#1  
قديم 13/03/2010, 10:08 PM
الصورة الرمزية الخاصة بـ فَيْلَـسُــ زَمَانَهُ ـــوفْ
مشرف منتدى المجلس العام
وعضو تحرير مجلة الزعيم
تاريخ التسجيل: 06/04/2008
المكان: رمآد خلفته نآر الشوق .!!
مشاركات: 6,705
حرية الأنجاب ..واثر البيت ..!؟

السلام عليكم اخواني .. عساكم بخير ..! ؟

استبيحكم عذرا .. هذا موضوعي نقاشي .. وسريع فكتبتة على عجالة ..!
بسبب .. امر جرى لي هذا اليوم ..!

________________________________________________

تزوج رجل .. في ريعان الشباب .. من فتاة حسناء ..!

فكان راضياً عنها .. وهي راضية .. عنه .. عاشو بساعدة ونماء ..!

وحب وودة وتصارح ..! فكانت الثقة موجودة في كل الطرفين ..!

وبعد ان مضي شهر .. على زواجهما ..!

ذهب الرجل الى الأستراحة وذهبت الفتاة الى بيت اهلها ..!

يقضيان بعض الوقت ..! فأولا نأخذ الموقف عند الرجل .. في الأستراحة ..!

ابو فلان : هلا والله بالقطوع تزوجت وخليتنا ..!

الرجل : هذي حال الدنيا يوم لك ويوم عليك .. والحين عندي مرة وبيت وش ابي بكم سلنتح مجمعة ..!

ابو فلان 2 : حنا السلنتح نسيت البلوت .. والكورة .. والسوني والنت .. وكل الأشيء الحلوة ..!

الرجل : ياخي بيتي اهم منكم .. بس انتم بقلبي وحتا شوفو جيتكم

ابو فلان 3 : يارجال ما بشرتنا .. عساه يبي يجيك ولد .. ان شاء الله ..؟

الرجل
: لا والله .. ما هنا وراعين ..!

ابو فلان 4: افا عسا ما شر انت ما فحصت قبل الزواج ..؟

الرجل : الا والله ولا تخاف كل شي مضبوط .. بس اظن انها حرية شخصية ..!

ابو فلان : لا ياخي وش حرية ما حيرة انت تخربط ياااخي عييب استح على وجهك تبيهم يقولون انك مو رجال ..!

ابو فلان 2 : الحين تبي تكمل لك شهرين وانت كذا .. ياخي استح .. على وجهك ..!

الرجل : مالكم دخل في خصوصياتي .. وهذا شي راجع لي ..! وما فيه اي واحد يقدر يتحكم فيني ..!

طلع الرجال .. من الأستراحة وراح لم بيته لحاله .. يتأسى على حاله وهو متفق هو وزوجته العيال ما فيه قبل .. 6 شهور او سنة بعد .. عشان يعيشون لحالهم .. شوي ..!

____________________________________________

عند الزوجة ..!

امها : يابنيتي .. بشرينا عساك حامل ..؟

الزوجة : لا والله يا اميمتي .. !

اختها : والله ليش .. كذا ..؟ هو فيه شي تعبان .. شي ..؟

الزوجة : لا والله طيب انشط من الحصان ما شاء الله ..! بس متفقة انا وياه ..!

اختها 2 : وش متفقه تدرين انه هذا عيب .. الوحده ما تحمل .. بعد الزواج بهشر وانتي الحين بتكملين شهرين ..؟

اختها 3 : لازم وانا اختك .. لازم تضغطين عليه ..! لا تخلينه على راحته اضغطي عليه ..!

الزوجة : والله انا متفقه .. معه ولو سمحتو لا تتدخلون وتخربون بيتي ..!

