السلام عليكم ورحمة الله وبركات
من البدايه
هي خواطر في بالي وفاضي وكتبتها لكم ... ممكن يكون فيها فائده
مقدمه اممممم
..!!!
آهاه هذا الي ماعملنا حسابه
انا مااكتب في المنتديات والسبب (المقدمه)
أفشل انسان يكتب مقدمه لاي موضوع حتى لو انا الي كاتبه
اتوقع هاالمقدمه كافيه لكم وتشوقكم للموضوع
ماعلينا ,,,
اناكنت مستلقي وافكر في الهلال وأقول ياولد وش الوضع مباريات قويه وتستاهل وحماسيه مافيه الا بعد اسبوعين ...!!!
ملل صراحه وانا انسان حياتي الهلال
...!! لدرجة اني اقول لمديري بالعمل اذا فيه مباراة مهمه للهلال اقول غير موعد دوامي مع انها كلها مهمه عندي
ولا ترا التقرير الطبي جاهز <<<< مديره هلالي متعصب بالمرتبه13
طبعآ الاداره كلها عارفه الوضع وحاطين راحاتي الثلاثاء
والاربعاء الشهر هذا ( شفتات دوامه )
عارفين ان فيها سحبه على الدوام
لان هاذي بطولة اسيا ,
المهم بعيد عن هيامي ومشاعري المتأججه نحو صديقي الهلال
طرا على بالي جيرتس وطريقة لعبه وتغييراته ,
انا كنت اسمع بكلمة المدربين ( الي جاهز يلعب , الي يأدي في التمارين قبل المباراة يطقها اساسي )
الي جاهز يلعب .... نقطه اخر السطر ... لامجال للنقاش من قبل الجماهير .. لان الموضوع بيد المدرب
المدرب يشوف اللاعب كل يوم 3ساعات يوميآ ... لا يعرف من يحتاج ...!!! الا يعرف من سيجعله يكسب المباراة ...!!! هل يوجد لاعب فذ وتم ركنه على الدكه وضاعت بطوله من اجل ان يقول جيرتس هذه فلسفتي ..!!
البطولات ورا بعض اللهم لك الحمد والجاهز يلعب ... والمدرب ابخص ,, علق على التشكيل لكن لاتسبب شوشره ..
(
طولت عليكم ماعليش شدو حيلكم هانت )
الشلهوب ... أنخفض مستواه ...!!!
بدأت هذه النغمه ... مع العلم انها - صحيحه - بمعنى فعلآ الشلهوب منخفض مستواه ...
<<< طيب وش تبي
ماراح اقول وش ابي لاني بأغير الموضوع ..
الاشاعه ..
كم عدد جماهير الهلال في السعوديه ...؟
سؤال اسهل ,,,
لنفرض عدد الجماهير السعوديه الرياضيه عشره مليون مشجع ..
كم عدد الهلاليين من بينهم ...؟ الجواب على الأقل 5ليون مشجع النصف ..!!! النصف ...!!!
ممكن نقول ان الجماهير الهلاليه خمسه مليون مشجع.. مع اني متأكد انها اكثر ...
الاشاعه تنتقل من شخص لاخر وانا هنا اتكلم عن الهلال ومايخصه من ادراه لاعبين جاهز فني جماهير موبايلي الكل حتى العريجا ..
لماذا تتناقل الجماهير الهلاليه الاشاعه التي تضر بالهلال...!!! وتزيد انتشارها ...!!!
لماذا الاعلام الهلالي يتداول الاشاعه يوميآ ... لدرجة انك تحس انها دعايه مو اشاعه ...!!!
الا يعلم كل كائن بشري يعشق الهلال بان الهلاليين نصف الموجودين في السعوديه ( غير مشجعين الهلال من الاجانب ) ...!!!
رساله الى كل منتمي لهذا الكيان لاتنشر اي خبر يضر الهلال حتى وان كانت اشاعه ...
لانها تكبر مع الايام وتتدخل المرتزقه لقلب الوقائع والاحداث كما في موضوع ويلي في المطار , ومالاقاه من منشورة الدب
اتهام بالبصق عيني عينك ...!!! وولي ينضرب الين يعض الارض في الملعب ولايصدر منه اي ردة فعل محرجه فما بالك بأتهامه بالبصق وهي عاده سيئه جدآ جدآ ,,
والمرتزقه من الصحافه لايختارون اتهاماتهم جزافآ بل بدراسة متأنيه حتى للكلمه , والامثله كثيره منها انه جيرتس قال ساجعل كلبي يهاجمكم ...!!!
والحقيقه انه اشتاق لكلبه ...!!!
والسؤال غبي بقدرة قادر اصبح المذيع غبي ...!!!
عجب عجاب وخيال واسع لاصطياد كل ماهو ازرق وان كان يعلم الصائد المصيود بان الصيده اكبر من الصائد
نرجع للشلهوب
انخفض مستواه مثله مثل ياسر وغيره .. لكن
كل يوم واحد بيطلع يقول الشلهوب منخفض مستواه ...!!! راح يجلس طول عمره على هالمستوى ...
كل يوم واحد يطلع يقول ياسر 2006-2007 انتهى ماراح نشوفه .. راح ينتهي
5مليون مشجع لو كل يوم يقول عشرين الف ياسر والشلوهب منخفض مستواهم ماراح نخلص ..
5مليون مشجع لو كل يوم يكتب 20 عضو في المنتدى الشلهوب وياسر ومستواهم منخفض ماراح نخلص ..
وهنا رساله للمشرفين ( الله يعينكم ويوفقكم )
5 مليون لو يجلسون يرددون كل مايضر بالهلال سيضرون به ... يااخي خل الهلال مثل اخوك اذا احد قال عنه اشاعه رد عليه ولاتنقلها لغيرك ..
آسف على الاطاله وآسف على الربكه الي سببتها في الموضوع والتنقلات من سالفه لسالفه ...
لكن الحقيقه اني كنت ابغى يكون الموضوع ترفيهي تثقيفي ..
بس قفلت معي لاني وانا اكتب اتذكر كل
مايحاك ضد الهلال واتذكر بعض المنتمين للهلال وهم يساعدون المرتزقه للاطاحه بالهلال وهم لايعلمون ,,
في الختام الف شكر لوقتكم ولن اطلب رد يكفيني مروركم ,,,
رساله لمن يهمه الأمر /
جيرتس يفكر وينفذ ... والاداره تدعم تراقب وتحاسب ... والجمهور يساند ويحتفل فقط ... فقط ...فقط منخفض جوي