السلام عليكم ورحمة الله وبركاته ..

أولاً ::
أحب أبارك لكل الزعماء هذا الانتصار المستحق لزعيم وسيد آسيا وعقبال الكأس ..

ثانياً ::
(الرقم الصعب)!! اللذي خالف جميع التوقعات والتفائلات !!
أي رقم صعب أي خرابيط .. ما عندنا الا الكلام والفعل ..........
وين 60 ألف واللي يقول 70 ألف ؟؟ والله حرام عليكم ..
جمهور صراحه ما يبيض الوجه .. يعني الزعيم ماخذ الدوري وكأس ولي العهد(حفظه الله)..
وفوز على السد بثلاثيه زي الفل .. ومستويات تليق بسيد آسيا .. وفي الأخير
نرى الجزاء مخالف للعطاء ؟؟!!

يا جمهور الزعيم أيها الرقم الصعب أرجوكم .. الهلال في أوج مستوياته حاليا
وجعلها دووم .. تكفوون المباريات الجايه بيضوا الوجه الله يبيض وجيهكم ..

حط نفسك مكان اللاعب وانت تشوف درة الملاعب ممتلئه عن بكرة أبيها ..!!
وش بتكون ردة فعل اللاعب .؟! وردة فعل العالم الرياضي المحيط ؟.!

الله الله بالمباريات الجايه لا أوصيكم ..

ثالثاً ::
أي شعب نحن شعب سعودي بحت !!
أتمنى في يوم من الأيام يجون مسؤلين الرابطه ويجهزون حركات مثل الشرايط
ولا غيرها وتنفذونها صح ؟؟ <<< ساآآآآآبع المستحيلات

نحن شعب ما نفكر إلا بالفله .. بس كيف نفتل .. بس
الشرايط تنزل من فوق الله الله اللي بالولاعه والله يقطعها واللي واللي .....
لييييه كذا ؟؟؟ هذي فلتنا ولا أحد يلومنا شعب سعوودي فاااقدين الفله قمنا نطلعها في أي شي ..

شفتو جمهور برشلونه .. يوم يشيلون الأعلام الصفراء والحمراء والزرقاء
ويشكلون كتابة نادي برشلونه بكل ترتيب وبدون أدنى خطأ ممكن ..

يا جمهور الزعيم فلنختلف عن الفله هذي وقت مباراة للهلال ..
نبي تعاون .. نبي شغل يتكلمون عنه كل الصحافات ..
نبي نشكل كلمة الهلال في نصف الواجهه بأعلام زرقاء وبقية كل كل الجماهير
بالأعلام البيضاء .. تقدرون ؟؟ <<< أسمع فيها واااجد


ختاماً أحبتي أعذروني ... فـ والله كل كلمه أكتبها وانا فاهمها وقاصدها
بحبي لهذا الزعيم .. والله كلام قد يفيد البعض..
لا أحد يفهم كلامي اني اضحك على جمهور الهلال او اجرح فيه .. هذا وااقع
والكل يشهد عليه ان الجماهير لا تتفاعل مع أشغال الرابطه ..

أحبتي (( الرقم الصعب )) نريدكم في المبارايت القادمه بإذن الله ..
لا تنسون زعيم آسيا .. فلا يوجد دخان من غير نار
فالهلال هو الدخان وجمهوره هو النيران المشتعله في المدرجات ..

أخوتي ان أصبت فمن الله وان اخطأت فمن نفسي والشيطان ،،


دمتم بـــــــ ـوـــــــــ د

مشكوووور اخوي

والجمهور الهلالي مايحتاج دعوهـ

جمهور يعرف واجبه تجاهـ ناديه

ولو الامر بيدي كان تلقاني هناك بالمدرجات
بس انا بنت والشكوى لله


بالتوفيق للهلال في المشوار الاسيوي