اللي عنده لاب توب كومباك 2800 أو اللي عنده خبره فيها يساعدني اذا تكرم !! - نادي الهلال السعودي - شبكة الزعيم

أيــــــمــــــن · #1 13/10/2002, 01:48 AM

صبحكم الله بالخير ...

مشكلتي عندي لاب توب ((كومباك 2800 Presario)) طبعا الكمبيوتر هذا مايركب عليه الا وندوز XP لأنه مصمم خصيصا للXP ...

المهم هذا الكمبيوتر معاه مجموعه من الCD ... عشان اللي يبي يسوي فرومات للجهاز يسوي عن طريق استخدام هذي المجموعه من الCD ... وهذي أسامي الCD :-

1-Application Restore CD
Microsoft Windows XP Home

2-Operating System CD

3-Supplemental CD
Productivity Applications Restore

4-Supplemental CD
Additional Software Restore

5-Restoer CD
Microsoft Windows XP Home

سؤالي للي عنده كمبيوتر زي كذا :-
وشي الطريقه الصحيحه لأستخدام المجموعه السابقه عشان تكون عملية الفرمته ناجحه 100% ؟؟؟ لأني باختصار أول ماشريت الكمبيوتر كان جاي معه Microsoft Word برنامج الكتابه ... لكن سويت فورمات للجهاز ولا لقيته (( انا اقول يمكن عملية الفرمته غير صحيحه )) ... علما انه جاي معاه ((اقصد الكمبيوتر)) الProduct Key للمايكروسفت ورد والمايكروسفت وركس

هذا القسم الأول اللي أتمنى يكون احد فهم وش أقول لأني داري اني مخربطكم معي

السؤال الثاني :-
برنامج الفرونت بيج هل هو يجي مع المايكروسفت أوفيس ؟ لأن بعض الزملاء قالوا لي انه يجي مع الجهاز لكن مالقيته ؟ يعني اذا كنت ابغاه لازم اشتري المايكروسفت اوفيس ؟ وانا سمعت ان فيه أنواع للمايكروسفت اوفيس اللي يعرف يدلنا وجزاه الله خير

أخيرا
ابغا منكم نصيحه أو موقع فيه شرح لعمل الصفحه الشخصيه والطريقه وكل شي عنها الله لايهينكم

تحياتي لكم

جنتلمان · #2 13/10/2002, 05:21 PM

أيمن هنا يامرحبا يامرحبا ..

شكلك حست مرير اللاب توب

إقتباس


	1-Application Restore CD Microsoft Windows XP Home 2-Operating System CD 3-Supplemental CD Productivity Applications Restore 4-Supplemental CD Additional Software Restore 5-Restoer CD Microsoft Windows XP Home

هذي ما أتوقع أنك تلقى مساعده فيها لأن المعلومات ناقصه !!
أنا مابيك تعطيني أسم كل سيدي أنا ابي المحتوى ياحلو

..

إقتباس


	السؤال الثاني :- برنامج الفرونت بيج هل هو يجي مع المايكروسفت أوفيس ؟ لأن بعض الزملاء قالوا لي انه يجي مع الجهاز لكن مالقيته ؟ يعني اذا كنت ابغاه لازم اشتري المايكروسفت اوفيس ؟ وانا سمعت ان فيه أنواع للمايكروسفت اوفيس اللي يعرف يدلنا وجزاه الله خير

لا ..
وأنا مدري وش قصدك بأنواع

فيه أصدارات للأوفيس وأحسنها الـxp ..

إقتباس


	أخيرا ابغا منكم نصيحه أو موقع فيه شرح لعمل الصفحه الشخصيه والطريقه وكل شي عنها الله لايهينكم

أكـــيــــد لروما ;)
أحجز لك مساحه على النت سواء مجانيه أو مدفوعه وحدد هدف الموقع وش تبيه يكون رياضي أجتماعي أو عام وأجمع المعلومات اللي بتضيفها في موقعك ألحين نروح للنصوص اللي بتكون في الموقع ولاتستعين ببرامج ولا شي عندك [ المفكره ] تؤدي الغرض وببلاش

ألحين صمم صفحات الموقع بأي برنامج ترتاح فيه مثل الفوتوشوب كورل درو أو فلاش أوسويتش عاد أنت وذوقك

ألحين ضبطنا كل شي باقي بس الترتيب عن طريق الفرونت بيج 2000 وأحسن برامج تصميم المواقع ..

