايق ورافضه
قالت انتي هيه لا تغلطين محلي معروف وانا مشتركه بالغرفه التجاريه وروحي سوي الي تبين واشتكي انا عصبت قلت لها خذي الفلوس صدقه لك قامت رمت بوجهي كرتها وقالت برا اطلعي وروحي اشتكي انا ما يهمني احد.
المهم تحسبت عليها وانا طالعه الا اشوف حرس السوق وقلت لهم السالفه وسألته سؤال محدد ((من حقي ارجعه
وانا اخذته من عشر دقايق قالي اكيد من حقك ودق بالاسلكي على حرس حريم حق السوق وجاوا معنا ودخلنا
المهم طاحوا معها سلامات وتحبب ...قلت انا لها رجعي الكريم ابغى فلوسي قالت شوفي اقسم بالله العلي العظيم
ماارجعه عناد واعلى مافي خيلك اركبيه انا مت قهر وعصبت وضربت الطاوله بيدي وقلت الله لا يوفقك وطاحت حاجه
الي يعلقون فيها الأساور بالغلط ............................وهنا بدأت الطامه الكبرى.
هاجت مثل الثور الهائج وكانت تبي تطلع من ورا كونتر البيع اختي وقفت عند المخرج الزجاجي الي زي الباب الي على فوق ينزل ويصعد اذا تعرفوه الي يطلع ويدخل منه البايع ويروح خلف الكاونتر الزجاجي ...يوم هجمت تبي تطلع لي وهي معصبه اختي مسكينه مسكتها وقالت اختي حامل حاسبي قامت سحبت شيلت اختي وسحبتها من شعرها
واختي تقول لها اتركيني ولا تضربين اختي حامل وانا ابغى اروح اساعد اختي مسكتني الحارسه الظالمه تقولي انتي حامل خافي على نفسك والثانيه مثبته اختي لها وهي طايحه بأختي تسحب في شعرها وتشميخ بيدها وحصرت اختي
بهذا المدخل الضيق ونزلت ظهرها للأرض ووضعت الباب الزجاجي على راسي اختي وطاحت فيها ضرب وماهي راضيه تفك شعر اختي ...........

انا بعد ما دفعت الحرمه الي ماسكتني واصارخ من قمة راسي اقسم بالله اني بغيت اطرح
من الغيظ موتت اختي ضرب هالمجرمه الي ما تخاف الله ....

سحبت غطا الحرمه بغيت امسك شعرها علشان تفك اختي

وهالحارسه الملعونه ماهي راضيه اقرب منها وقدرت اسحب غطاها بس الا طلعت مافي ولا شعره براسها
انا من هول الصدمه تجمدت بمكاني وبالموت انقذت اختي منها وطلعنا من المحل بدون شيله على راس اختي وتجمعوا العالم برااااااااااا وطاقم رجال الحرس واقفين ومعهم عسكري دوريه جات وانا اصارخ بهستيريه وجنون وادعي على هالمجرمه المهم وقفنا عند باب المحل نطالب بالشرطه علشان يأخذون حقنا من هالظالمه.
الا شوي بعدنا بعشر دقايق طلعت هالحقيره وهي معدله غطاها وتحولت من انسانه متوحشه الى وحده مثقفه هاديه
وتتكلم بكل هدوء وتقول وين الشرطه ؟؟.......انا مت مت مت قهر منها ورحنا لادراة المجمع وانا اتحسب عليها وكان يمشي معنا مدير المجمع يبي يوصلنا لمقر الاداره انا بغيت اضربها على كتفها هجمت علي ونزلت غطاي وخربشت عيني هالوحش الكاسر ...

