مدخل:
الصداقة في معناها الحقيقي
القرب لا البعد
الحب لا الكراهية
الصدق لا النفاق



كنت ابغى اتكلم بالفصحى زي عادتي في كتابة أي موضوع بس المره هذي الموضوع بيكون مشكلتي انا بخلي الكلام من القلب للقلب وبلاش من التنميق والتنسيق


طول عمري اعرف ان الصداقة الحقيقية مستحيل تنتهي بسهوله



واذا انتهت اكون متأكده أن وراء نهايتها الف سبب وسبب



نهاية الكورس اللي فات ترشحت من قبل دكتور في الجامعه للتقديم للمؤتمر العلمي اللي انعقد قبل كم يوم في الرياض



وقتها كل صاحباتي صار عندهم خبر بنيتي للتقديم مع انه للأن ماصار شي بس اعطيت الكل خبر رغم ان الموضوع ماكان أكيد لأن بعد مرحلة التقديم لازم انتظر مرحلة القبول وبعد القبول لازم اعرض شغلي على هيئة التدريس في قسمي
وفعلاً بفضل الله تم كل شي وانقبل مشروعي .



بداية الكورس هذا داومت يوم واحد وتأكدت من موعد السفر



وبعد السفر بيوم اتصلت على البنات وحده بعد وحده اللي صار ان اول وحده اتصلت عليها ماردت واللي هي ( ف )



والباقين ردوا ( علماً بأننا شله وحده ) يعني اذا وحده فينا عرفت شي عن الثانيه معناها كل القروب عرف



رحت الرياض وانشغلت مره ومع هذا ماتركتهم من اتصالاتي ونفس الشي الأخت اللي ماردت علي اول مره ماردت علي ثاني مره !!!

رجعت من الرياض



وشفت الفرحة بعيون الكل لي إبتداء من رئيسة القسم وانتهاء بعاملات النظافة <<< نصابة



اللي بقوله ان الكل فرح لي والله ان فيه بنات مااعرفهم بس جوا وسلموا علي وباركوا لي



المهم بعد يوم طويل محاضرات من الساعه 8ص الى 4 م وانا خارجة من قاعتي صدفة شفت صديقتي ( ف )



رحت لها ابسلم عليها ( رغم الحق هي اللي تجي تسلم علي مو العكس بس ايش اسوي الطيبة وعمايلها )



والشي اللي عمري ماتوقعته
( مارضيت تسلم علي )



انصدمت



والله قليل انصدمت



هذي عشرة خمس سنوات عمر بحاله وبسهوله كذا اروح لها بطيب نيه تصدني !!!



فكرت انه ممكن يكون عشان المؤتمر بس لا مستحيل ( ن – صديقة لي من 10 سنوات ) ماقلت لها عن المؤتمر وانا الغلطانه بحقها وفرحتها لي يوم عرفت ماتنوصف ماتوفيها سطور والله



عشان كذا استبعدت الشي هذا



وبنفس الوقت ماهو الشي اللي يخلي صداقة تضيع ابداً لأن الموضوع بحد ذاته تافه



حاولت اعرف بس ما وصلت لشيء لا هي اعطتني فرصة ولا الوقت سمح لي أسأل الباقين..

وجاتني الصدمة الثانية




ثاني يوم قررت اكرر حركتي واروح لها واسلم



وتكرر منها نفس التصرف



وبعد شويه ( القروب ) كله قالب علي



ليش عشان ( ف ) زعلانه مني



طيب انا ايش سويت



قالوا : انتي ماقلتي لها على المؤتمر !!!!!

ايش اقولها اتصلت وماردت وبعدين من الأصل انا مو ملزومة اعطي تقرير يومي صار ورحت والصديق الصح يعاتب مو يصد



بالله عليكم 10 سنين والا 5 سنين



( ف ) انا اتصلت وهي ماردت



و( ن ) انا اصلاً مااعطيتها خبر



مين اللي يزعل !!




قولوا لي ايش الصداقة

وهل هي فعلاً صديقة تستاهل كلمة ( صديقه )



والا انا اختياري غلط واكتشفت متأخر ؟مابقى الا اقول :




لا خير في خل يخون خليله .... ويلقاه من بعد المودة بالجفا




وينكر عيشا قد تقادم عهده .... ويظهر سرا كان بالامس قد خفا




سلام على الدنيا اذا لم يكن بها ...صديق صدوق صادق الوعد منصفا




اتمنى اسمع رايكم هل الموضوع يستحق الي سوته وهل انا غلطانه؟




هذا بقلم صديقتي M واتمنى منكم الرأي السديد لها حتى ينير لها ..



مع تحيات



DEMO0O



كانت هناك..