البرازيلي ساندرو في طريقه إلى توتنهام



أعلن نادي توتنهام رابع الدوري الإنكليزي لكرة القدم اليوم الثلاثاء في موقع النادي على شبكة الانترنت
انه سيضم لاعب الوسط البرازيلي الدولي ساندرو، الذي يدافع حالياً عن ألوان نادي بلاده بورتو أليغري.

وأكد النادي: "يسرنا أن نعلن أننا توصلنا إلى اتفاق مع بورتو أليغري بهدف الحصول على خدمات ساندرو
(21 عاماً) شرط أن يجتاز هذا الأخير الفحوصات الطبية".

وحدد النادي الإنكليزي موعداً لانتقال ساندرو إلى صفوفه في نهاية مسابقة كأس ليبرتادوريس الصيف المقبل.

وقال مدير توتنهام هاري ريدناب: "ساندرو لاعب شاب ومميز وهو يطرق أبواب المنتخب البرازيلي الأول
وسبق له أن كان قائداً لمنتخب بلاده في الفائت السنية 18 و19 و21 عاماً".

وشارك ساندرو مع منتخب بلاده في مباراة واحدة ضده تشيلي في التصفيات المؤهلة إلى مونديال جنوب
أفريقيا 2010.

ويلعب توتنهام ضد فولهام غداً الأربعاء في ربع نهائي كأس إنكلترا في مباراة معادة.

إصابة ليسكوت تبعده خمسة أسابيع



أصيب مدافع مانشستر سيتي الدولي جوليون ليسكوت بتمزق عضلي في العضلة الخلفية للفخذ وسيغيب عن
الملاعب من أربعة إلى خمسة أسابيع بحسب ما أعلن مدرب الفريق، الإيطالي روبرتو مانشيني.

وكان مانشستر سيتي يأمل استعادة خدمات ليسكوت في مباراته بالدوري المحلي ضد ويغان الاثنين المقبل، بعد
أن أصيب خلال الإحماء قبل انطلاق مباراة سيتي ضد فولهام الأحد الماضي، بيد أن الفحوصات التي خضع لها
أثبتت تعرضه لتمزق في العضلة الخلفية".

وقال مانشيني: "توجه جوليون إلى لندن حيث استشار طبيباً هناك وقال له انه يتعين عليه الابتعاد عن الملاعب
من أربعة إلى خمسة أسابيع". وأضاف: "لسنا محظوظين لأن جوليون لاعب هام في صفوف الفريق".

يذكر أن مانشستر سيتي يتنافس مع توتنهام وليفربول وأستون فيلا على احتلال المركز الرابع المؤهل إلى دوري
أبطال أوروبا الموسم المقبل.

.


شكل كرشته قربت .. وضعه حالياً سيء واتوقع أي تعثر جاي راح يقشعونه .. امس كانت فرصة ذهبية يترك مناطق الهبوط .. من جد كانت مباراة الست نقاط وخطفها الولفز .. على الطاري انا ما يجوز لي لعب هالفريق بس بصراحة فريق محترم يلعب على امكاناته .. ميك مكارثي مسوي شغل .. بس احس لو تشيل منهم دويل راحوا فيها (على طاريه ملامحة ملامح بنت والا بس انا الي احس كذا ) .. اللي مستغرب منه ميلياس له حول 12 مباريات مسحوب عليه

عموماً المطلوب منهم يصملون على هالمستويات لحد مباراة ارسنال بعد الجولة الجاية .. وبعدين بالطقاق اللي يطقهم .. ولو انه ودك يبقون فيهم من ريحة سامي

بالنسبة للهمرز ما تدري وش العلة فيهم بالظبط .. فريق صراحة كاسماء بالراحة ما اصفه جنب فولام او بيرمنغهام مثلاً بس نتائج سيئة على اختلاف المدربين اللي يمرون عليه .. احس هالفريق ما ينفع له الا مدرب من نوعية مارتن اونيل .. جبه 5 سنين وخله ينظف الفريق ويشتغل عليه من جديد