وقدام هالفاجر مدير المجمع وهو يمسك فيها ويحضن فيها ويهديها
وبغى يمسك يدي انا ضربته وجلست على الارض وابكي وابكي والحمد لله هنا بهاللحظه جا اخوي وزوجي
واخواتي اثنين مع ازواجهم وامي اه يا امي حضنت امي وقمت اصيح واصيح .
هنا الشرطي اخذ اثبات زوجي وزوج اختي الي انضربت وقال روحوا المستشفى اثبتوا الضرب والاصابات.
والمجرمه اخذوا اثبات زوجها وراحت معهم الشرطه ..المهم تأخرنا بامستشفى لحد الساعه 1 باليل الين اخذنا الفحوص
والتقارير وكل شوي يدق اخوي وابوي الله يحفظه راح بعد الشرطه قبلنا ويقولون متى بتجون .
المهم اهم شئ قهرني اختي مسكينه شلعت شعرها من قدام والدكتور يفحص ويحسب بهالشعر المتساقط وانا ابكي بحراره على اختي والي صار لها .
يابنات حنا بنات حمايل صعبه علينا دخلت الشرطه واخوي كان معصب علينا يوم وصلنا وقال اذا دخلتوا لا تتكلموا ولا حرف انا جبت لكم محامي ...............انا انصدمت قلت ليه قال هي متهمتكم انكم كسرتوا محلها وضربتوهاوقذفتوها
بكلام يخدش الحياء .........انا قلت لأخوي كذابه قال انتي مسكينه يختي هاذي مدير المجمع والحارسات الحريم شهدوا معها انا انهرت صراحه

ومسكت زوجي وقلت له وديني البيت قالي سكتي وامشي شوي وبنرجعك البيت
دخلنا هذيك الدخله الي لا تسر لا عدو ولا حبيب على الضابط ولقيت ابوي ازواج خواتي داخل ينتظرونا
وانا مستحيه من ابوي واحس بالذنب مع اني مالي اى ذنب ولا اختي المهم سمعنا سيل من الاتهامات علينا
ضرب ...اعتداء...تكسير محل...قذف..
اووووف يالله على الظلم الي جرى علينا وزياده الي قهرني ابوي راح لها الغرفه الثانيه يطلب من زوجها ان يتنازل وهو بيعوضهم عن كل شئ قامت تصارخ على ابوي وتقوله زوجي ماله خص انا الي بجرجرهم بالمحاكم ولا ابي تعويض منك
انا عندي تأميني بأخذه بعون الله بعد ما اسجن بناتك ....هنا ابوي قال لها شوفي يا بنت الناس انا حاولت معك بالطيب
مع ان الحق لنا ومش معنى انك الي سبقتي واشتكيتي الحق لك انا فلان الفلاني وحقي بيوصلني .
انا بس بغيتك تروحي بيتك معززه مكرمه وبناتي بعد ..
قالت الشرطه والمحاكم ماهي عيب وزوجها كرر نفس الكلمه.
انا بهاللحظه عرفت مع مين طحت ... طحت مع انسانه متعوده على الشرطه وماتخاف الله وتظلم الناس
وجا شرطي يعرف ابوي قاله هاذي معروفه ام راكان كل اربع خمس شهور تسوي معركه مع بنات وتكسر محلها
وتتهمهم علشان تأخذ التأمين وهي تدفع مبلغ بسيط ديه عن الضرب
يوم ابوي قالي هالكلام رجعت البيت وانا منهاره واصيح على اختي والظلم والضرب الي اكلته من هالمجرمه
صعدت السطحمن الضيقه الي فيني ودعيت الله وبكيت وصليت بلا وضوءمن حر مافيني وابكي وابكي
لحد ما اغمى علي من القهر وانا تعبانه وبطني تألمني من الي صار وينزل علي شوية دم.
المهم يا بنات انا رحت مع زوجي ثاني يوم للشرطه لأستكمال الاقوال ودخلنا تقارير المشفى وللأسف ابوي كمان
جا ما قدر ينام وللعلم ابوي رجال كبير بالسن له هيبه ومعروف بين الناس وكل المشايخ يعرفونه وهذا الي شيب راسي
قهر اني بسبب انسانه فاسقه ادخل ابوي الشرطه حسسسافه ليتني ما رحت
ولارجعت
وبالطقاق الفلوس
بس ما يفيد الندم ابد والي صار صار وخلاص.
المهم ...............هي اعتقدت ان عندها واسطه وبتسوي عملتها زي كل مره وبالشرطه كانت قويه.
وبعد ما حولوا اوراقنا لهيئة التحقيق بعد يومين رحنا الصباح وماحصلنا محقق كانوا مشغولين
واليوم الثاني رحنا الا جانا هذاك المحقق الاقشر الي ما يتفاهم وحسيت انه واقف معها ضدنا زي الي قبله
من مدير المجمع الى الشرطه ...............لكن يوم دخل عليه ابوي وسلم عليه تغير كلامه وشاف اسلوبنا
واصواتنا الخافته وقلة حيلتنا كبنات وان احنا متنازلين عن التعويض ودية الضرب المهم نبي الموضوع يتسكر ونبي الستر
عكسها هي مصره على المحاكم والفضايح لانها ماهي بنت عرب ماادري وش اصلها.
حسيت ان الله فرجها علي واستجاب دعائي وانا المظلومه المسكينه الي انحرمت من النوم 4 ايام ولا اكل ولا شرب وانا حامل ...

