.

.

بسم الله الرحمن الرحيم
سلامو عليكم
كذا ماسكه معي من الصبح اكتب عن شي زمان عن المواضيع
لو اسولف عن وش المهم اني اكتب موضوع
مافي شي محدد عدة مواقف جاية ببالي وحبيت اكتبها

بالله فيه شغله قبل لا أبدا فيه ناس للحين ماتعرف تفرق بين الـ " ظ " والـ " ض "
يعني قد شفت اغبياء بس لهالدرجه ماقد شفت والله

؛

البارح بعد المغرب رايح اودي اخوي الصغير يصور عند مصور تبع المدرسه مدري وش
المهم يوم خلصنا وصورناه قاعد احاسبه الا فيه شي ثلاث بنات داخلات
قامو يكلمون الهندي ما اسمعهم من الحياء يقالهم مرخيات اصواتهم
المهم الظاهر انهم قالوله نبي نتصور وابو هنود ماعنده مانع الفرحه شاقه جبهته
بيشوف وجه يتأمل انه زين وهو طول يومه مقابل هالاشناب الي عنده ماقد شاف شي يفتح النفس
راحو الغرفه معه وصكو الباب وانا ذلفت , بس الي قاهرن كأني اعرف ان فيه محلات تصوير للبنات خاصه مو ؟
مدري اذا المعلومه تبعي صح ولا غلط , لكن يالله مافيش مشاكل اهم شي الهندي استانس

؛

هذا مره رايح انا وخوالي نزور بيت الله ع قولة اخوانا المصرين ومنها تمشيه
المهم وحنا فالحرم كنا رايحين الصبح وفاضي ماحولك احد
المهم بعد ماخلصنا الطواف قربو الي معي عند الكعبه وقامو يتناقشون عن شي ماكنت حولهم عن البخور حقها او شي هيك
المهم ولا في مصريه جمبي تدعي ربها
استغفر الله بس اذا ماكانت خرجت من المله وهي تدعي والشيخ يحاول يقنعها ان التبرك وانك تبوسين الغطاء حق الكعبه حرام
وهي والله ماهيب حوله
ضعيفين هالمشايخ فيه ناس جهله واجد ماتعرف فالدين الا ان الصلاه فاتحه وركوع وسجود
لا وبعد فيه شغله ثانيه
وحنا نطوف كان فيه بنات بلدنا الحبيب يطوفون معنا
استغفر الله بس , الوحده منهم العبايه حقتها لو بتطلع شغله من جيبها ماقدرت من كثر ماهي ضيقه
نشوف هالاشكال بسوق , بالشارع بس بأطهر مكان بالارض بالحرم
ياشيخه جايه تقابلين ربك اتق الله شوي = )

؛

؛

ليه حنا شعب يهتم بقرائة تفاصيل التفاصيل عن سيارة او جوال او كمبيوتر
ويعتبر نفسه في قمة العلم وفي امور في التربية والحياة الزوجيه والحياه العمليه
لم يقرأ صفحه في ذلك !

ليه حنا شعب يستحقرون افكار الشباب الي يبون الاجتهاد
وتجربة اشياء مفيده فالحياه وينعت بالمتخلف من اقرب الناس اليه

ليه عندنا نساء يعتقدون ان العباية عاده سعودية ويستحقرون المتبرجات في بلدنا
وهم يشيلون العبايه من اول مايركبون الطيارة متجهين للخارج بموافقة اولياء الامور

ليه شبابنا مايقدر النعمه الي هو فيها لعدم وجود المخدرات والمسكرات في المملكه
وكل ويك اند في الدول المجاوره وتكون هالشغلات جزء من " الفله " تبعهم

ليه عندنا ريجيل مايصلون الفجر ؟
ويحاسبون موظفينهم التأخير ع الثانيه

ليه الناس عندنا يسامحون ابنائهم لعدم ذهابهم للصلاه في المسجد
ومايسامحونهم يوم يغيبون عن المدرسه ؟

ليه جميع اعمال المنزل ع الشغاله من الطبخ الى الترتيب حتى غرفة الزوج والزوجه ترتبها الشغاله
وفالاخير تقول الزوجه " متى قصرة بشي "

ليه تنفق الدولة الملايين على تعليم الشاب خارج المملكه ثم
يعود ناقماً عليها ويقول عنها وعن شعبها انهم متخلفين

وليه وليه وليه وليه , ماراح نخلص لو نقول ليه

؛

اخيراً وليس اخراً , الموضوع جا ع عجل لاتنسيق ولا فكره ولا شي
مجرد فضفضه لذلك سامحونا ع القصور

" اللهم اشفي جميع مرضى المسلمين يارب العالمين "

محبكم / فآهيد