اختها 4 : تراه يقول كذا .. عشان ما تدرين وش وراه يمكن مغبي .. شي عنك ويمكن ويمكن ..إلخ

وبدأت الوساويس .. بعقل الزوجة ..؟

وتقول كلام خواتي صح ليش هو قالي كذا اكيد عنده شي .. اكيد ..! كذا واكيد انه يخوني .. والحين .. الشيطان تمكن منها ..( والشيطان شاطر في هذه الأمور ولقا له مدخل )

وبعدين ترجع الزوجة .. للبيت وتبدأ كلام ومشاكل مع الزوج لا حصر لها .. ويخرب .. البيت .. بعد ما كانو احباء والثقة المتبادلة انعكس الوضع وصار ما فيه ثقة .. وكل واحد يتهم الثاني ..!

وبعد المصالحة .. تتبين وجهات النظر والندم على مافات ..؟ ويرون ان عقولهم كانت عقول متحجرة ..! وان الزوجة مندفعة ..!



هذه القصة ..! من بنات افكاري ..!

وما حدث لي .. غير ..

وهو ان صديقي .. حدثني بمثل هذه القصة .. حدثت له مع اخيه الأصغر ..!


اجيبوا على حسب ما فهمتوه من القصة ..!

اول موضوع لي .. في المواضيع النقاشية ..!

فلذلك ارجو .. معذرتي في قلة خبرتي ..!


وانا لا اعمم ..! على كل الفتيات


عشقي كان هنا ورحل ..!
اضافة رد مع اقتباس
  #2  
قديم 18/03/2010, 09:05 PM
الصورة الرمزية الخاصة بـ بطلة
زعيــم مميــز
تاريخ التسجيل: 24/09/2009
المكان: مدينة السنافر
مشاركات: 3,141
مساء الورد ,,

* حلوة ردت فعل الزوج (مالكم دخل ) لان صح هذه خصوصيات أصلاً كيف الواحد يقدر يسأل عيب !!

* الشيطان شاطر اوكي بس لازم الشخص يحكم عقله وما يخلي كل من هب ودب يلعب عليه والأهم:
مايعطي فرصة من الأساس للغير إنهم يتدخلون يعني :
إذا أحد سأل ما تاخذ وتعطي خير شر عشان مايتمادى الطرف الآخر أياً كان ,,

* أخواتها (يقولون تدرين عن هذا عيب إن الوحده ماتحمل بعد الزواج بشهر)
طيب وتدخلهم اش اسميه ؟؟؟
>>عارفة إنها من بنات أفكارك بس ترى جد في ناس عقليتهم كذا وهذه تصرفاتهم تدخل بشؤون الغير ,,
>> ويمكن أوقات يكون أحد الطرفين مريض ويتعالج والناس بتصرفهم يحرجون الشخص !!

* حديث عن الرسول :)لعن الله من خبب بين امرأه وزوجها) خبب يعني حرش حرض ,,
>> بعض أصحاب الاستراحات تافهين شاغليين لقافه بحيات خويهم المعرس وتدخل وتحريش ومايدرون إن بتصرفهم طرد من رحمه ربي ,,
ولايهونون بعض الصديقات بالاسم ,,


* الله يعطيك العافية وموضوعك حلو والله ,,

شكر لك
بطلة

اضافة رد مع اقتباس
  #3  
قديم 19/03/2010, 03:58 AM
زعيــم فعــال
تاريخ التسجيل: 30/12/2007
المكان: إن شاء الله حائــل للأبد (قلب)
مشاركات: 477
شسمه إيه صح .

ترا أخس شيء أنه الواحد يسألك هاااهـ بشر فيه ولد بالطريق ؟
ما أدري من بيتعب فيه انا وأمه والا هم ؟

من واقع تجربة شخصيه متفق انا والمدام سنتين مانفكر بمشروع الولد وأنه اذا سألنا أحد نقول لسى الله ماكتب .
بس ناشبونا اهلي واهلها هاه بشروا وش صار وش فيكم وراكم تأخرتوا فا يكون جوابنا والله ما كتب الله نصيب .

