زعيمنا مو بـ ( شين ) لكـن مهو بكامل ( الزين ) ...!! - صفحة رقم 2 - نادي الهلال السعودي - شبكة الزعيم

المستحيل202 · #1 11/03/2010, 05:17 AM

السلام عليكم و رحمة الله وبركاتهـ

أسعد الله أوقاتكم بالخيرات و المسرات

أول شيء : مبرووووك فوز الزعيم الهلالـــي على ( المدعو ) الإيراني ويا جعل الإنتصارات دوووم يارب

ثاني شيء : انا نادرا ما اكتب مواضيع فالشبكهـ وطالعوا لتاريخ تسجيلي بالمنتدى مقارنة مع عدد مواضيعي

ثالث شيء : حبيت أتناقش وياكم يالزعماء في بعض النقاط مع إحترامنا المتبادل لوجهات نظر البعض

الهلال اليوم مقارنة بالخصم الضعيف نسبيا كان متوسط المستوى .. ممكن لضعف الخصم دور او عدم معرفتنا الكافيه له دور اخر ..

الهلال فاز ولكن اتمنى من المدرب أو الكبير سامي الجابر مناقشة الهجوم عن ضياع الفرص .. حنا نشوف فلسفهـ زايدهـ و عك ما له لزوم عند المرمى سواء من ياسر او ويلهامسون ..

وكلنا نذكر المباراة المشؤمة أم صلال او قبلها الوحدهـ الإماراتي وتضييع الفرص بشكل مفجع ..

أنا هنا ما أقول عاقبو ياسر او ويلي او غيرهم .. لكن أقول زي ما قال فيصل ابو اثنين و سعيد العويران لو كنت تلعب مباراة ودية لازم انك ما تتفلسف قدام المرمى .. سجلها و ريح نفسك و جمهورك وفريقك في اول درجة

..

حتى اللاعب لما يستمر بالتسجيل راح يكون دافع لهـ على العكس لو لازمهـ ( النحس ) وكان بسببهـ هو ..!!

بالنسبهـ للاعبين بمستوى عااام كانت مستوياتهم طبيعيهـ وممتازهـ وما راح ألومهم حتى لو ظهروا بمستوى سيء .. والسبب هو التوقف لمدة أسبوعين بدون لعب أي مباراة ..

أسامهـ هوساوي معليش يمكن هذي من غلطاتهـ النادرهـ من جا للهلال ( غلطة الشاطر بمليووون ) وخلها يا أسامهـ قرصة أذن لعدم الفلسفهـ أمام المهاجمين ..

وجهة نظري ان الإدارة والمدرب ينبهون على اللاعبين بعدم الإستهتار او التسليم بالنتيجهـ قبل ما يصفر الحكم

.........

وربي اليوم لو سجل الهجوم الفرص ( الحقيقيهـ ) بس يمكن تكون 9 أو 10 وبالراحهـ بعد

لحد يفهم غلط يا شباب

واللهـ أني احب الهلال و ياسر و أسامهـ وكل النجوم لبى قلوبهم

لكن لمصلحة مين لو سجل ياسر الفرص او أسامهـ خلص الكورة بدون تفلسفـ ( لمصلحة اللاعبين انفسهم وناديهم )

لو ياسر طلع من المباراهـ و ما سجل باللهـ عليكم ما بتخافون عليهـ ترجع لهـ مشكلة عدم تسجيل الفرص السهلهـ ..

واللهـ ان جمهور الهلال ( وأنا واحد منهم) نحب ياسر و نحب أسامهـ وكل النجوم لكن نبيهم دوم مبسوطين وما يدخلو نفسهم بمتاهات هم في غنى عنها ...

رغم ان الهلال فاز ومع ذلكـ لازم ننتقدهـ

تدرون ليهـ لانهـ الهلال <<< نبيهـ دايم في احلى حال

وحنا نتعلم من اخطائنا مو بمثل الجار قاعد يبني عشرين سنة ولا يتعلم ولا يستفيد