يارجال يختلقون الاعذار ويدورون التصريف
المباراة وسط الأسبوع
ليش المباراة تنتهي الساعه 2 بالليل؟؟ 10 ونص وانت طالع من الملعب
والي يقول يبي لك ساعتين ع بال ما توصل تحلف انه ماسك خط للشرقيه
وبعدين يقول يبي لك ساعتين ع بال ما توصل !! وين ياعمي حنا مانجي لرياض؟؟
نعرف زحماته والله لو تجي من السويدي ما اخذ منك ساعه لين توصل للملعب
بعدين انت عايش بالرياض يعني متعود ع الزحمه وين ماتروح وش الفرق؟؟!!
والي يقول تعامل العساكر معنا سيء!
العسكري تعامله سيء بكل مكان
تفاتيش او يوقفك بشارع وهذا هو تعاملهم وش الجديد؟؟
حنا حضرنا بكل مكان والعساكر نفس التعامل الي بالرياض نفس الي بالقصيم ونفس الي بجده ونفس الي بالشرقيه
ملينا وحنا نصارخ ياناس احظروا ياجماعة الخير احظروا
واذا قلت شي عصبوا ملينا من الكلام اقلقتونا!!
ايه بنقلقك دامك ماتحظر وبننشب بحلقك وبنطالب لين تحظر
مو تجي تحظر مباراة نهائي وتقول هذا جمهور الرياض شرفنا !!
والنهائي معروف انه يجي الجمهور من الشرقيه والقصيم بالطوابير!!
والله العظيم ما اكذب عليك انه مباراة الأربعاء الي راح كل الي وراي والي قدامي من القصيم
وخذها قاعده الي يحظر قبل صلاة العشاء اعرف انه من خارج الرياض
اذا بتعرف ان الي حاظر جمهور الرياض كله <--اشك فيها
اذا كانت المباراة وسط الأسبوع
اما اذا بغيت تعرف ان المجهور الي حاظر 70% من الرياض لما تكون المباراة الأربعاء او الخميس
اما مباراة قوويه اضمن لك ماراح يتعدا جمهور الرياض 50% من الحظور
قال ايش؟ قال زحمه
قال ايش؟ قال تعامل عساكر
قال ايش؟ قال وسط الأسبوع
اعترفوا بالتقصير
الأعتراف بالحق فضيله
الوضع العادي
