هلا وغلا مرسال
كان الله بعونك
ناحية ان القسايم رادعه للمخالفين
لا والف لا
يعني انا مثلا بالصيف لازم اضلل واكل احلى قسيمة
وبالسريع مستحيل امشي 120
والحمد لله ما قد اخذت قسيمة بالسريع

لكن تدري وش اللي يقهرك صدق وغبنك
لما تسجل عليك قسيمة مالك دخل فيها ( تلزق بظهرك ظلم )
يعني الجندي يمسحها من خويه ويلزقها فيك
انا جتني قسيمة عكس سير مدري من وين جتني
حسبي الله على اللي لزقها فيني
حاولت استفسر عن مكان القسيمة او وقتها
ما لقيت احد يعطيني علم
ايقنت بعدها انها ظلم

الحين مجلس الشورى بدل مايكون عـون للمواطن يروح يطلع أنظمـه

تضر المواطن وماتفيده المفروض بعد ماحرم مفتي عام المملكـه هالمضاعفات في المخالفات

يلغى ذآ النظام بدوم تفكيـر لكـنهم لآيزالون يترزقون من هالمواطن

اللي يدوب يدبـر نفسـه

إقتباس أكد سماحة مفتي عام المملكة الشيخ عبدالعزيز آل الشيخ أن مضاعفة المخالفات المرورية (ربا ) ولايجوز العمل به مطلقاً حتى لو القصد من ذلك حمل الناس على عدم إرتكاب المخالفات المرورية . وقد أجاب فضليته على سؤال لأحد المتصلين على قناة المجد في برنامج( مع سماحة المفتي ) والذي عُرض مساء الجمعة أن مايُعمل به حالياً من مضاعفة للمخالفات المرورية من أوجه الربا وهي عبارة عن أموال كالدين أن لم تسددها خلال فترة معينة يتم مضاعفتها عليك وهذا الأمر يُعتبر ربا .

ودي أقـول لكـ لاتسدد أخاف تتوهـق بعدين ويطلعون

عليكـ رقم يغمى عليكـ منـه

الله يوفقكـ مرسال وييـسر أمركـ وانشاء الله تفرج قريبا

يا رجال عساك سالم بس , قبل سنة سددت 650 ريال والى يومك أحاسب نفسي عليها


وصراحتن شككتني الحين , وخايف اروح لأقرب صرافة واستفسر وألقى عليه مخالفات

ههههههههههههههههههههههههههههههههه

أضحك تضحك لك الدنيا...بقووولك شي يضحك صار معي

موقف قدام محل تجاري (لاحظ موقف) يعني لا سرعه ولا حزام ولا رخصه ولا شي

جاني العسكري..انت صاحب السياره؟

قلت ايه!!.....وقاعد انتظر طلبي يخلص والمحل زحمه

قال هات اثباتك والرخصه والاستماره..قلت تم ابشر..والله واعطيه الاوراق..وانا مالي يدي مضبوط (اموري تمام)

والله وياهو يشكني بذيك المخالفه اللي يحبها قلبك..تدرون وش طلعت المخالفهّ!!

ليش ما عندك طفاية حريق ومثلث طوارئ

هههههههههههههههههههههههههههههههههههههههههههههههههههههههههه

انا قمت اضحك وهو يتنرفز...تدرون ليش عطاني مخالفه؟؟

انا حاط شعار الهلال على القزاز الخلفي للسياره..وقلبها على الطفايه ومثلث طوارئ

هههههههههههههههههههههههههههههه

متابع لجميع الردود !

وأحب أن أذكركم أنك في مملكة الإنسانية

انا اشهد اني مخالف و اشهد انك مخالف ..

ماعمرك وقفت عند باب مطعم او مسجد او جامعه او سوق او مشيت دقيقة و نسيت تشغل النور كل هذه ترى ممنوعها لو انتظر ..
القانون يقول لا يمكن الوقوف او الانتظار بأي مكان عام ...
يعني انت على الاقل مخالف في اليوم 5 مرات مرة الغداء ومرة العشاء ومرة بالجامعه او العمل لو تنزل احد بسوق وقفت دقيقة بس لاجل ينزل هذه مخالفه..
تعكس الخط بالحارة مخالفه ...