نـفـتـــح الفرونت بيج ونختار خلفية الموقع بهذي الطريقه ..

1- أضغط بزر الفاره اليمين في الصفحه البيضاء في البرنامج وأختار Page Properties بينفتح لك مربع فيه خيارات كثيره

أختار General المربع الأول أتركه مثل ماهو والثاني أكتب أسم موقعك بالعربي المربع الثالث والرابع أتركهم فاضين المربع الخامس اللي هو Location أضغط على Browse وأختار الأصوات اللي تبي تضيفها لموقعك بقية المربعات لاتغير فيها شي ..

2- نروح للأختيار الثاني Background حدد علامة صح على Background picture وأضغط على Browse وأختار التصميم اللي بيكون خلفيه لموقعك .. نروح للفقره اللي بعدها وهي الـColors الـBackground يعني لون الخلفيه والـ لون الخط والـHyperlink يعني لون الرابط الاصلي والـVisited hyperlink لون الرابط المفتوح و الـActive hyperlink لون الرابط وقت الضغط عليه

..

3- نبدأ بعمل الارتباطات ..
&& .. للكتابه على الصفحه حط الماوس بأي مكان ودك تكتب فيه وأكتب عادي كأنك في الورد وأذا بغيت تترك سطر لاتضغط Enter لآن المسافه بتكون كبيره بين السطرين أضغط Shift+Enter ..
&& .. أذا بغيت تضيف صورة روح Insert واختار Picture بيجيك أختيارات اختار منها From File حدد الصوره اللي تبيها واضغط OK ..
&& .. أذا بغيت تضيف رابط يوصل لصوره أو ملف أكتب الأسم اللي تبيه مثل [ فيذا شئ يسرك

] وظلل الكلمة وأضغط على Ctrl+K بينفتح لك الصفحات اللي صممتها وحفظتها لموقعك حدد الصفحه اللي تبيها تكون ارتباط وأضغط OK..

4- نحفظ الصفحات ..
أول شي الصور لازم تكون بأمتداد jpg أو gif وللترتيب خلي jpg للصور العاديه وgif للجرافيكس

..
ولازم تحفظ كل ملفاتك من صفحات وصور واللآزم منه في مجلد واحد وبعدين سوي لها ارتباطات علشان ماتصير مشاكل في الملفات وماتطلع أذا ارسلناها للنت ..
دائماً في الفرونت بيج أحفظ صفحاتك فيذا المجلد C:mymyweb .. علشان كذا لازم تحط كل ملفاتك التي بتستخدمها في مجلد myweb قبل ماتسوي اي ارتباط لها والصور في الفرونت بيج لها مجلد داخل مجلد myweb وهو images للترتيب أحفظ الصور والجرافيكس فيه خاصة اذا كان عددها كبير وأدرجها عادي وسوي لها ارتباط ..

طريقة الحفظ سهله ومن سهولتها تفشل

Save <---- File وبس

لازم تحفظ الملفات في مجلد myweb مثل ماقلنا ..

5- نقل الصفحات والملفات للشبكه ..
في جهازك حفظت ملفاتك في مجلد myweb اللي مساره c:mymyweb ذا المسار بيتغير لعنوان موقعك مثل [com. أيمن .www]

وأنقل ملفاتك للنت بنفس ترتيبها في جهازك ..
روح لـFile واضغط على Publish Web واكتب عنوان موقعك كامل وإن بغيت ترسل الصفحات لمجلد في موقعك فاكتب اسم المجلد ثمً اضغط Publish تلقاها تحت شوي بيفتح لك مربع اكتب فيه اليوزر والباسورد ثمً اضغط OK ..

أنا عارف أن شرحي مثل وجهي وأن أسلوبي صفر

بس العوض ولا القطيعه

تراني ماكتبت بالعريض مثل كل مره علشان ما أعمي عيونك

واخيرا أنا أعرف موقع لتعليم تصميم المواقع لكنه فرنسي

وأنت ثقافتك يونانيه وأنا تشكوسلوفاكيه

علشان تسّـذا ما أتوقع أننا نفلح فيه

تحياتي إلك ;)

اولاد النمر · #3 13/10/2002, 06:37 PM

انا ماعجبني غير التوقيع

أيــــــمــــــن · #4 13/10/2002, 08:14 PM

أقول فيه سهره كرويه اليوم

جنتول بيه راجع لك بس خلني ابدز الحق ابو هنود اللي بالحراج قبل يقفل ((بعدين أكلها مع الدكتور لأنه الواجب بكرى تسليمه

))

باااااااااااي

اللهلوب · #5 13/10/2002, 09:18 PM

هلا و غلا بأيمن

..
تراني جيت أبي أسلم عليك بس

،
و أقول لك...
ترى الفرونتبيج يجي مع الأوفيس xp طبعا .. بالنسبة للنسخة الاحترافية من الأوفيس هذا أكيد 100% ان شاء الله انه يجي معها ... أما النسخة العادية فماني متأكد و الله.
بس تراهم يكتبون على نفس السي دي : Microsoft Office with Frontpage

أما الصفحة الشخصية ، فكل موقع له شرح يختلف .. لذلك ، أبعطيك هذي الصفحة اللي فيها أسماء شركات تعطي صفحات مجانية ، و شرح لطريقة التسجيل بها بالعربي. http://mohammmed.s5.com/
حياك يالغالي.

أيــــــمــــــن · #6 16/10/2002, 11:40 PM

آسف على التأخير ...

جنتول بيه قررررررررررررب راسك بسررررعه

أقوووولك قررررب راسك

مووووووووووووووووه هذي بوسه على خشمك ياشيخ

إقتباس


	أيمن هنا يامرحبا يامرحبا ..

وانت ماشاء الله تطامر بين هالمنتديات كل محل اروح لمه القاك موجود ...

إقتباس


	وأنا مدري وش قصدك بأنواع فيه أصدارات للأوفيس وأحسنها الـxp ..

ايه يابن الحلال اقصد كذا

إقتباس


	طريقة الحفظ سهله ومن سهولتها تفشل Save <---- File وبس

هذي الوحيده اللي أتقنتها 100 %

أما الباقيات جلست أحبرش فيهن حبرشتن الله لايوريك لمين بديت احاول اتقنهن

إقتباس


	أنا عارف أن شرحي مثل وجهي وأن أسلوبي صفر

يكون بعلمك اني لفيت المنتديات ومالقيت أسهل من شرحك

لاتحسبني اجاملك لا والله هذي الصراحه ;) عشان كذا والله مدري وش أقولك كلمة شكرا ماتوفيك حقك لأنك ضيعت معي وقت مهب بسيط ... الله يعطيك العافيه ويوفقك ويسهل دربك

طيب قبل لاتروح ماتعرف موقع فيه شرح لبرنامج السويتش والا انت لو تعطيني شرح مختصر اذا كنت تعرفله اكون ممنونك ;) بس لو يكون يوناني كان أفضل

إقتباس


	تحياتي إلك

والك ;) .... اكرر لك يالغالي شكري الجزيل

===============

أخوي اللهلوب

إقتباس


	هلا و غلا بأيمن ..

هلا وغلا بيك ;)

إقتباس


	تراني جيت أبي أسلم عليك بس

أفا تسلم بس

;)
الله يسلمك ويحفظك من كل مكروه

أبشرك شريت الأوفيس XP زي ماقال جنتول بيه

تسلم يالغالي على الصفحه اللي نفعتني وسجلت عن طريقها في موقع جيرن ...

يعطيك العافيه يالغالي على المجهود الرائع اللي تقوم فيه بمنتدى الكمبيوتر ومساعدة الأعضاء في حل مشكلاتهم ...

تحياتي لك

ومانستغني عن مساعدتك ;)

جنتلمان · #7 17/10/2002, 06:43 AM

هلا ايمن تمردغت والا لسا ;)

إقتباس


	وانت ماشاء الله تطامر بين هالمنتديات كل محل اروح لمه القاك موجود ...

تصدق يا ايمن أني ذاك اليوم قالط مع هلالي الجوف والبارق في منتدى الاشراف <--- ياكبر الأرنب

إقتباس


	طيب قبل لاتروح ماتعرف موقع فيه شرح لبرنامج السويتش والا انت لو تعطيني شرح مختصر اذا كنت تعرفله اكون ممنونك

أحسن موقع عربي للسويتش هو موقع رسول الحب وفيه منتدى سويشيات بعد

أرعص هنا ..
وأذا بغيت أي استفسار فيه أنا حاضر

تحياتي إلك ;) ..