بسم الله الرحمن الرحيم
اول شي احب امسي\اصبح عليكم بالخير
المووهم نخش بالموضوع على طول لاني ما احب المقدمات
انا شاهدت ردوود بعض الاعضاء هنا في منتدى الرياضة السعودية عن مباراة النصر مع الوصل الاماراتي وكانت كلها تتمنى التوفيق لنادي الوصل
انا ماراح اقولكم وطنية او اي شي من هذا القبيل بس راح اذكر لكم موقف صار معي
الموقف ياطويلين الاعمار كان في مباراة الهلال والعين في الامارات في دوري ابطال اسيا
جاءت الكميرا على اثنين مشجعين هلاليين قاعدين يضحكون في ارض الملعب مع ان الهلال كان مهزوم
وقتها قال المعلق وتقريبا اتذكر الي قاله بالحرف على ايش يضحكون؟؟ شكلهم تعودو على الخسارة من العين
انا بقولكم ايش راح يكتب اذا خسر النصر راح يكتب في الجرايد الاماراتيه خسارة فريق النصر
السعودي من الوصل الاماراتي ومارح يكتبو خسارة فريق النصر لحالها
انا ادري طولت عليكم بس وربي من الحرة الي كانت فيني من يوم سمعت كلمة المعلق الى يومنا هذا
وفي الختام اتمنى التوفيق لزعيمنا ولجميع اندية المملكة في جميع مشاركاتهم الخارجية