نــــظرة تفائليــــة من مبــاراة الزعيم والليث... تشكيل الاتحاد
يبدو ان ايريك قيريتس قد رسخ مفهومه التدريبي جيدا حتى في عقول لاعبي الهلال الصغار... أو خل نقول "صف الهلال الثاني"...
بصراحه اللي شفته البارح خاصة في الشوط الثاني كان بمثابة الصدمة "الجميلة" .. توصيل الكرات بسلاسة متناهية .. ثقة في التمرير والتجاوز والانطلاق بكرة أو بدون كرة.. قد يكون كون المباراة تحصيل حاصل هو السبب ولكن مجرد اللعب بها المستوى والفوز على الشباب الطامح للثلاث نقاط يعتبر "ضربة معلم يا قيريتس"
هذا طبعا بيفنــد بعض الاطروحات اللي تقول ان الهلال بس بالأجانب...صحيح الأجانب كان لهم دور في سهولة تطبيــق "نظام قيريتس" على اللاعبين السعوديين اللي "مثلا ما تعودوا على تمارين الصباح" بحكم أنهم متعودين على أجواء أوربا "حيث الاحتراف".. لكن ما قدمه صغار الزعيم أمام كبار الليث يحسب لهم..وللمدرب بالتأكيد
..من زاوية ثانية..
حسن العتيبي يمثل جزء كبير من تفائلي .. حسن أبدع .. صد ضربة جزاء .. هذا ان شاء الله بيكون له الأثر في تغيير بعض القرارات .. يا يغير رأيه يا الادارة تغير .. بس حسن تكفون لا يروح .. لا تقولون لي عندنا غيره لأنو بيني وبينكم حراس المرمى كل ما كبروا في العمر كل ما زاد عطائهم.. يعني نخلي الشمري والدعيع الصغير شوي مع الأولمبي والاحتياط أو نعير أحدهم من أجل صقل موهبتهم
..مباراة الاتحاد..
من الجميل ان نشوف نفس اللاعبين ونفس التشكيل اللي بدأ فيه قيريتس ضد الاتحاد.. لكن قد تكون مباراة الاتحاد بمثابة "ودية" للتجهيز للأهلي الاماراتي.. فهل ممكن قيريتس يلعب بنفس التشكيل المتوقع ضد الأهلي؟ والا ممكن انه يبي يكتم على الخطة؟ رغم ان الهلال تقريبا ماشي على خطة ثابتة طوال الموسم؟
بالتوفيق للزعيم..ودمتم في حفظ الباري
الوضع العادي