خلاص خلاص اسكتوا
كلها كم يوم و راح اكره السعودية كرهي بـ ابو جهل !
اما بس لو اقدر نظف العايلة كلها و ننقل لـ قطر

أمشي عدل يحتار عدوك فيك

صح ان المرور أحيانآ يخربونها

بس ولله الحمد 8 سنوات سواقة في الرياض ماعندي الا مخالفة وحده في الجامعه موقف خاطئ

الشعب صراحه مطنش النظام

أقطع إشارة .. أعكس الطريق .. وقف خطأ ..ماهمهم

صح كلام الاخوان امش عدل يحتار عدوك فيك يعني مثلا انا ولد خالي من يومه وهو عاقل يقول ما قد اخذت الا مخالفتين سرعه ووقوف غلط
بس هذا مايمنع انه ظلم وسرقه زي ماقال اخوي مرسال اوجدوا حلول او غيروا بالنظام وبعدين حطو المخالفه ب 1000 والشي الثاني ليش ترفعون اسعار المخالفات اذا هم حالفين الا تتدبل طيب خلوها على اسعارها الاولى وترتفع على السعر الجديد ليش يرفعونها وغير كذا تتدبل خلال شهر حراااام
انا علي مخالفات الدنيا عكس وتظليل وعدم وجود لوحه>>>>>مدري كيف سجل لمخالفه وعلى كلامه مافي لوحه خخخخخخخ
و70 %منها ما ادري من وين جتني

والله جبتها على الجرح

هالمخالفات وطريقه تطبيقها واضح انها مردود لــ ميزيانية الدوله !!

يعني فيه استفزاز في اعطاء المخالفات والتصيد لآي شي !!

واللي يزيد القهر سياسة التدبيل الغبيه ذي !!

لكن اكثر شي جيدين فيه ومهتمين به في هالديره هي القسايم

ماقول الا الله يصبرنا بس ..

عوآفي

والله انا من رايي ان محد يجي ناصيك ويعطيك مخالفه على طووول ..

ممكن تحصل مره مرتين لاكن الي شايفه ان الشعب كلهم مظلومين اظاهر ان الشعب صار عنده وعي محد يسرع ..الكل يربط حزام الامان ..الكل مايظلل الي قدام الكل اوراقه كامله ..

والامير نايف الكل يقول انه رجل متدين و.. و.. ,, واعتقد ان الي حاصل من مضاعفه المخالفات شي مايرضي الله ولا خلقه ولا اجد تفسير له الردع ممكن يجي باشياء كثيره لاكن مو الكل يقدر يدفع .. البعض يكتب ممكله الانسانيه كسخريه مدري وش يبي اظاهر يبي فوق الـ120 ومايربط حزام الامان حتى الرخصه موب معه ولاحد يقولي شي اسوي الي ابي ؟؟ والي يبي يروح قطر روح ترا بتاخذ ضعف راتبك اذا كان راتبك خمسه راح تاخذذ عشره بس راح تصرف 15 او 20 .. فيه استفتاء نشر على الوطن اول امس ان اكثر من 40% من المصريين يفضلون السعوديه كوجهة عمل اكثر من كل الدول .. ولكم والتعليق ..

عزيزي انت فتحت موضوع جالس على قلبي زي السكين

تدري نسبه الولاء عندي لديرتي 100%

بس المرور آه آه آه آه

وش اقوول وش اخلي والله العظيم انهم يترصدون لك كل مرصد

مايخلون شارع الا وتلقاهم مسنترين فيه

مايخلوونك تمشي الا وماخذ الورقه الصفرا

وع قوولتك جبن بيتنا دايم يحطون نقطه

مرات امر من عندهم على موتري وهو وظلل مايقولون شي

ومره داي على موتر ابوي مو مظلل ولا شي وقفوني وعطوني مخالفه توووقع وش هي .... ؟؟؟

عدم ربط حزام الامان

الشي الي اعرفه ان ها النقطه اصلا حقت قطع الاشاره بس ذاك اليوم يبغون يخلصون الدفتر

ولا ابشرك المخالفه تدبلت علي وانا يمكن اسافر للخارج يعني فيني فيني وش اسووي ما ادري

وتخيل مرات تاخذ اكثر من مخالفه في يوم الحين تظليل بعده سرعه وتلقاهم مسوين زحمه في الدايري الشمالي

الناس يالله تتحرك ويالله يمشون وهم حاطين نقطه ترصد وجمع في النقود التي لا اعلم اين تذهب واين تصرف

الشوارع والله انها مكسره وذاك اليوم موقفينا دوريه ومعطي خويي مخالفه قطع اشاره نفس النظام

تخيل قاله حطوا اشاره رقميه عشان نعرف متى راح تسكر وبعدين تعال وعطني مخالفه وترى لعلمك اذا كان في تفتيش عقب اشاره

ادري ان الاشاره تسكر وتفتح بسرعه مررره كل ذا عشان تتطورط وتدفع 900 ريال والله ظلم

تدري وش صرت اسميهم

مع احترامي للمنتدى الي يحمل اسم نادي الهلال

اصبح اسمهم المتداول عندي وعند اخوياي ( كلاب الشوراع )