فا أهم شيء أنه الزوجين يتفاهمون على هالنقطه وأنه مهما كان كلام الناس ما يأثر في علاقتهم , وأنه الناس ماراح يتعبون فيه مثل ماتتعب فيه أمه أكثر شيء .


بعدين نصيحه للي توهم متزوجين أو المقبلين على الزواج بقد ما يقدرون يأخرون مشروع الحمل لأنه مسؤولية كبيرة حرام يضيعون بداية حياتهم الجديدة والاستمتاع فيها من بدري , بس برضوه لا يستخدمون اشياء تعطلهم .

وأي استسفار من هالناحية عليهم الرجوع لموسيقار المجلس العام ( إبليس المجلس ) المشاغب
اضافة رد مع اقتباس
  #4  
قديم 19/03/2010, 02:04 PM
الصورة الرمزية الخاصة بـ فَيْلَـسُــ زَمَانَهُ ـــوفْ
مشرف منتدى المجلس العام
وعضو تحرير مجلة الزعيم
تاريخ التسجيل: 06/04/2008
المكان: رمآد خلفته نآر الشوق .!!
مشاركات: 6,705
إقتباس
الرسالة الأصلية كتبت بواسطة بطلة
مساء الورد ,,

* حلوة ردت فعل الزوج (مالكم دخل ) لان صح هذه خصوصيات أصلاً كيف الواحد يقدر يسأل عيب !!

* الشيطان شاطر اوكي بس لازم الشخص يحكم عقله وما يخلي كل من هب ودب يلعب عليه والأهم:
مايعطي فرصة من الأساس للغير إنهم يتدخلون يعني :
إذا أحد سأل ما تاخذ وتعطي خير شر عشان مايتمادى الطرف الآخر أياً كان ,,

* أخواتها (يقولون تدرين عن هذا عيب إن الوحده ماتحمل بعد الزواج بشهر)
طيب وتدخلهم اش اسميه ؟؟؟
>>عارفة إنها من بنات أفكارك بس ترى جد في ناس عقليتهم كذا وهذه تصرفاتهم تدخل بشؤون الغير ,,
>> ويمكن أوقات يكون أحد الطرفين مريض ويتعالج والناس بتصرفهم يحرجون الشخص !!

* حديث عن الرسول :)لعن الله من خبب بين امرأه وزوجها) خبب يعني حرش حرض ,,
>> بعض أصحاب الاستراحات تافهين شاغليين لقافه بحيات خويهم المعرس وتدخل وتحريش ومايدرون إن بتصرفهم طرد من رحمه ربي ,,
ولايهونون بعض الصديقات بالاسم ,,


* الله يعطيك العافية وموضوعك حلو والله ,,

شكر لك
بطلة


اهلا بطوطه >> من متى الميانة

واخيرا حققتي الوعد المنشود ..!

الحقيقة انا اعرف انه فيه نوعيات .. كذا ..!

من المجتمع عشان كذا انا طرحت الموضوع ابي استقطب اراء .. اعضائنا الكرام ..!

واصلا عيب الواحد يسأل ليش تسأل يا ملقوف انت الي تبي ترعاه ولا انا ..؟

اما الأحراج ..! ياكثرة بس .. والله ناس يقهرون .. ما نقول الا يارب تعيننا وتصبرنا على هالناس ..!

يطبه >> من كل بستان ثمرة
\\
\\
\\
ماتلاحظون هالفيس طاح سوقه وجا بداله


إقتباس
الرسالة الأصلية كتبت بواسطة عقـل الهلال
شسمه إيه صح .

ترا أخس شيء أنه الواحد يسألك هاااهـ بشر فيه ولد بالطريق ؟
ما أدري من بيتعب فيه انا وأمه والا هم ؟

من واقع تجربة شخصيه متفق انا والمدام سنتين مانفكر بمشروع الولد وأنه اذا سألنا أحد نقول لسى الله ماكتب .
بس ناشبونا اهلي واهلها هاه بشروا وش صار وش فيكم وراكم تأخرتوا فا يكون جوابنا والله ما كتب الله نصيب .

