تغطية : لـ معرض الرياض الدولي للكتاب - Riyadh International Book Fair
بسم الله الرحمن الرحيم ..
السلام عليكم ورحمة الله وبركاته ..
تم افتتاح معرض الرياض الدولي للكتاب يوم الثلثاء 16/3/1431 هـ - 2/3/2010 م .
سويت تغطيه بسيطة للمعرض , اتمنى انها تنال اعجابكم
أول يوم رحت للمعرض كان السبت , كان ودي اني اصور لكن كان مره زحمه
رحت اليوم الصباح , طبعاً سحبنا على الحصص الباقيه
ومن طفاقتي الزايده , اخذت الكاميرا بدون ماأشحنها , وماكان لي الا الجوال .
وحاولت اصور اكثر عدد من الصور بس المشكله ماقدرت الا بوقت صلاة الظهر علشان الناس ماكانت بالمحلات , واذا صورت وهم فيه اكييد بيتضايقون .
اترككم مع تغطيتي الي جلست ادور في المعرض ساعة ونص , ولا طلعت الا بـ 50 صوره , وكتاب واحد < قولوا ماشاء الله
* هذا المدخل , والله انه يتعب درجاته مدري شلون قايله
* هذا المنظر جاز لي , اول مره اشوفه بـ مكان عام عندنا بالرياض
* وهنا جلسات خارج المعرض
ماقدرت اصور الممر الي جوا لانه كان مره زحمه , والناس تتضايق اذا صورت .
من عواجتي صرت اقرا الدور , واذا جاز لي اسم دار صورته
والغريب انه يوم أذن الظهر بعض الدور ماسكرت ! , والي سكروا ينعدون على الاصابع
علشان كذا قدمت الاولويه للي مسكرين علشان الناس ماتتضايق من التصوير
* بديت اول شي بـ جريدة الرياض
* همن رحت لجيرانهم , جريدة الجزيره
* وهذا ركن لهيئة الامر بالمعروف والنهي عن المُنكر , أخذت لها 3 صور .
وهذا مجسم لمبناهم
وهذي بعض المنشورات والكتيبات لهم ..
* وفي نفس السيب , الهيئة العامه للسياحة والآثار
* وصورت ركن وزارة الداخليه , 3 صور .
يوم شفت ذي الصورة نزيت
بعد كل هذا قطعت مسافات علشان اروح عند الدار الي شريت منها كتابي الوحيد
* دار المدى للثقافه والنشر
وكتابي بوريكم بالأخير
* وهذي وزارة التراث والثقافة العمانية
وهذي خريطة لـ عُمـآن
* وهذي المنظمة العربية للتنمية الإدارية
* وهذي مكتبة الملك فهد الوطنية
* وهذي مكتبة العبيكان
* دار المنارة
وفيها قسم للقصص البوليسيه للكاتبه " أجاثا كريسيتى " , شريت كتاب له عندي شهرين ولا قريته بس شكله حلوو
وهذي ثلاث صور لكتبها
* صورة لـ دار الراية
* جامعة الأمير نايف للعلوم العربية
* هنا قاموا بإجراء مقابلة او اكثر
* وهنا بعض المقتطفات من جولتي
وهنا بعض خربشات الـ بزارين
اما حركت الكتب هذي غريبة
ويوم جينا نطلع اخذنا كم ورقه من الإستعلامات
تشمل : ( الموقع - مواعيد زيارة المعرض - وقائمة بـ أسماء الـ دور و جهة الدار - وسي دي ) .
* وهذي صور للأوراق
وهذي قائمة بجميع اسماء الدور
خريطة داخل المعرض
وهذا كتيب عن الحج الأفريقي
وهذا السي دي
وهذي مواعيد زيارة المعرض , للي يبي يروح
وفي الأخير هذا كتابي ..
للكاتبة , اميمة الخميس
الكتاب بـ 30 , لكن بعد ماكاسرته أخذته بـ 25
نقاط ::. * اغلب الي حضروا المعرض رحلات من مختلف المدارس * كان تنظيم المعرض شي يخقق * بالتوفيق للي شروا كتب , وللي ماشروا الله يوفقهم ويشرون ويتهنون في الكتاب
وفي الأخير ,, أتمنى اني اكون وفقت
وياليت تقيمون التغطية على انها من بنت لم تتجاوز الـ 14
وأعتذر على قلة الصور وردائتها وركاكة الموضوع , لأن الصور من بلاك بيري
سبحان الله وبحمده سبحان الله العظيم سبحان الله وبحمده سبحان الله العظيم سبحان الله وبحمده سبحان الله العظيم
ماشاء الله تبارك الله تغطيـــة رائعـــة ...
مجهـود جبــار تشكرين عليه..
كانت الفكـرة بالبال إنـي أقوم أنا وأحد الزملاء بتغطيـة شاملة للمعرض لكـن ارتباطنا مع الفريق الأول وكذا بطولة في منطقة الرياض حآل دون ذلك ..
لكن صراحة تغطيتك شاملة للمعرض ككل وبداية جيدة ...
طبعا أنـا ودي بكتآآب مميز ويعجبني كثير اللي هو يتكلم عن البرمجة اللغوية العصبية
طبعا الكتاب صعب تفهمه وتطبق اللي فيه على طول ,,, لازم تأخذ كذا دورة حتى تستفيد بشكل أكبر ...
عموما ربي يوفقك أختي رينآد على مجهودكـ..
الله يعطيكـم العافيــة
, كان ودي اني اصور لكن كان مره زحمه 
, اخذت الكاميرا بدون ماأشحنها 
, وماكان لي الا الجوال 
.
, اول مره اشوفه بـ مكان عام عندنا بالرياض 
,, 
الوضع العادي
