العنوان هو محتوى الموضوع
طبعا الجامعة هي جامعتي العزيزة
وهي الجامعة اللي تعدت ميزانيتها حتى جامعة الملك فهد للبترول والمعادن ومايحتاج اقول اكثر لكن شوفوا مستوى المتخرجين من الجامعتين
وتبغون تنقهرون
ميزانية جامعتي العزيزة 7 مليار
وميزانية جامعة الملك فهد للبترول والمعادن مليار
بعد هالمقارنة السريعة ماقدر اقول شي غير
>>هالفيسات خير تعليق
طبعا فيه سبب رئيسي عشان تكون الميزانية هالفرق
لان حسب المعلومات اللي عندي ان جامعتي العزيزة فيها حول 75 الف طالب
اما البترول حول 10 الاف طالب
وكلها ارقام تقريبيه يمكن اكون مخطئ فيها
لكن نرجع لمستويات التخريج بين الجامعتين اقول عليها السلام جامعتي
عموما خلوني ابدأ موضوعي >>باقي مطول
طبعا القصة اللي عندي مروية من احد موظفين الجامعة من فترة طويلة
طبعا الموضوع كل اللي فيه
ان خوينا ذا كان يتكلم كيف يقدر يشتري سيارة هل تقسيط عن طريق الوكالة ولا ياخذ من بنك ولا مدري وش
المهم وفي نص الموضوع يقول ولا اخذ السلفة من الجامعة بس المشكلة ماراح اقدر ادفعها خلال شهرين !!
طبعا انا هنا تنحت وش اللي سلفة اول مرة في حياتي اسمع موظف يقول ياخذ سلفة من الجامعة
قالي لا فيه سلفة وهي 50 الف ريال يسلمونها لبعض الموظفين قبل الميزانية بفترة بسيطة
وبعدها بشهرين انت ترجع لهم الفلوس
طبعا موب لله ولا هي مساعدة ولا هي مراعاة لظروف الموظفين
بس عشان تكون الايرادات تساوي المصروفات اذا ماخلوا فيها عجز بعد لاني ماراح استغرب
والسنة القادمة ماراح يكون فيها مراجعة للمبالغ اللي انصرفت
وسألته طبعا بعد كذا عن عدد الموظفين اللي ياخذونها وهل يعطونها لاي واحد قال لا
يعطونها للموظفين اللي لهم فترة وفي كل ادارة يمكن 3 اشخاص او اكثر >>طبعا خوينا على اني امون عليه لكنه من النوع اللي يعطي مخارج وللأسف هنا عطاني مخرج اكبر من يوم السبت ولا قدرت بعدين اجتمع معه وافاتحه فالموضوع عشان اعرف بقية التفاصيل
لكن امس بالصدفة لقيته في مقهى وكيف الحال طيبين وشوي الا يجينا واحد من اخويانا حنا يعني شباب موب مثل ذا شايب
المهم الا يجي يقول شفتوا الجنط اللي موقف سيارته عند باب المقهى سد ام الباب على الشعب
قاله خوينا لاتكون سيارة الجامعة قاله ايه قال ايه هذا انا
بعد الانسداح من الضحك لان كل واحد قام يسب الثاني
خشيت فيه انا وسألته وش اللي سيارة الجامعة عسى ماشر يبو
قالي ايه ابشرك قد قدمت قبل فترة على سيارة ونقلت من قسمي لقسم ثاني عشان يعطوني سيارة لاني محتاج سيارة صغيرة فالزحمة
بس تصدق لما رحت استلمها مريت على ثلاث مستودعات كلها مليانة سيارات جديدة بقراطيسها
كراون فكتوريا - جمس - ددسن ايسوزو - لانسر
>>هذي انواع السيارات الموجودة واللي شافها وطبعا وليه موجودة تبع الجامعة وهم مايعطونها لاحد ..؟
هنا فيه سؤال غريب ثلاث مستودعات على اي اساس اعرف كم دكتور مغبرين ولا هم معطينهم حتى سيكل
لكن هل هنا فيه لعبه ثانية وهي ان كل سنة يغيرون الموديل ويبيعونها على احد المعارض والقيمة بالنص ..؟
ويكررون هالشي كل سنة ..؟
اسمحوا لي يمكن اكون موسوس بس الصراحة ماستبعدها
واتمنى من كل قلبي اكون فاهم الامور غلط
اتمنى الاقي واحد يهزئني ويسوي فيني اللي يبي بس تكون السالفة غلط
ياناس معقولة اكبر جامعة اكبر صرح تعليمي واللي فيه يحملون اعلى الشهادات وفالاخير يكونون بهالمستوى
قريت الموضوع وقفلت معك ..؟
تعال و اقرأ هالقصيدة
يسئلوني ليه احبك حب ما حبه بشر
و ليه انتي في حياتي شمسها و انتي القمر
و ليه صوتك لا وصل صحراي يملاها الزهر
علميهم يالحبيبه اه يا اغلى حبيبه
يسئلوني و ليتهم مثلي يعيشون الهوى
الاصابع في الايدين الواحده ما هي سوى
عندهم حبك طبيعي و عندي فوق المستوى
اعذريهم يالحبيبه اه يا اغلى حبيبه
يسئلوني و في شفاتي يرتعد حر الجواب
ما دروا أنتي بحياتي راحتي و انتي العذاب
و أنتي حلمي اللي عشقته و طار بي فوق السحاب
خبريهم يالحبيبه اه يا اغلى حبيبه
يسئلوني و انتي اكبر من سوالفهم جميع
و أنتي اجمل ما خلق ربي في هالكون الوسيع
و اني اتلاشى بدون عيونك الخجلى اضيع
علميهم يالحبيبه اه يا اغلى حبيبه
أسير الشوق
برايفت
من أغلى حبيبه إلى أنا ضايق
شوفوا الفرق ..!!
