بعد مباراه الهلال مع جاره ( جار القمر ) وبعد النتيجه المخيبه للآمال صار من الطبيعي بالنسبه للهلاليين ضيقه الخلق والطفش والتهرب من مشاهده بقيه المباريات وعدم مقابله الناس وخاصه المتعصبين .....

قابلني احد العمال في المكتب وكان من اول قدومي وهو يرفع رايه الانتصار .... وكنت احسبه انه شايف في التلفزيون هذه العلامه من اخواننا الفلسطينيين في فلسطين ( اللهم انصرهم على عدوهم )
وقاعد يقلدهم . قلت في نفسي ( الله يعين والله كل امورنا مدوبره ( على وزن مدحدره ))

المهم ما عطيته بالي وصديت عنه بعدها تبعني ووقفني وقام يتكلم بنرفزه ( حقيقه طارت بوهتي ) ياشباب بالله واحد يشرحها وقال هذا العامل بإيجاز مايلي ......

صديق ايس هازا فريق !!!! هازا فريق اول جيب ASIA CUP هازا ما فيه كويس .. هازا ليس مافيه فوز ؟؟ هازا فريق نثر ( من عندي طبعا ) باي باي من اول ( يعني مافيه GOOD !! كيف هو سوي فوز !!!؟؟؟؟؟
بعد هالكلام عرفت قصده يوم يرفع علامه الانتصار ....وصراحه ماعرفت اجاوبه على اسئلته ..لانه فعلا احرجني ؟؟ وما عرفت اشرح له الواقع المر للتحكيم وخاصه بشكل قوووووي ضد الهلال :sad: والا اشرح له فلسفه السيد ماتورانا اللي ما يغير في المباراه الا اجباري ( كنه يدفع من جيبه شي )
وش اقول وش اسوي وشلون افهمه ما عرفت !!! لغه ما هنا لغه .. وهذا مايقتنع لو تجيب منصور الاحمد بكبره يفندله الاسباب ويشرحها له .. قلت احسن شي ياولد سوي نفسك قوي وقلت له .....

لا يكثر بس رح جب شاهي يالشتالي !!!
شر البليه مايضحك

سوالف القايله ....

يوم بعد يوم تثبت لجنه التحكيم انها ليست قد المؤوليه المناطه بها .. وانها تراعي نفسيات اداريي الفرق على حساب زعيمنـــــــــــا

كل يوم يكبر في عيني الازرق وانا اشوف الحسده من اناس ابتلاهم الله بالحسد والتنيحس لفريق ما كان همه الا الفوز والانتصار الشريف وحصد البطولات مما جعل هؤلاء يتكاتفون مع بعض لردع الزعيم عن حصد المزيد من البطولات الصعبه عليهم ......
منصور البلوي يدعم النصر بأي لاعب يختاره الرمز ؟؟؟؟ وش القصه الى هالحد وصل التعصب والحقد على الهلال .. من قبل المتغطرسين والفاشلين بحيث يسندون بعضهم بعض ضد زعيمنا او المصلحه بدها كذا ...!!!! هل يتصور هذا البلوي انه بهذه الحركات الاستفزازيه قد اضر الهلال فهو لم يحرك في الهلال شعره واحده .. وانه ماهمه لاهو ولا فلوسه ولا رمزه اللي ينفخ فيه ..

قلتها وسأعيدها وسأذكركم ان هذا الموسم سيشهد وقفه الجميع ضد الهلال .. وايقافه بأي وسيله كانت وعرقلته وإن تطلب الامر ( زي العاده ) وقفه التحكيم والجنه الفنيه واتحاج السباحه والسله واليد ومدراء الملاعب والمعلقين والمخرجين ولحاقين الكور .. وكل ما من شأنه إيقاف تطور وتقدم الزعيم ....

اتمنى من الجميع العوده قليلا الى الاشهر الماضيه وماذا حصل وماهي الاحداث التي حصلت بعد نهايه المباراه النهائيه العام الماضي وماهي التصريحات التي خرجت من بعض المسؤولين عن الرياضه بعد المباراه ( ستعرفون مستقبل زعيمنا )

@@@ ياناس ابي جواب نهائي ( اما انت ياقرداحي ) صراحه وش اللي يصير في الهلال ‍‍‍‍‍‍‍‍‍‍‍‍‍‍‍‍‍‍‍‍؟؟

يعني ما بزينا المؤامرات التي تحدث خارج النادي نلقى المشاكل عندنا .. لا إداره ولا اعضاء شرف اجتمعوا .. ولالاعبين اجانب عليهم الكلام ... عدم تجديد عقد لاعبنا الكبير ( سامي الجابر ) لا ميزانيه موجوده ........ لا لا لا لا لا لا لا لا لا ...................‍‍‍‍‍ الخ .

إلى متى هذا الحال والانعواج ومتى ينصلح وياخوفي انه ينكسر بعـــــــد ......

تحياتي للجميع ....

اييييييييييييييييييييييه لاتشكي لي ابكي لك ياخوي


للاسف هذا هو ديدن الحاقدين على الهلال التكاتف لازاحته عن الزعامه العربيه والاسيويه ولكب اقول لهم هيهات هيهات الزعامه لا تليق الا بالهلال والزعامه بالا الهلال لا شي


والحين الرمذ قبل دعم البلوي لا احضار لاعب عالمي ( علشان فيه مضره للهلال ) ويم اعضاء الهلال عرضوا علي الرمذ اقامة اعتزال ماجد على حسابهم الخاص لانه خدم الكره السعوديه والمنتخب رفضووووووووا (علشان هذا بيتسجل في صالح الهلال ) والله من الحسد الله يكفينا شره

هــلا وغــلا عزيزي المحترم falcon1515 ..

كــلمـــا شاهـــدت جماهير الانديه الاخرى وهــي تسب الزعـيم ، واعضاء شرفــهم يعـدون نادي (( 0 )) بطوله بلاعب أو هدايا (( سيف )) وغـيره ... كلمــا عرفت ان الـــــزعـــيم قــاهرهم ومن الضغـــط اللي فيهم صــارت تحركـــاتهم عــلانيه ضد الزعــيم وهذا يقودني الى شيء وهو :

الزعـــيم فريق محــسود والســبب بطــولاته اذا خرج موسم ببطوله واحده .. الجمهور لا يرضى ويعاتب الاداره !! بينمــا جماهير الانديه الاخرى تتــمنى الخروج ولو ببطوله وتقيم الحفلات و الولائم لهذه البطوله .. وبعض الانديه لم تــذق طعم البطولات (( 6 سنوات واكثر )) فشيء الطــبيعي الحاقد الحاصل ضد الزعــيم ..

وان شاء الله الهــلال مهما حاولت لجنة تحكيم النصر تحطيم الزعـيم معنويا ونفسيا وفـنيا .. فإنها ستــعاني كثيرا من فــوز الزعيم ... مما لا سمح الله قد يجعل حبوب (( البــنادول )) يترفع اسعارها ويتسبب ذلك في خسـائر كبيره للمسـشفيات >>> ياشين اللي يسترسل واجد


ودائما نقـــول ... الحمد لله على نعــمة الزعيم ،،


تحياتي ...

تمياطو11 والله انك صادق ياخوي لكن ازيد عليك ( مع الحسد اللي هم فيه يعانون من الامراض النفسيه اللي مستأصله فيهم لدرجه عدم القدره على علاجها )


الاخ العزيز كايدهم هلا بك وحياك الله ...

هذا هو الفرق بين الهلال وجمهوره( الواعي ) وبين الانديه الاخرى وخاصه جماهيرها اللي يلعب عليها بكلمتين يتسلون فيها لين يجي موضوع او بطوله خاصه لهم يلتهون فيها
...........................................

والله انك صادق ياكايدهم لا ترتفع اسعار البندول من سبه ذولاء

تحياتي للجميع ......

الاخ falcon1515 :

إقتباس وما عرفت اشرح له الواقع المر للتحكيم وخاصه بشكل قوووووي ضد الهلال

يا خوي قل له :
هازا نفر هلال واجد مسكين ما فيه نفر كتير يسوي تصفيق , ما فيه فلوس , ما فيه كفيل يسوي جنجال مع هكم خربان , كله ما فيه , ايس فيه سوي يعني , الله كريم , انساء الله هلال فيه كويس بعدين

إقتباس كل يوم يكبر في عيني الازرق وانا اشوف الحسده من اناس ابتلاهم الله بالحسد والتنيحس لفريق ما كان همه الا الفوز والانتصار الشريف وحصد البطولات مما جعل هؤلاء يتكاتفون مع بعض لردع الزعيم عن حصد المزيد من البطولات الصعبه عليهم

تقوله صادق و انا اخوك
انشاء الله بحول الي ما تنام عينه ان الهلال هالسنه بيلقنهم درس قاسي جدآ عشان يعرفون ان الله حق , و يعرفون ان لقب الزعيم ما جاء من فراغ ;)
انبسط و فرفش تراك هلالي و احمد ربك على هالنعمه

إقتباس إلى متى هذا الحال والانعواج ومتى ينصلح وياخوفي انه ينكسر بعـــــــد

ما تضيق و الا و تنفرج يا عزيزي ;)
و الوعد قدام ;)

تحياتي ,,,,,,

Hilali From Canada
حياك الله والله انك جبتها ما عندنا كفيل يسوي جنجال

إقتباس هازا نفر هلال واجد مسكين ما فيه نفر كتير يسوي تصفيق , ما فيه فلوس , ما فيه كفيل يسوي جنجال مع هكم خربان , كله ما فيه , ايس فيه سوي يعني , الله كريم , انساء الله هلال فيه كويس بعدين

إقتباس انشاء الله بحول الي ما تنام عينه ان الهلال هالسنه بيلقنهم درس قاسي جدآ عشان يعرفون ان الله حق , و يعرفون ان لقب الزعيم ما جاء من فراغ

وش اللي مصبرنا الا ان الزعيم يخور ثم يقوم وينهض زي الحصان ويرجع لموقعه الاصلي