السلام عليكم ورحمة الله وبركاته

حياكم الله يازعماء وصبحكم الله بالخير جميعا

جماهير الغربيه متشوقه لنادي القرن

فالكل يعلم ان مثل هذه المباريات المثيره من المفترض ان تطرح تذاكرها بدري

يعني على الاقل قبل المباراه بيومن هذا اكثر شيْ

وعاد اخوي الصغير لؤي سوا ليه صجه ابي اشوف ولي وياسر وبقية اللاعبين

قلت له ابشر هانت اليوم بروح اجيب تذكرتين لعيونك لي وحده ولك وحده حنا كم مره

نشوف الهلال في سماء جده مرتين فقط ياقدام الاهلي او الاتحاد

عاد الولد فرح فرحه ونط نطه مايسويها سبايدرمان

المهم مريت على المغربيه ورحت للملعب قلت يالله ياكريم نلقى تذاكر

واشوف الدنيا مظلمه في ساحات مواقف السيارات وشبابيك التذاكر مقفله كلها

قلت خليني اروح اسال حقين الامن يمكن يقولون تعال بعد العشاء ولا شي

والقى ذاك الاسمر حسيته انه اتحادي فماقلت له اني هلالي عشان يسهل الامور

ويعطينا الكلام الصدق فقالي مافيه تذاكر والله اليوم ابدا قلت يالله الحين بيجون بكره

عشرين الف مشجع كيف نزاحم بين هذولي قالي مو ذنبي قلت له اكيد مو ذنبك

شرهتك على لجنة الاحتراف مادري متى بنتطور

فعطاني الرجال الزبده وقال شوف تعال الساعه 2 الظهر بتلقى تذاكر

قلت له خير ان شاء الله مالنا الا نحضر لعيون الزعيم

االخلاصه انه يازعماء لازم تحضرون على الساعه 2 الظهر بتلقون تذاكر لانه من جد

ان تأخرنا فالسوق السوداء بتشتغل وتنباع التذكره ابو 20 ريال بــ 100

فبعض الناس ماعندهم امكانيه لدفع 100 فحبيت انوه عن هالموضوع

وبأذن الله سنفرح اليوم بأنتصار الزعيم

وبالتوفيق للجميع

وصلى الله على نبينا محمد وعلى اله وصحبه اجمعين