والمشكلة الحين راشد ماعنده غير اعلام mbc
ولا من غيره يضيع وكان نلاقيه ينافس عزازي
مانقول غير ياليت يرجع
هلا ليدر
طبعاً الإختلاس هذا في كل مكان ,و بالنسبه للجامعات الله
يخليها حكومتنا تعطي بالمليارات و لا يحس فيها الطالب
بسبب النصب الحاصل . على طاري جامعه البترول :
عندنا مطعم و الله ما تقدر تاكل منه (طــاط)
((اللهم لك الحمد بس))
الله يصلح الحال بس و لا تشكي نبكي
تحيآآآآآآآآآتي لك
عادل
المشكله لو نقول انهم يصرفونها على الطلاب والطالبات ولا مبانيهم المخيسه
معليش جامعة البنات موب تروع !!!! يعني كنت احسبها احسن من كذا ='''((
تخيل انك توقف نص ساعه عشان تشتري عصير برتقال !!!
انا الحمدلله ما اشتري من عندهم بس اشوف البنات يضيع وقت البريك وهي لسى تستنى
طيب عند كل مبنى سوو فرع ل د.كيف عشان ما يهجمون على مبنانا البنات !
والله تمشي وتشوف عجب العجاب
ولا الزحمه اللي عند البوابات ... حاطين لنا الجامعه بقريييييح ابعد شي بالحياه
وبين الحواري يجيك عرض الشارع 20 لا ومسوين رايح جاي بعد ="""""((
والله العظيم بدون مبالغه يمكن نوقف بهذا الشارع ساعه الا ربع !!! وايام اضطر امشي بالشارع عشان اوصل على وقت المحاضره
وكل ما قلنا شي يقولون قاعديد يبنون مبنى جديد .. من قال اني بصبر على مبناكم ذا !!
تخيل ان دوامك يخلص 12 ونص (( والسواق )) ما يجي الا 3 ؟ وش ردة فعلك
بالله ماودك تحطه تحت السياره وتمشي ههههههههههههههه
* روق المنجا ,, هي جات عالجامعة ؟ مـ هو كلوا ينهب ,,
الكبير بـ المادة ينصب المتوسط والمتوسط ينصب الصغير والصغير ينصب الصغنون والصغنون يحط حرته بـ اهلة ,,
* هذي نهاية سكوتنا عن حقوقنا نستاهل !! لو كل واحد شاف حقارة زي كذا وبلغ واشتكى أقلها عن حقوقه ماصار اللي صار بـهـ البلد اوكي الفساد ماراح ينتهي بس بيقل لان : كل من يحاول ينصب لما يتذكر إن من بيحاسبه بيفكر مليون مره قبل يسرق ,,
* غير كذا اللي صاير البعض يشوف اللي حوله شغالين لهف بـ الفلوس بلا حسيب ولا رقيب بيقول : حتى انا بـ ألهف وأعيش مثلهم اجل أقعد اقشر بصل ,, >> بمعنى للأسف صار فيه استهان بـ ظلم الغير !! بـ السرقات والرشاوي والدرجات والكلام وووو
للأسف . ... ولكن كيف تعتب على حملة الشهادات .. .. مو كل الجامعة دكاترة ... والاغلب موظفين عاديين مثلهم مثل اي موظفين عاديين .... واساتذة الجامعة يحلمون بسيارة .. بينما هي من ابسط حقوق الموظفين في العمادة ..
لاتسلم سيارة الا للعــميد .. ويمكن وكيل الكلية ... أما الموظفين الصغار بالادارات ومختلف ادارات الجامعة .. فتسلم لهم ... الموضوع طوويل ... ولاعندي وقت ازيد فيه ...
معلوماتك جدا ناقصــة ... ولم تبين الحقيقة المــرة ... ولو ان استنتاجك صحيح ..تحياتي لك ..
قصة فساد اكبر الجامعات السعودية 
ماصار اللي صار بـهـ البلد اوكي الفساد ماراح ينتهي بس بيقل لان :
الوضع العادي
