[c]ياهلا ومسهلا بأحسن ناس في العالم ..

أتوقع يالمانشستراويين شفتوا الحركه اللي سووها الأعضاء بقيادة فتى الجوف

ولاواحد منهم جاب طاري لفوز مانشستر بثلاثيه وأنا والله مانيب راعي مواضيع !!.. بسم الله علي منهم الله لايحوجنا لهم

دخلت للمنتدى قبل ماتنتهي المباراة بدقيقتين وأشوفهم سكتم بكتم ومنتدى ولد الجوف كأنه في عزاء اللهم ياكافي كل ذا علشان المان قرب يمرمط العرسنال والليفر <-- ماأقدر أقول فيه شي لعيون أبوحنفي والا انت ياللي في بالي تهبأ

عاد قلت في نفسي أبروح أسمي بالله وأرقد وأذا قمت أصلي الفجر ومالقيت أحد جايب طاري للمان أبسوي عمليه أرهابيه في المنتدى

وصار اللي توقعته مير حرّه أبنزل الموضوع أنا وشفيني لانيب ناقص يد ولا رجل كامل مكمل بسم الله علي الرحمن الرحيم

علشانكم مانزلتوا موضوع عن المان تحملوا مصالتي ووحده بوحده والبادي أظلم وأولى قنابلي أني قررت أكتب بالأحمر

صور من الفرحه بالاهداف الثلاثيه بالزي الرسمي الأحـمــرانــي

الهدف الأول من بول سكولز [ بسطرما ] في الدقيقه 85 ..




الهدف الثاني من بلنتي سجله فان نستلروي في الدقيقه 89 ..







الهدف الثالث وهو أحلى الحلوين سجله بسطرما في الدقيقه 91..





صحيح أن المان مرمط أيفرتون بثلاثيه بس ماجت الا بطلعه الروح شوفوا توقيت الأهداف وتعرفون صعوبة المباراة والتكتل الدفاعي [ الغبي ] من ايفرتون
نستلروي ضيع فرص ألييين أذن فيرون مدري وش يبي هو ولعبه
بارتيز من نجوم المباراة <-- غريبه مانكبنا مثل كل مره
بيكهام في الشوط الأول يطوطح رجليه وفي الشوط الثاني مابقى شي ماسواه ..

الهدف الاول
مشاهدة تنزيل

الهدف الثاني
مشاهدة تنزيل

الهدف الثالث
مشاهدة تنزيل


قايلكم من أول مانيب راعي مواضيع بس العوض ولا القطيعه

تحياتي إلكوم ..
[/c]

ماشاء الله..

عزيزي جنتل..
رغم مشاهدتي القليله للدوري الانجليزي..الا أني أميل كثيرا للمان..(( ولو يدري عني أيمن كان شب عليهم.. ))
وبعدين أنت تقول

إقتباس قايلكم من أول مانيب راعي مواضيع بس العوض ولا القطيعه

والله انك منتب صاحي..
الحين هذا مهوب موضوع...أجل وشي المواضيع..يامال اللي مناب قايل == أستملح
--

إقتباس كل ذا علشان المان قرب يمرمط العرسنال والليفر

---

إقتباس علشانكم مانزلتوا موضوع عن المان تحملوا مصالتي ووحده بوحده والبادي أظلم وأولى قنابلي أني قررت أكتب بالأحمر

الله يرجع لنا أليساندرو..الظلام.........عشان نفتك ==== شكل أول أعمالك الارهابيه الحقيقيه تبي تسويها فيني

-----------
معلومه مهمه:: حتى الآن لم أنام..وذلك بسبب دوافيرك اللي لجونا بقرقعتهم ..تصدق انهم يذكروني بحفريات حي الروضه

-----
سلام ياصاحبي

مبرووووووووووك الفووووز وشويه مرمطه صراااحه

ايه والله قهر ... محد يكتب عن فوز مانيو ؟؟؟؟؟ !!!!!!!!!!

الله لا يخلينا منك بس

تحيااااتي

هع هع يلوموني فيك انت وراسك

إقتباس ولاواحد منهم جاب طاري لفوز مانشستر بثلاثيه

طيب ياخي بالنسبه لاعضاء المنتدى شي عادي يفوز المان بثلاثه وشوله يسون زحمه ويفتحون موضوع , اكبر مثال قبل اسبوع ....