وقلق اهلي كلهم علي كان مضايقني لان مااحب اضايق احد ....المهم قل لنا قاضي التحقيق خلاص انا اخذت اقوالكم وحقكم

ما بيضيع ابد خلاص اطلعوا وخلى ابوي جمبه ..
وحنا طلعنا سيارتنا كل وحده مع رجلها ..........المهم جا ابوي وطمنا قال هالحرمه هاذي الله كشفها لان الشرطه يوم راحت تبي تثبت التكسير في محلها فتشوا ولقوا عندها اشرطه مصوره البنات الي يشترون منها بأوضاع غير شرعيه
يعني الي كاشفه والي تجرب روج والي تحط ملابس داخليه على جسمها وتقايس من برا برا يعني .
وافلام اباحيه كمان ......................والحمد لله انقلب السحر على الساحر والله سبحانه نجانا من كيدها.
والموضوع تسكر صارله 3 اسابيع حاليا لكني ماانسى هالموقف طول عمري ولا انسى حزني الشديدولا انسى شعر اختي الي تقطع ولا انسى منظرها وهي حاشره اختي وطايحه فيها ضرب ولا انسى الحرس الخونه الي مسكونا
علشان هي تطيح فينا طق ولا انسى شهادتهم الزور ولا انسى ...اني مااروح مجمعات وفعلا حرمت ........خلاص
وحرمت ادخل محلات نسائيه الله العالم وش فيها مافيها.
يا بنات اخر شئ اتمنى تدعون لي الله ينجي جنيني هالمسكين من الي صار فيني اخاف يطلع فيه شئ خصوصا انها ضرتني على بطني اثناء التدافع
وادعوا لي الله ينجيني من كيدها ويخلي لي ابوي تاج راسي وحزام ظهري الي وقف معنا لأخر لحظه وكانت سمعته
الطيبه هي اكبر سبب لنجاتنا منها.



اتمنى نشر هالرساله بكل المنتديات وعسى الي ينشرها الله يحرم وجهها على النار



تحياتي


الـ ـج ــنـ ـتـ ـل الـ ـهـ ـلالـ ـي
اضافة رد مع اقتباس
  #2  
قديم 23/03/2010, 02:58 PM
الصورة الرمزية الخاصة بـ نـوف الهلال
زعيــم نشيــط
تاريخ التسجيل: 26/08/2009
المكان: في عالمــي الجمــيل :)
مشاركات: 573
يالله وربي اقشعر جسمي من القصه ايش هي من اي جنس حسبي الله عليها
والله ينجي المره هذي وجنينها ويأجرهم على مصيبتهم
اللهم استرنا ياارب
اضافة رد مع اقتباس
  #3  
قديم 23/03/2010, 03:07 PM
الصورة الرمزية الخاصة بـ ỳάṡṣẻя
زعيــم مميــز
تاريخ التسجيل: 27/12/2006
المكان: لاهاي - هولندا
مشاركات: 3,847
,,,

حسبي الله ونعم الوكيل



,,,
اضافة رد مع اقتباس
  #4  
قديم 23/03/2010, 03:22 PM
قلم تربوي بالمجلس العام
تاريخ التسجيل: 30/11/2008
مشاركات: 1,912
حسبي الله عليها


ياليت الأخت صاحبة الموضوع تداوم بالدعاء عليها كل ليلة والله ربي مايخيبها أبد



قد حصل مثل هذه الواقعة كثير قديم وحديث ..ولكن ربي يمهل ولا يهمل .



نصيحة لا تشترين يا كل فتاة وسيدة مستحضر غير معروف أنتبهن الله يحفظكن .


ولا تجدلن الجاهلات السيئات ..