والله ياليوم بعد كميّة مباريات وبكل العالم ولا تدري وش تتابع
مبدئياً مباراة السيتي و التوفيز تستحق المشاهدة .. البومبي احس ودهم يسوون شي ضد تشلسي .. خصوصاً ان افرام يبي يسوي شي قدام فريقه الاول .. مباراة الدور الاول وفي عز مستويات تشلسي ودجه بورتسموث احرجوهم .. بلحاج انطلق وامزعهم

بانتظار اكمال متعة البارح .. لايوقف يا بريمر

المباراة المنسيّة

إقتباس هلا ابو اصيل وصلك السلام ؟

الله يسلمك يا بعدي وآصل يا كبير

إقتباس ابتلقف و اجاوب .. اعاقة فيه من برى المنطقة واستمرت لحد ما دخل .. فالنسيا ذكي لما دخل طاح .. واللقطة بهالوضع تكون تقديرية الحكم يقدرها .. وبحكم انه مانشستراوي اصيل قال بلنتي .. الشي اللي محد تكلم عنه .. الظاهر فالنسيا كان متجه للقول يعني منفرد .. يعني المفروض ماسكي احمر والا ؟!

إقتباس صحيح..الشد بدآ من خارج المنطقة و المفروض يحسبه فاول تقدير خاطيء لكن صعبة على الحكم

إقتباس بالنسبة للإعاقة واضحة موجوده , لكن داخل أو لآ , هذي أعتقد تكون مسأله تقديريه للحكم , والحكم موب كآميرآ , أو يمتلك إعـآدة بالبطيء ! قد يصيب , وقد يخطئ كما في نظركـ !

حلو اعتقد ان الجميع اتفق ان الاعاقه وجدت لكن خارج المنطقه .
طبعا التفسير كلن بيمشي على هوآه واكثر مشجعي المان اتفقو على ان المسألة تقديريه .
لكن اللي يقول تقديريه يرد لي على هالجمله لانه وافيه لكل اللي ابيه

إقتباس فينجر قاله العام الماضي بعد ماوطى الجمر ,, وقال ان الاخطاء لما تكون 50% -50% للمان تحسب لمصلحه المان

؟

إقتباس الوكاد لا بغيتونا ندقق ونطلع اخطاء ومن نفس المباراة ترانا حاضرين هاردلك حبي

يارجال ما تقصرون يكثر خيركم سوو الي تبون بالمباراه بس ردو البلنتي
اجل مسكتو على نغوغ وجيرارد وتقول ماخليتو شيء

إقتباس يارب تتذكر الذهاب .. تراها هالسنه يابو اصيل امدآك نسيت ؟ بعيداً عن حركات الدوري السعودي ليفربول ماقدمو كوره .. لعب سآمج .. مافي شئ يشفعلكم حتى بالتعادل !

ياابن الحلال انا يالله اتذكر اللي سجلو الاهداف بذيك المباراه تبي اذكر وش اللي كان ممكن يكون خطأ لكم ولا حسبه الحكم
وبعدين انت كـ متابع لـ كرة القدم بشكل عام تعرف انه لقطه واحده ممكن تقلب المباراه راس على عقب ولنا بهالكلام امثله كثير
والريدز سجل من اول المباراه وهاذا اعتقد يحسب لنا لكن بلنتي بهالطريقه يقلب كل شيء راس على عقب
مثل مباراة السبيرز والمان العام او اللي قبله ما اذكر بالضبط لكن بلنتي واحد خطأ لـ للمان ((واعتذر عليه الحكم بعد المباراه !!))
قلب المباراه من بعد تسيد وابداع للسبيرز لهيمنة وتفوق للمان والغريب بالامر انه بلنتي للسبيرز نفس طريقة بلنتي المان بنفس المباراه ولاحسبه الحكم !!

إقتباس نقاش على طريقة أحمد .. : هاذي تستحق الكرت الاصفر او لا ؟

صرت مضرب امثال يا أحمد
يا ابن الحلال هي بلنتي قبل تصير كرت او طرد
معروف ان الخطأ يجر خطأ .

إقتباس لكن إللي ما يبي لها تقدير , ضربة جيرارد , ليه ما يتوقف , هنـآ السؤآل !