وذا المان مدري وشفيهم هالاسبوعين طايحين بالمثل الي يقول ((( سبق الغشيم ثمن الحقه )))

إقتباس يمرمط العرسنال والليفر

ههه هين الارسنال خلهم يتقيون على سندرلاند واوكسير , وبالنسبه لليفر تبطون عظم تدري متى اخر مره فاز المان على الليفر ....

إقتباس [ بسطرما ]

الله يقطع شكله هالمصري الا الان افرك عيوني من هدفه الثالث ... تقول حاقد عالباب

==

وهذي صور لابطال الليفر ( ياويلكم ويلاه ياللي في بالي اوين تصالح مع الشباك ...... بس اخاف ما تصالح مع رجل الخط الي ببالهم :sad: )



==



==



==

مشكور حبيب البي جنتلمان عالموضوع

والله ياجنتلمان انا احسب المواضيع المباريات لناس معينة لاني الاحظ انة ماينزل المزاضيع الا عزازي وفتى الجوف وابوحنفي
واذا ضايق صدرك لك مني مياراة مانشستر الجاية انزلك موضوع

ولكن توقع خاص ولا تزعل لان التحدي اللي بيني وبينك بشهر 5 2003 ماتوقع انهم يمرمطون ليفربول وارسنال

المان فاز

غريبة .. متى وكيف فاز

جنتول بيه مع التحيه <====== وش يبي ذا

تصدق أول اقرا عن فريق اسمه المان والحين توني اعرف منك ان المقصود مانشستر (( كنت احسب المان فريق ومانشستر فريق ثاني )) .... والله اني ذيب وش رايك بس ;)

بعدين تعال انت وش تشجع اشوفك قاط مع كل فريق ;) لايكون هلالي وحنا ماندري <===== جاب العيد ((يعني اليوزر احتمال يتوقف شباب ))


=================

فتى النقره

إقتباس ..(( ولو يدري عني أيمن كان شب عليهم.. ))

لاتخاف المان عادي عندي لكن مانشستر ذولا اللي ماأطيقهم


تراني منيب جاي بكرى لأني معزوم ((لا قل تكفى تعال )) ... وعلى وعدنا الخميس لاتنسى ... كنت برسلك رساله خاصه لكن متعيجز <========= تراه مايقلد جنتول بيه ابد

=================

ikuaihh هذي معناتها تحياتي بالايطالي عشان بعض الناس

الف مبروك اخوي جنتل مان على فوز المان
و عقبال كاس اوروبا والدوري الانجليزي وكاس انجلترا ان شاء الله

هلا والله بالجنتلمان

إقتباس كل ذا علشان المان قرب يمرمط العرسنال والليفر

يا ساتر كل هذا حقد

إقتباس فيرون مدري وش يبي هو ولعبه

أرحموا عزيز قوم ذل وين فيرون لاتسيو ؟؟؟؟؟ متى يرجع ؟؟؟؟؟



مبروك الفوز لكل المانشستراويين===> بالصعوبه طلعت

وعقبال ما تمردغون الأرسنال والليفر :p :p

يعطيك الف عافية يا جنتلمان على الموضوع الحلو هذا و مبرووك الفوز

طلع فيرون وضبط لعب المان

ايفرتون احرج المان كثيرا ....وعندهم مهاجم صغير عمره 17 ابدع بصراحه

مشكوووووووور جنتلمان;)

مشكووووووووووور أخوي والله انك مميز...
وعلى فكره الدوري للمان هذي السنه.

هلا والله بك يالغالي


الف الف مبروك على الفوز

و انا كوني اشجع مانشستر (المان) راح اكتب بعد بالاحمر و الف مبروك لكل عشاق المان هذا فوز و انشاالله الفوز لصالح المان بكل المباريات الياية(الجاية)

<<<<<<<<<< لمن يتجاهل المان ( يعرف نفسه) (اللي على راسه بطحه يتحسسها)

جنتلمان : يعطيك مليون ستعش بليون ترليون عافية