مرحبا بكل الزعماء

الحقيقة الموضوع ومافيه كل يوم نقرا في الجرايد عن موضوع استاد نادي الهلال الدولي ونبغى تصريح واضح من الأمير عبدالله بن مساعد هل إنشاء الإستاد شيء حقيقي يعني فيه نيه لبنائه أو بس كلام كل يوم نسمعه من الجرايد وبعض الصحفيين. لأني أذكر مره قريت لقاء للأمير فيصل بن فهد صاحب شركة F6 قال أول مشاريعنا الإستثمارية هو استاد نادي الهلال الدولي وهذا يأكد أنه في شيء لكن المشكله حتى إدارة نادي الهلال ما شفناها توضح أي معلومه عن هذا المشروع الضخم اللي أضمن 100% للي بيسويه بيسكب أضعاف مضاعفه خصوصا أنه لو بدا البناء الحين راح ينتهي بعد 5 سنوات على أقل تقدير وفي ذاك الوقت راح يكون الإستثمار الرياضي تطور كثير عن الوقت الحالي.

اللي أتمناه اشوف تصريح من الأمير عبدالله بن مساعد بما أنه هو المسؤول الأول عن الإستثمار في نادي الهلال يوضح فيه كل شيء عن هذا المشروع وعلشان نترك الإجتهادات اللي نقراها كل يوم في الجرايد واللي آخرها على هذا الرابط:ـ
http://www.alriyadh.com/2010/03/01/article502806.html

والله ماادري احنا نسمع انهم بيسون ويفعلون
ولكن ما شفنا اي فعل