فا أهم شيء أنه الزوجين يتفاهمون على هالنقطه وأنه مهما كان كلام الناس ما يأثر في علاقتهم , وأنه الناس ماراح يتعبون فيه مثل ماتتعب فيه أمه أكثر شيء .


بعدين نصيحه للي توهم متزوجين أو المقبلين على الزواج بقد ما يقدرون يأخرون مشروع الحمل لأنه مسؤولية كبيرة حرام يضيعون بداية حياتهم الجديدة والاستمتاع فيها من بدري , بس برضوه لا يستخدمون اشياء تعطلهم .

وأي استسفار من هالناحية عليهم الرجوع لموسيقار المجلس العام ( إبليس المجلس ) المشاغب



اجل في ولد بالطريق ..؟

والله فكرتك حلوة .. واهم شي الأتفاق بينك وبينها ..! هذا اهم شي .. وتكونون جدار منيع لأنها تبي توجه لكم ضربات من كل النواحي ..!

وتكونون على اهبة الأستعداد لها والتصدي لها ولغيرها ..!

الحقيقة الي يفقد الزواج متعته ولد بأول سنة في الزواج ..! يعني اشوف انك سنة سنتين تقظيها مع زوجتك لحالكم احلى شي ..؟ ولا انا غلطان ..؟

ابليس المجلس }يفتح من بعد العصر الى الساعة 10 للأستفسارات
اضافة رد مع اقتباس
  #5  
قديم 20/03/2010, 03:16 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,711
وعليكم السلام ورحمة الله وبركاته

اهلاً وسهلاً فيك اخي فيلسوف ..
اعتقد ان هذه الامور خاصه فيما بين الزوجتين ,ولا يحق لاحد ان يتدخل فيما بينهم ..

الزوجين من اول ايام الزوج يتفقون على وقت معين. يرون انه مناسب لهم ..
لذلك هم اخبر بامورهم سواء الانجاب او غيره .. ومثل هذه الامور يجب ان تقضى بالكتمان ..

اشكرك ع الطرح .. وتقبل احترامي وتقديري ..
دمت بخير
اضافة رد مع اقتباس
  #6  
قديم 20/03/2010, 04:01 AM
الصورة الرمزية الخاصة بـ ام متعب التميمي
زعيــم مميــز
تاريخ التسجيل: 18/10/2007
المكان: في ــ♥ــه
مشاركات: 2,247
انا كلامي متفق تماما مع عقل الهلال

بحكم تجربتي انا كمان كله نقول ماكتب الله شي

بس اهلي ماعندهم مشكله يقولون ازين الا ابوي متحمس!! لين شبت عليه امي قالت انت الي بتلعبه وتصرف عليه غثيتهم الله يصلحك^^

بس اهله ازعجوا امي صرت اكره اروح لهم بس خالتي فديت عمرها تقول ابد توكم صغار انبسطوا ريضين على الشقى^^

تحياتي
اضافة رد مع اقتباس
  #7  
قديم 20/03/2010, 07:38 PM
الصورة الرمزية الخاصة بـ Meme
زعيــم مميــز
تاريخ التسجيل: 03/08/2008
المكان: بيتي
مشاركات: 8,476
<<<< اكثر شي تسأل عنه بعد مايتزوج اي احد من صديقاتي او قريباتي ..

ها حملتي << عشان احرجهم فقط لاغير .. هع ..


الانجاب شي يتفق عليه الزوجان .. ولهما الحريه في ذلك ..

وليس لاحد له ان يتدخل ..

لكن مجتمعنا لازم يحط من الحبه قبه ..

الف شكر لك ..

اختكم .. ميمي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube