بسم الله الرحمن الرحيم

يا الله ..شارف الدوام على النهاية ..سأخرج بعد خمس دقائق.. وأحمل معي همي لمدة يومين لعدم انهائي للمعاملات.
لا أعلم هل أقضي إجازة نهاية الاسبوع بكر مشتت أم أنهي معاناتي في ضرف ساعة و نصف.
أجل أعتقد بأني سوف أعود للعمل مساءً ..
إلى اللقاء..

انها هي بجانب المصعد ..توقفي هناك ! ..الحمد لله .يارب لايصادفنا أحد ويدخل معنا للمصعد..
ياسلام أجيبت دعوتي ..

هل انتي متجهة للنزول ؟
نعم ..إذن خوذيني (بالعامية) معك.

ياساتر كم كان يوم شاق ..
نعم إنه كذلك .

أراك لاحقاً
مع السلامة ..

كم أنا أحمق لماذا لم أطلبها لتناول الغداء سوياً..أنا غبي غبي.
سأتغدا وحدي كالمعتاد..
الساعة الرابعة عصراً استيقضت من النوم و أنا جائع كوني لم اتغدا من شدة التعب فقد وجدت المطعم القريب مني قد أنهى وتجهز لإغلاق المحل في فترة القيلولة.

سأشتري (( لوزين )) و((ببسي )) و أعود إلى عملي كي أنجزه.
نكمل بالعمية أحسن صح..

يا أم القرف ..سلام يا عم محمد (هذا السكرتي) .
عليكم السلام ياولدي ايش عندك اليوم جاي؟ ..مو إجازة؟ .
لا حبيبي الا انا ماعندي إجازة عندي هم أنهيه و أخرج عشان آخذ إجازة بمزاج صافي.
طيب الله يقويك .

دخلت المكتب الساعة 5.45 عصراً .وبسم الله نبداء .
وألتفت على الساعة طلعت الساعة 8.35 مساءٍ .
ول! ثلاث ساعات و الله الوقت يغلق و العمل مايغلق ياولد روح و دور عشاء وبعدها دور فلة .

قفلنا المكتب وخرجنا الا وهذي الي سارقة عقلي دخلة للمطعم الي قريب من شركتنا الموقرة .

ياولد انت جوعان وهذه أحلى فرصة تعزم عليها وتعشيها على حسابك ومين قدك ياولد ياولد.

دخلت المطعم الا وهي جالسة تنتظر طلبها وشعرها ملموم مثل ذنب الحصان ولونه بني داكن وخصلة بجانب الاذن يمرجها الهواء وأصابها متشابكة فكها الساحر متكأ عليها لتكمل أجمل رسمة رأتها أعيني.

مريت من جنبها ومسوي ثقيل وانا الهوا بيلعبي من كثر ماني خايف ومرتبك وخفيف.
انتبهت لي .
خالد..
قلبي بغى يوقف سويت نفسي ماسمعت عشان تناديني مرة ثانية .
نادت مرة ثانية خالد مع وقفة بسيطة عشان تجي تجلسني في الطاولة الي جالسة عليها
وسئلتني ..ها ايش تآكل..
قلت أنا ..قالت ايه انت قلت لا ولا شي بس أبي (موية) ماء.و الجووووووووع لاعب في حسبتي لعب.
فالت لي يارجل انت داخل مطعم تطلب موية بس لو اشتريت من البقالة الي في الشارع الثاني وريحت نفسك .
أقول وش تتعشى أطلب وتنادي للمباشر وتطلبه المينيو الخاص بالطلبات و أنا أصابع رجلي ترتجف من جمالها لا ولابسة تي شيرت وردي طقم مع شفايفها وجينز فاتح مثل فمي آسف .
صارت كلها على بعضها (وااااااااااااااااااااااااااااو)حسيت انها فعلا في إجازة.
قلت أي شيء.
قالت شلون اي شي.قلت خلاص زيك.قالت يمكن مايعجبك قلت في خاطري والله لو بتآكلين صراصير لاأكل مثلك.
المهم طلبنا و انتهت مشكلة الطلب .
والآدمية جالسة تمدح في المطعم و أنا مفهي أتذكر كلامي الي قلت فيه أعزمها على العشاء وكذا .
هاي خالد وين رحت لا و الله اني توي طالع من العمل .
حرام عليك وش رجعك ..
فلت لها و الله انا آدمي ما أعرف أفصل بين العمل و البيت عشان كذا رجعت وبيني وبينك انا عزابي وماعندي غير العمل يسليني.
قالت :آها طيب في العادة وش تسوي في إجازة نهاية الاسبوع .
قلت و الله مو زي بعضه مرة أخرج و مرة أنام لين نهاية يوم الخميس ومرة أجلس أتذكر أحلى ما صادفني في اسبوعي ومرة أخرج أشتري أفلام من المحل الي جنبنا وأجلس اتفرج لحالي وكنت ناوي أمر وآخذ كم فلم بس قلت خني آمر و أشتري عشاء ورب صدفة خير من ألف ميعاد .وشفتك .
وعلى فكرة انشاء الله زي ماعزمتيني على العشاء تراني عازمك نتابع الأفلام في شقتي .
تلون واستحت شوي الا فجأة نقزت لي بها السؤال الي يقول .
طيب وش أحسن شي صادفك في هالاسبوع ؟
قلت انت .على طول لا إرادياً .
قالت نعم .
قلت انت أول قولي بعدين أنا أقول .لفيتها بسرعة 2000.
والله عني انا كان اسبوع ممل ومافيه شي يذكر .
وانت؟
انا ان صدقت يمكن ماتجي تتفرج الأفلام معايا و ان كذبت يمكن تطير مني .
خالد اشبك شكلك تعبان ؟ايه في خاطري و الله تعبان تعبان هو الي يجلس معاك ما يتعب نفسياً وذهنيناً وكل شي .
أجل نكنسل سالفة الفيديو.
قلت على جثتي ما تتكنسل .
اسمعي يا بنت الناس (انفجرت)
و الله انا دخلت المطعم يوم شفتك داخلة انا طلع من العمل وقبلها جلست ادعي ربي عشان أدخل معاك المصعد ومحد يضايقنا لأني بغيت اعزمك على الغداء وجاتني الفرصة لين عندي و الله يا ( رهف ) أنا أحبك .ما عاد أقدر اتحمل بعدك ولازم أشوفك كل يوم .
هي المسكينة وجهها تلون صار 100 لون قالت طيب ليش خافي مشاعرك كل هذه المدة .
قلت أخاف تدرين وتبعدين عني و يدي ترتجف وجبهتي نديانه من العرق وهول الموقف إلا وإذا بذيك الموجة الناعمة التي مسكت على يدي وقالت حبيبي خالد أنا جالسة اترقب فيك اليوم وأطالع و أعد الوقت متى تخرج من المكتب ونسقت مع عم محمد(السيكوروتي) بعد ما شفتك دخلت الشركة وقلت راقبه لي عن طريق الكاميرا ومتى ماتشوفه نوى يخرج من المكتب بلغني وبيني وبينك كنت حاسة فيك و انت كنت ماتدري بصراحة و الله أنا أموت فيك .
انهدت جميع الحواجز الي كانت بينهم وصار لغت الحب هي اساس كلامهم بين بعض وخرجوا اثنينهم بعد ما فتحوا قلوبهم لبعض عن طريق الصدفة المصطنعة وكملوا يومهم على ما اتفقوا عليه مسبقاً وصاروا نموذج للحياة السعيدة .
أحيان يشعر الشخص بأن الصدفة خير من الميعاد و أنا أرى بأن الميعاد أفضل من 1000000 صدفة .

كيف الحال

مقطع رومانسي ولا في الاحلام
لكن صدقني يا صديقي رب صدفة خير من الف ميعاد

شكرا لك اخي هلاليبي هذه القصة

دمت برعاية الله ,,,

الف شكر على الرد الي اعتبره وسام فخر على صدري