اللهم سلم الأخت وسلم حملها وأحفظها واهلها من كل سوء
اضافة رد مع اقتباس
  #5  
قديم 23/03/2010, 03:24 PM
زعيــم نشيــط
تاريخ التسجيل: 30/05/2007
المكان: في قلب الزعيم
مشاركات: 843
,,,

حسبي الله ونعم الوكيل



,,,
اضافة رد مع اقتباس
  #6  
قديم 23/03/2010, 03:40 PM
زعيــم فعــال
تاريخ التسجيل: 06/08/2002
المكان: الرياض
مشاركات: 238
حسبي الله ونعم الوكيل

حسبي الله ونعم الوكيل على الظالم ....لكن من عفى واصلح فأجره على الله
بس اختي هذا اسمه منتدى جمهور الهلال وليس (مسيار الضحى او قهوة عقب العصر) لحريم الحارة
واقبلي تحياتي
اضافة رد مع اقتباس
  #7  
قديم 24/03/2010, 04:56 AM
زعيــم مميــز
تاريخ التسجيل: 20/05/2007
المكان: فوق الارض تحت السماء
مشاركات: 3,081
القصه طويله ومتعيجز اكملها بس شدني ان بعد ماتفقع وجه البنت جاء اخوها للسوق

لعنبوك من اخو فيه احد يرضى اخته تروح للسوق لحالها بدون محرم راحو الرجال
اضافة رد مع اقتباس
  #8  
قديم 24/03/2010, 05:40 AM
زعيــم نشيــط
تاريخ التسجيل: 29/10/2003
مشاركات: 981
نفس ماقلتي اختي (الضحى) انتبهوا يابنات الله يحفظكم

إقتباس
اللهم سلم الأخت وسلم حملها وأحفظها واهلها من كل سوء

اللهم آمين



إقتباس
القصه طويله ومتعيجز اكملها بس شدني ان بعد ماتفقع وجه البنت جاء اخوها للسوق

لعنبوك من اخو فيه احد يرضى اخته تروح للسوق لحالها بدون محرم راحو الرجال

أتمنى ترجع وتقرأ القصه ,, المحل محل نسائي والبائعه ( امرأه )..




لكم ودي

سفير الشوق
اضافة رد مع اقتباس
  #9  
قديم 24/03/2010, 08:55 AM
الصورة الرمزية الخاصة بـ BRUFEN
زعيــم مميــز
تاريخ التسجيل: 09/09/2009
مشاركات: 2,782
,,,

حسبي الله ونعم الوكيل



,,,
اضافة رد مع اقتباس
  #10  
قديم 24/03/2010, 03:07 PM
زعيــم متواصــل
تاريخ التسجيل: 21/12/2006
مشاركات: 189
لا حول ولا قوة الا بالله

حسبي الله ونعم الوكيل
اضافة رد مع اقتباس
  #11  
قديم 24/03/2010, 05:21 PM
زعيــم متواصــل
تاريخ التسجيل: 18/01/2009
المكان: الدمام
مشاركات: 114
إقتباس
الرسالة الأصلية كتبت بواسطة فهودي الازرق
حسبي الله ونعم الوكيل على الظالم ....لكن من عفى واصلح فأجره على الله
بس اختي هذا اسمه منتدى جمهور الهلال وليس (مسيار الضحى او قهوة عقب العصر) لحريم الحارة
واقبلي تحياتي

يااخي العزيز الاخت نزلت الموضوع تريد الدعاء وكتبت من يريد الاجر يسرله ومنتدى جمهور الهلال اكبر منتدى في العالم
وحسبي الله على الظالمه والله يحفظ جنينك ويستر عليك وعلى اهلك
اضافة رد مع اقتباس
  #12  
قديم 25/03/2010, 05:46 PM
الصورة الرمزية الخاصة بـ ỸàśśèṜ∫20
زعيــم مميــز
تاريخ التسجيل: 08/10/2008
المكان: في خط الهـجـُوم , بـجـانـب الرقـم 20 =$
مشاركات: 4,954
يالله العاافيه بس ..
الله يجيرنا من هالاشكاال ..
اضافة رد مع اقتباس
  #13  
قديم 25/03/2010, 05:54 PM
الصورة الرمزية الخاصة بـ سعوديـ رآيقـ
زعيــم نشيــط
تاريخ التسجيل: 06/01/2010
مشاركات: 750
يآآرب سترك عفوك ورضآك والجنهـ نآس ماآيخآفون الله

LEFT]
أمطآر محآآفظة {بدر..{ أكثثر من (100) صورة بالدآآخل شرفوونا ..{[/LEFT]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:57 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube