دوري رابطة ريال مدريد 2009\2010"مبروك بن الخطاب الدوري.. مبروك المايسترو كأس الملك .. اعلان هام صفحة 181" - صفحة رقم 12 - نادي الهلال السعودي - شبكة الزعيم

مَلَكِيٌ مُخّلِصٌ · #166 16/03/2010, 02:01 PM

- أقول هاللحين ..
وش أزين لي :

محامي - طبيب علاج طبيعي - طبيب - طبيب نفساني ؟
والله قروشه اللعبه كان جمعوها كلها في الطبيب لا طبيعي بلا نفساني بلا قروشه

ஜ ₣ ฮ เ ṥ λ Ŀ ஜ · #167 16/03/2010, 02:07 PM

ياجماعة الخير اليوم مبارتي مع سيفيا ولـ الحين مدربهم ماوصل

وش السوات ؟!

مَلَكِيٌ مُخّلِصٌ · #168 16/03/2010, 02:13 PM

^

الحال من بعضه أنا مع فالنسيا
و أخاف الكمبيوتر أقوى من الشباب ..

لأن هو الي بيلعب اذا غابوا !!

هتلر الرياض · #169 16/03/2010, 02:24 PM

عبدالإله ؟

طيب شف

كم تبي مهلة علشان تاخذه ؟

الصراحة ماودي أردك لأنك اول من طلب ديارا

عطني مهلة وهو لك ان شاء الله

الا يا عيال

نادي النصر مشارك معنا بالدوري ولا لا

وش البيانات ذي

يالله صباح خير

تونا الدوري مابدأ وثلاث بيانات لهالحين

من هذا الـ

يعلن نادي ريال مدريد عن تبرعه بـ

لنادي سبورتينغ خيخون

كما يعلن النادي ان في الطريق لـ سبورتينغ خيخون

و

maistro2t · #170 16/03/2010, 02:25 PM

إقتباس

الرسالة الأصلية كتبت بواسطة مَلَكِيٌ مُخّلِصٌ


	- أقول هاللحين .. وش أزين لي : محامي - طبيب علاج طبيعي - طبيب - طبيب نفساني ؟ والله قروشه اللعبه كان جمعوها كلها في الطبيب لا طبيعي بلا نفساني بلا قروشه

المحامي ماله فآيد اضاهر

الباقين انا موظفهم بس ما ادري وش فايدتهم
أما الطبيب وظفه لا أصيب أحد لعيبتك

ابودحه الهلالي · #171 16/03/2010, 02:32 PM

^^
هذا بدال ما تحبون يدكم من وجهها وقفاها ولا تنبهون الريس

..
اللعب مع الكمبيوتر اسهل بمليووون مره

..
اجل اللي ما يستحي على دمه مدرب الميريا مسوي معسكر قدامي .. اجل وش بيسوي قدام طرطلون ومدريد ؟!

..
يا عياااال اقسم بالله طفران

.. ابي مليونين بس .. من يسلفني يا عيال مليونين بس وبترجع له خلال يومين بالكثييير ..
مهلة الاخ الي بيبعني لاعبه تنتهي اليوم الساعه 12 ..
طفرااان يا عيال ابي مليونين بس < ابوها شحاذة

ولا انسى ان احيي واشكر المركز الاعلامي بـ خيخون على وقفته الجميلة

King Aziz · #172 16/03/2010, 02:37 PM

^^

ابو دحة نادي مايوركا كلها فداء لعبدالرحمن

الي تامر فية لك بس لا تصير وسيع وجه بزيادة

هتلر الرياض · #173 16/03/2010, 02:39 PM

عبدالإله

خذ لك الطبيب والعلاج الطبيعي

الشكاوي مو كثيرة لو بتجي غير كذا يمكن تخفف مباراة وحده بس

النفساني ممكن يفيدك اذا صرت راعي خساير كثير

ابودحه الهلالي · #174 16/03/2010, 02:46 PM

^^
اشتر مني لاعب بـ مليونين ..
وخله عندك لا تلعبه ..
وانا اشتريه منك بعد يومين بـ مليونين و250 الف ..
وش قلت

؟

King Aziz · #175 16/03/2010, 02:55 PM

^^

كم عندنا ابو دحة

بس

انت بس عطني اسمة و اشترية منك بمليونين
ثم ارجع اشترة مني بنفس سعرة الاصلي تعرف
وانا اخوك ما ودنا ندخل بالحرام

انا و ابو دحة مثال للأندية المتعاونة

نتمنى من الاندية
الي مطفرة مثلنا يساعدون بعض لان اليد الوحدة ما تصفق

ابودحه الهلالي · #176 16/03/2010, 02:59 PM

اي حرام ..
مصدق ان الفلوس حقيقية

..
ع العموم اللاعب اسمه Goni ..
دفاع سعره مليونين وميتين ..
انت اعرض عليه مليونين بس ..

الله الله ..
الله محيي اصلك يا عزوز

..
قسما اثلجت صدري يولد :

d

|~ ولـد عنـيزة ~| · #177 16/03/2010, 03:05 PM

هتلر الرياض

خلاص محد جا من الاحتياط يتقدم ( ميت على مايلعب معكم )

دخلوني فالنسيا ولا اشبيله ولا اي فريق انشالله حواري ( قفلت الاخلاق )

تكفون بسرعه

الاسم : لآيكثر

King Aziz · #178 16/03/2010, 03:07 PM

ابو دحة

يالله طلبت شراه بـ 2000001 الريال ذا عشان تشتري فية بيبسي

دئماً في خدمة الاندية المتواضعة و نحن منهم

ابوفارس21 · #179 16/03/2010, 03:07 PM

مع اني مسجل اليوووم ومدري وش الطبخه الا شوووي بس قريت ردودكم ودب الى جسمي الحماس

وقلت اسجل واستمتع ...

سجلت واخترت عرض لآتسيو ... ومباراتي الجايه بعد يوم مدري يومين

ابيكم بكلمة رآس تعآلوآ .. اذا فيه احتيآط بآقي حطوني معهم لو آجمع آطقم آلتدريب مآفي مشكله ...

ابودحه الهلالي · #180 16/03/2010, 03:11 PM

| عااااااجل .. ميسي الأسود في سرقسطة :

زرقوزا رويتيز

شوهد النجم رويستن درينثي وهو يدخل اللا روماريدا مع المدرب الأسطوري أبودحه ..
يذكر ان ابودحه قد وعد مشجعي سرقسطة بصفقة من العيار الأول بعد توليه المهمة ..
يذكر أن ابودحه قام بشكر الاخ عبدالعزيز شكراً جزيلاً بعد ما وافق على اعطاءه سلفة بمبلغ وقدره مليونين يورو .. كما ذكر ابودحه ان الباب مفتوح للاندية الصغير للتكاتف مع بعضها البعض لإسقاط الكبار .
كما من المتوقع ان يقوم درينثي الملقب بـ ( ميسي الأسود ) بـ مؤتمره الصحفي الاول مع زرقوزا الليلة في الساعه الثامنة مساءً بتوقيت الخرج .