ارجع لـ تقديم البريمير حق الجوله الماضيه بتلقى كل النقاش كان عنه وبتلقى ردي واضح

إقتباس مواضيع البريمر صايرة كلها تتكلم عن التحكيم للاسف وهالشي ما يشجع انك ترد اتمنى الوضع يتعدل

ماهوب يدنا دام ويب ورايلي والشباب موجودين

ياجماعه وش المانع بالاعتراف بالخطأ ؟ بلنتي نغوغ كان تمثيل وقلنا انه صعب ع الحكم يشوف لكنه تمثيل واضح !

كآآهيل يلعن ام الراس اللي معه الهدف الالف بعد المائه بالراس ع المان سيتي
1-0 لـ للتوفيز >> عسى الجيران يبيضون الوجه وما اضن .

2-0 للتوفيز
الثاني مجهوود فردي ابن كلب من اوسمان وعداها كاهل بطريقه بطله وهدف ابطل من ارتيتا .
وهالثنين مقطعين الملعب اليوم .

البلووز حتى الان 4-0 وقابل للزياده مع المتهالك البومبي .

والسبيرز وفولهام بالكاس حتى الان 3-1 للسبيرز .

والروفرز 2-1 على برمنجهام .

خخخخخخخخخخخخخ
هوشه رهيبه بين مويس ومانسيني
اللي يلقاها لا يقصر قسم رهيبه .
مويس مسك الكوره وعطل اللعب ومانسيني خربها وقال به هو والكوره الين اخذها
وانطردو الاثنين ماتسوى عليهم اخر دقيقه

انتهت المباريات بنفس النتيجه اللي فوق .والفيلانز تعادل 1-1 >> عجزت القى القناه اللي تنقلها الرسيفر ملخبط
هدف البلوز الاول اتوقع تبدل التحفه جيمس من وقتها
والله ياهو هف الهوى
اماا مالودا الظاهر حطت حرة الايام الماضيه بهالضعوف >> هدفين طالعه من قلب

ألف ألف مبروك الثلاث نقاط والاهداف الخمسة لكل التشلساويه



أعجبني بالفريق اليوم أنه يبحث عن الاهداف بـ اي طريقة من أول المباراة الى آخرها وكان بالامكان نخرج بـ بأكثر من 7 اهداف كل اللاعبين قدموا مستوى كويس وأعجبني في هالمباراة (مالودا - لامبارد - دروقبا ) وبعد مـا أنسى الظهير الهولندي البزر (فان انهولت) بـاين أنه مشروع باك ليفت قامد ,,, مـا أعجبني (ميكيل - ستوريدج) وانقهرت من (كارافا) الي أخذ نظام (ديكو) !!!


المباراة الجايه ضد الفيلانز في الجسر عاد بشروا اليوم اصيب احد عندهم ولا توقف بعد مباراتهم ضد البساس ,, في هالمباراة لازم كارليتو يشغل الخديدات تمام ويدرس فريق مارتن أونيل صح فريقهم صعب لكن مو مستحيل تفوز عليه اذا اشتغلت على الاطراف بـ طريقة منظمه وانتبهت لـ تحركات (ميلنر و يونق واجبونلاهور) وقفلت على (جون كاور) خلاص كذا تكون قصصت جناحات الفريق

بالنسبة لـ بطولة الكأس تأهل قبل شوي السبيرز لـ نص النهائي لـ مقابلة البومبي على ملعب نيو ويمبلي






صور المباراة

.


المركز الرابع يقول تعال يا ليفربول
النتايج كلها لصالحه .. حتى استمرار السبيرز بالكاس وهو اللي صار اليوم برضو لمصلحتهم .. اشوف فرصة الريدز عقب نتايج اليوم صارت اكبر .. الغريب من جد مستوى الفيلانز .. لهم 4 مواسم يحفرون على هالمركز الرابع وكل سنة تظبط معهم واخر الموسم يدجون .. بس بصراحة هالموسم مستواهم منحدر بقوه مادري وش السبب بالظبط ؟! .. ولو اني اشوف العلة بخط الهجوم .. ماهو بنفس القوة اللي كان عليها الموسم الماضي ولا اللي قبله .. مع ان خط النص عندهم دمااااار .. مينلر بيتروف يونغ داونينغ

على هالفرص اللي تجي للسيتي و الفيلانز وما استفادوا اتوقع الريدز يلقطونه .. هم اهم شي يفوزون على تشلسي .. ان فزتوا عليهم ابد فالكم الرابع .. البومبي اهبطوا الى اللقاااااااااء .. بس من جد بنخسر جمهورهم وبثارتهم .. من الفرق اللي تتحسف عليها .. بصراحة حرام يهبطون هم مثلاً ويبقى ولفز والا بيرنلي .. سماجة .. الله يعجل برجعه الماكبايس بس

الشي المميز بنتايج اليوم ايفرتون دخل على الخط بالمنافسة على المركز الرابع حتى صار عنده 48 نقطة .. يعني فرق عن المركز الرابع (توتنهام) 7 نقاط .. وبالمستوى التصاعدي اللي يقدمونه والمباريات اللي باليد تقريباً يمديهم يلقطونه .. بصراحة يستاهلها مويس

ابو اصيل هلا والله .. تصريح فينغر اول مرة اسمع فيه .. ياليت اذا فيه لنك للتصريح ماهو تشكيك لا والله بس ماتوقع فينغر يقولها .. وان قالها فهذا يعني ان فريقنا قوي يااااخي ولا يُقاوم .. بنفس الوقت من حقه يقول هالكلام .. فيرغي مثلاً احياناً يصرح بتصاريح انا ماني معها بس هدفها الظغط على الخصم .. ويستخدمها كثير وكثير تجيب نتيجة معه .. البريمير فوق على الاشياء الثانية يبيلك تكون ذكي وتعرف تاخذ حقك بلسانك احياناً !!

على الطاري .. خذ هالجزئية اقراها :

إقتباس If a defender starts holding an attacker outside the penalty area and continues holding him inside the penalty area, the referee must award a penalty kick.

يقولك اذا المدافع حجز المهاجم واستمر بحجزه حتى داخل منطقة الجزاء .. الحكم يحسبها بلنتي .. رجعت للقطة .. ماسكيرانو شاد انتونيو وسحب يده لما دخل فالنسيا منطقة الـ 18 .. وارجع واقولك المسأله فعلاً تقديريه وصعبة تلوم حكم يتخذ قراره بجزء من الثانية .. مسأله الدخول بالنوايا ونية الحكم و وش يشجع انا طلعوني منها

إقتباس اجل مسكتو على نغوغ وجيرارد وتقول ماخليتو شيء

من يقولك ؟
باقي كثير .. بنفس المباراة توريس يستحق بطاقة صفراء على الصورة المتحركة الموجودة بالموضوع وفوقها كف بعد ههههههههههههه .. وبعدها بدقايق تدخل همجي على ساق بارك واخذ عليه اصفر .. يعني توريس المفروض ما يكمل المباراة .. عاد تخيل المباراة بدون توريس

إقتباس ياجماعه وش المانع بالاعتراف بالخطأ ؟ بلنتي نغوغ كان تمثيل وقلنا انه صعب ع الحكم يشوف لكنه تمثيل واضح !

ابو اصيل هذا الكلام
بلنتي نغوغ صعب تقول فيه شي لانه واضح .. بلنتي فالنسيا كان فيه شد .. الاختلاف اللي حاصل هل هو فاول والا بلنتي ؟ هنا ترجع لتقدير الشخص وحسب اللي يشوفه .. ويمكن تدخل فيها الميول .. يعني هاللقطة لو كانت بالعكس (لصالح ليفربول) رايك راح يكون نفسه ؟ اسال السؤال وجاوب بينك وبين نفسك

إقتباس معروف ان الخطأ يجر خطأ

نرجع هنا لنقطة الصفر .. انت بالكورة مستحيل ما تخطي .. الحكم زيه زي اللاعب والمدرب والرئيس .. بس بعض الاخطاء تهوّل .. مانشستر ليه عليه العين ؟ لانه حامل اللقب ثلاث مرات ورى بعض وبطريقة للرابعة بإذن الله وفيه زيادة بعد .. يبي ينفرد بالزعامة

اللي ابوصل له لو كان مانشستر مثلاً الله لا يقوله مثل وضع ليفربول بالدوري اخر السنوات .. مستحيييييل العين تكون عليه بهالشكل لانه ماهو منافس على اللقب وتصير والا ما تصير له اخطاء بالطقاق انا ما علي منه دامه ماهو حولي .. بس لانه مانشستر اللي قريب من تحقيق لقبه للمرة الرابعة على التوالي العين عليه اكبر من غيره .. وهذي ضريبة فريق البطولات .. بكل الدوريات وبكل العالم النادي اللي ينافس يطلع عليه مثل هالكلام .. الريال البرسا الانتر مثلاً لما كان فريق بعيد عن اللقب محد قال شي .. بس لما اكتسح الكالشيو العين صارت عليه .

بس

^^

احمد مانبي نتاهل للابطال نبي الدوري للبلوز او الجنرز لكن هالاخير على هالمنوال على نهاية الدوري مابيكون عندهم لاعب صالح بالملعب
زبدة الكلام اناا نبي نستقيل من الابطال الموسم الجاي ونتلبد لكم بالدوري حلا هي خل ويب يحرق الملعب ولو تضبط ويكون تويتي هو الحكم الرابع كلام كبير

وترى النقطه اللي احاول اوضحها اني ما الوم المان على استغلال الفرص باي شكل واي لون ولا الوم الحكام على بلاهتهم وميولهم و و و الخ . اللوم والشرهه على الـ FA اللي لاقين حكام زلايب مثل ذولا ومرفعين فيهم الدنيا حتى مع الاخطاء ومع الاعتراف فيها ومازالو هم التوب بنظر الزلايب !!
عشان كذا العالم تختصر الدرب وتقوم على الـ FA

حكم مباراة الريدز والبلوز موسم 2007 ببلنتي دروجبا اللي ينذكر ما ينعاد اعتقد والله اعلم قشعوه دوري الببسي او شيء تحته
الزبده انه راح فيها على هذاك البلنتي اذا لم تخني الذاكره واتمنى ما اكون ملخبط بينه وبين شيء ثاني >> وان كنت ملخبط فـ العمل بالمبدأ .
زبدة الكلام ليه ما يعاقب هالسبيكه ويب مثله على كل اخطائه الغريبه !!

هالحين ابشطح على شيء ثاني
انت الان قلت ان الدوري يجي باللسان او بمعنى كلامك , بالعربي فيه ضغط على الحكام وان كان بشكل مباشر او غير مباشر وماخفي اعظم . طيب ليه الانكار والزعل والهواش دام هذا كلام السير من عرفت البريمير !! >> وقالها رافا الين تقطعت حباله الصوتيه وفزعو معه كم حكم يشتكون من عجوزكم ولاحياة لمن تنادي .

إقتباس يقولك اذا المدافع حجز المهاجم واستمر بحجزه حتى داخل منطقة الجزاء

الصوره تبين ان ماسكي توقف عن السحب قبل الدخول لذلك من وجهة نظري اشوف انها مهيب حول النص اللي موجود فوق .
لاحظ الصوره اللي جابها مشرفنا مهند حقت البلنتي . الرجل اللي ثابته بالارض ماهيب حول البلنتي وماسكي تركه من لحظتها والرجال طمر بكل قوته للصندوق لذلك هي ابعد من ان تكون بلنتي . لكن اعتقد قاعد الـ 50 / 50 وللمان الاولويه هي الاقرب .
لكن تقدر تسميها تجربه ناجحه من فالنسيا على خطى الاولين .

اماا عن كلام فينغر فـ اذكر هالتصريح كـ طشاش والكلام مقتبس من عبدالمجيد فـ لو احد يقدر يفيدنا ويجيب اللنك يسوي خير لاني
ما اذكر اني ترجمته . >> اناا عارف انها ماهيب عوائد فينغر يقلب ع السير لكن بهالفتره اذكر انه خان العجوز

إقتباس من يقولك ؟ باقي كثير .. بنفس المباراة توريس يستحق بطاقة صفراء على الصورة المتحركة الموجودة بالموضوع وفوقها كف بعد ههههههههههههه .. وبعدها بدقايق تدخل همجي على ساق بارك واخذ عليه اصفر .. يعني توريس المفروض ما يكمل المباراة .. عاد تخيل المباراة بدون توريس

وبنفس المباراه نيفيل طمر على راس ماسكي وشات الكوره وامرح يومه هناك ثمين نزل >> بالله ذي مهيب ع الاقل فاول او انذار !!
والرد على حكاية النينو فـ انا اشوف ان قاعدة الخطأ يجر خطأ تطبق بحذافيرها الان .
حركة النينو عليها كرت لكن لوما وجود البلنتي الرهيب ماكان سواها
لذلك الغي البنتي وبعدها ماراح تلقى النينو يشوت بالارضيه

إقتباس نرجع هنا لنقطة الصفر .. انت بالكورة مستحيل ما تخطي .. الحكم زيه زي اللاعب والمدرب والرئيس .. بس بعض الاخطاء تهوّل .. مانشستر ليه عليه العين

الكل يخطأ وماهوب بشر لو مايخطي . وقلتها قبل واقولها مره ثانيه الكل يستفيد من الاخطاء ويظلم منها . لكن المان بزياده
يعني ليش العين ماجت ع الليفر وهو ينافس ع الدوري العام . طيب قبله البلوز .
معقوله مابه بهالدوري سالفه غير المان يعني كـ محايد اتابع الدوري اشوف الريدز ضاع عليه 3 نقاط امام ستوك بـ الغاء هدف صحيح 100% من جيرارد من جهه ثانيه اشوف المان يلحط بالسبيرز ببلنتي جاء بحب خشوم وفوقه اعتذار .
هذي النقطه تحسم اللقب من اوله !!

اللي ابي اوصله ان جماهير المان لايمكن تعترف بالاخطاء حتى لو كانت مثل عين الشمس .
لانها بتثبت عليهم بحكم التكرار !!
بينما جماهير الريدز حتى الان ما اذكر احد انكر الاخطاء اللي استفدنا منها لانه تعد على اصابع اليد الواحده ويندر وجودها .

لكـ

إقتباس حركة النينو عليها كرت لكن لوما وجود البلنتي الرهيب ماكان سواها

من جدٌك..توريس مركزه مهاجم واكيد كان بعيد عن اللقطة
اقصد ما يمديه يميز هي داخل والا برا المنطقة
عمومآ توريس كان متنرفز بشكل كبير وواضح

إقتباس اللي ابي اوصله ان جماهير المان لايمكن تعترف بالاخطاء حتى لو كانت مثل عين الشمس . لانها بتثبت عليهم بحكم التكرار !!

ماهو الكل..
المشكلة ان التحكيم تعبااان مرٌة لكن الكل يتصيد على المان

بالله شفتوآ اهداف كارو الجولة اللي راحت..بالرغم ان الفيلانز منافسينكم على الرابع
بالله تشوفون هدف بلاكبيرن الثاني اليوم..! شفوآ وين الكورة وقت تنفيذ الكورنر
هذا اللي اذكره هالجولة

إقتباس من جدٌك..توريس مركزه مهاجم واكيد كان بعيد عن اللقطة اقصد ما يمديه يميز هي داخل والا برا المنطقة عمومآ توريس كان متنرفز بشكل كبير وواضح

لنفرض جدلا انه درعم على عماها .
لو ماحسبت بلنتي هل بتشوفه هناك !!
متنرفز ما اختلفنا لكن النقاش حول هالنقطه بالتحديد ومهوب عموما وان جئنا لعموما ارجع لاسباب النرفزه >> مأبرر لكن بوقتها مايلام .

إقتباس بالله شفتوآ اهداف كارو الجولة اللي راحت..بالرغم ان الفيلانز منافسينكم على الرابع بالله تشوفون هدف بلاكبيرن الثاني اليوم..! شفوآ وين الكورة وقت تنفيذ الكورنر هذا اللي اذكره هالجولة

هذي الاحداث كم حصلت هالجوله .
لكن كم مره سمعت ان الفيلانز كرروها وخمو النقاط بهالطريقه .
اقلها تلقاهم بالرابع من العام لانه اولى بحكم انهم كانو اقرب له بمراحل من الان .
زبدة الكلام انه مره او مرتين طبيعي ولو بتتابع بتلقى لكن مهوب كثرة ما نلقى .