السلام عليكم
وش هالنتائج الخٌرافية ..! بصراحة ما شفت المباريات لآني كنت مع الزعيم في الاستاد و بعدها
كفي و عشاء لكن الآخبار كانت توصلني أول بأول خصوصاً مباراة ميلان ..!
آكيد النتيجة كبيرة بحق ميلان .. خصوصاً انك تتحدث عن نادي يملك الكثير من التاريخ و الهيبه في اوروبا
لكن هي المباراة و نتيجتها جاءت هكذا ..! هاردلك حبايبنا الميلانيه ،، و مبروك للمانيو
دين وتسدد وزياده يابو حميد مبروك مانشستراويه عزوز وتركي وعمر وضيدان
وباقي الشباب هاردلكم ميلانيه ولكن مقدر ومكتوب ان اسياد هالبطوله يطلعون
البطوله تبي لها سيد جديد وان شاء الله انه يبي يكون مانشستر يونايتد
الحمد لله فرحتي اليوم بـ فوز الهلال اكتملت بعد فوز مانشستر الكبير
لكن انا خايف من شي واحد اللي هو المباراه الجايه بالدوري عندي احساس انها خساره
ضريبة هالفوز مثل المباره بعد ذهاب الميلان ولكن السير ألكس ان شاء الله بيخالف توقعاتي
نجوم المتش اليوم : كل الفريق نجوم بصراحه من ادوين الى روني انظباط تكيتي عالي
مع تمنياتي بقرعه منصفه لـ مانشستر
هاردلكم مدريديه سليم عبدالله وعبدالله
الريال ضيع على نفسه التأهل كنت اتمنى تأهلكم ووصلوكم الى النهائي
كانت تمنياتي ان المان والريال على النهائي لكن المفاجئات كثيره بالنسخه ذي
معوضين بالدوري ان شاء الله
كل التوفيق للمان والانتر في هذه البطوله وان شاء الله الانتر يكملها ويتأهل
لي باك
اكثر من 30 هدف والحسابة بتحسب
افضل لاعب في العالم .. واللي عنده غير كذا يقابلني
طبعاً المباراه كانت ممتعه .. المان كان منظم ومرتب .. كل الفريق كان يلعب بأداء راقي
افضل ثلاثة ..
1 - روني
2 - بارك
3 - فليتشر
صراحه اللي فاجأني بأدائه هو بارك .. لاعب رهيييب .. مستواه جميل
واللي فاجأني بعد هو ناني .. صحيح انه عك في الكوره كم مره لكن ما نكبنا كثير
صفقت لك لا شعوريا .!!
انت اسطورة ومحد ينكر
الجميل هنا جمهور مانشستر .. قسم بالله ونعم الجمهور .. لاعب يطلع من فريقهم ويلعب ضدهم في مباراه مصيريه ويحيوونه ويصفقون له !! عظيم يا الكيان الاحمر !
اصدقاء الامس .. اعداء اليوم !
ونختم بمقولتي الشهيره
" كم كنت كريماً يا روني , فقد اعطيت الميلان ما اعطيته لروما "
" عد الى منزلك ثم قم بتشغيل جهاز التلفاز .. وانتظر اعادة المباراة يا كريستي "
الفرق اللي تأهلت اليوم كنت متوفعها بس مآتوقعت كل هـ الذل للميلن أنا من شفت ليو لعب بـ أمبروزيني قلب دفآع وأنا دآري أنها تآريخيه المهم منب فآضي أحللكم يآزين البطولات اللي تشوفهآ ومآتحرق أعصآبك
هـ الوشسمه متكلم كثثييير يقول كنت أدري أننا بننهزم والأصابات أثرت علينا بعدين شطح وتكلم كـ العآدهـ عن أقتصآد الكرهـ الأيطاليه
،،
مدري وش صآير بالفيولا الظآهر برآنيديلي قدم أستقالته أو بيقدمهآ وهم متمسكين فيه المهم أتوقع أن صحت أخبار أستقآلته فهو 100% بديل ليبي
اعجبني طريقة تعليق المعلق الانجليزي في قناة سكاي 1 الانجليزيه وهو يقول تبخرت 260 مليون ... فهي اعمق وابلغ مانشيت
ليه تبخرت .؟
تدري متى تتبخر .؟
إذا الريال هدم كل مابناه مثل كل سنه . يبني يبني يبني وبعد أي خسارة من دور الـ 16 تبدأ الصحافة بشغلها والظغط على الإدارة بتغيير كل شيء .
لحد الأن ماتبخرت وبإذن الله ماراح تتبخر . الأدارة بتواصل شغلها من دون أي ضغوط وراح تعمل على سد بعض الثغرات في بعض المراكز وكل شيء بيكون زين مع الثبات على العمل السليم والاستمرار بالطاقم الفني الحالي .
إما إذا تبدّل أشياء كثيرة تحت تأثير هذه الخسارة وقتها قل تبخرت الـ 260 مليون .
ليلة ولا كل الليالي ..
الحمد لله ماراحت الاف الكيلومترات اللي قطعتها من الرياض إلى مانشستر ع الفاضي ..
رحلة ١٣ ساعه وتعب السفر ماراح عبث ..
مانشستر يفوز على ميلان ويهينه ويرقص على جراحه .. مباراه للتاريخ .. ومباراه تسكت السنة مابغت تسكت ..
صاجيننا بفوزهم ثلاثه صفر .. والحين رديناها وزياده هدف ..
رغم اني متوقع النتيجة ولا اعتبرها مفاجأة ابد ابد .. بالعكس جات غير توقعاتي .. لأني قلت لواحد انجليزي جنبي في الملعب انها بتنتهي ٥ - صفر .. هو يقول مستحيل ما اقدر اصدق .. لكن يوم صارت اربعه التفت علي وقال باقي واحد ..
الف مبروك للجميع .. ميلان ماقدموا اي شي يستحقون الشكر عليه .. الا بس روحهم الرياضيه ..
مبروك على الروح الرياضيه ياميلان
هاردلك ميلانيستا خساره متوقعه صراحه اذا مانظرنا لمباراة الذهاب
وزياده على كذا غياب عنصرين مهمين من فريق ماعنده احتياط يسد النقص!
مانحمل الخساره لـ ليو فقط ! لكن احمله انها وصلت لـ 4 انه جازف وخربها
انا اقول يوم انها 1-0 ليتها تنتهي كذا اما امبروسيني مدافع سلامات ليو ؟
ترانا مانلعب بلاي ستيشن لا يبو هذي مباراة وبتسجل في التاريخ نقطة سوداء
طبعا مانزرف المان فريق كبير ومنظم جدا ويلعب ع امكاناته ويرد ع الجميع
الي كان يقول انه يعتمد على كريستيانو وو الفريق ماشي صح بقيادة الشايب رددناها ودايم نرددها خسرت ولا فزت ارفع راسك انت ميلاني مبروك مانشستراويه ودي اخصص التبريكات بس انكم واجدين
اشوف رقم 7 مرتز واجد هنا ؟
ترى المباراة انتهت 4 ولا تشوفون غيرنا ؟ ولا قمتوا تجمعون وتطرحون ؟
افرحوا افرحوا موب كل مره بتلقون نتيجه مثل كذا
~~
مدريد !! اذا ماقدر يتجاوز ليون يطلع من الحين احسن له ! هاردلك مدريديه
محمد هد اعصابك طيب لا تطلع روحك وأنت تكتب الرد ترى راس مالها مباراه وفزتوا فيها يعني ما اخذتوا الكأس باقي المشوار طويل
//
بصراحه بدون زعل والله عندك هنا بالمنتدى فيه كميّة ثقاله دم في بعض الناس ودك تجي وتضفهم وتحطهم مدري وين !
قسم بالله يا محسسني أنه ماخذ كأس العالم وفايز وبالنهائي 10 / 0 , لا بجد يعني فيه ناس هنا مدري وشلون يفكرون !؟ أفرح وساتانس ومن حقك يا حبيبي ما قلنا شي , لكن موب تجي تستحقر من ميلان الي هو أحد أعظم وأكبر أندية أوروبا كيف لا , وهو صاحب أكثر عدد بطولات أوروبيه وهو متزعم هذه القاره !؟
يعني هل مباريات الذهاب والإياب اذا فزت بنتيجه معيّنه بالذهاب ونتيجه معيّنه أيضاً بالإياب معناه أني أجمعهن كلهن وأخليهن بنتيجة وحده !؟ يعني أقول ترى فريقي فايز 7 / 2 !!!! قسم بالله مدري وشلون يفكرون ذا الناس !؟
والله أني باركت لكل المانشستراويه الي عندي سواءً بالجوال أو بالمسن أو حتى الي كانوا معي بالكوفي , مانشستر فريق كبير وكان يستاهل التأهل ميلان ما قدم الي يشفع له عشان يتأهل , ما ودي أحط أعذار لكن فيه إصابات مؤثره جداً مثل باتو ونيستا ,! لكن يبقى تأهل مانشستر عن جداره واستحقاق
أكرهك .. أكرهك .. أكرهك .. !
ياقاسي يامجرم يا متغطرس , يا منحط , موب حرآم اللي تسويه !
كفو يالشيبه , اول مرة أشوف تمارين المانيو ع الهواء مباشرة , شكرآ لإتآتحتك لنا هذه الفرصة ,
روني .. ترى من جد من جد أنت انسان بثثثر , وغثيث , وفلق , وكلب , وأفضل لاعب في العالم !
هآردلك ميلان حبآيبي , !
مدريد ,
فرييييقكم بحريييييقة .. <~ خخخ وش دعوة ,
لكن لا تخلوني أشوف هالآدمي زعلان ..
يآ نآس من جد يضيق الصدر ,
آخ ياكاسياس .. آخ يالقهر ,
-------------------
اليوم أكتشفنـآ أن كريس من دون المان لا شي .. وليس العكس ,
على اقل تقدير , كريس له وزنه .. لكن المان لا يتأثر بغياب نجم ..
ولا يقف على لاعب واحد وهذا ما اكدنـآه سابقا واليوم ,
اوتمنى من كريس ينتظر الاعادة .. ليرى العجب , وليعيش الندم !!
وشسمه , أحمدوآ ربكم المآتس كآن على +4 ولا كآنت هوآيل !
لحد يزعل ..
تحيآتي ..
كنت انا واسير الزعيم وتورام وابوحمد جالسين في مقهى الدانه بالرياض دي سي وبينما الحديث يدور حول العاشرة اللي بيجيبها الريال , قلت لهم ان مانشستر يونايتد بياخذ الابطال مرة ثانيه قبل الريال يجيب العاشره , وهذا تعليقا على ان الريال اصبح اقوى بكريستانو ومانشستر اضعف بدونه .
عمر القوه ماكانت في لاعب او لاعبين , القوه فكر وتخطيط ويلزمها واحدن مثل (شايب الهاص اللي يأكل علك على الدكه)