الله مير يحييك .. وهلا بك أخوي منور المجلس

يعني تعرف الي من زمان ما كتب موضوع ومن جد نفسه يكتب وما يخلي بنفسه شيء قام حط لك 3 في 1

بس ماشاءالله .. انسابية وتنظيم رائع

عاد ع طاري السيارات ذكرتني أن سيارة الجامعة خربت موب وقتها ع الدراسة تخرب والمكيف والحوسة


طيب وش اسمه .. موضوعك رائع أنا أحب اقرأ اشياء مثل كذا خصوصاً لا صارت بالعامي ونص الكلام ما افهمه

ترى والله أنبسط


الله يعطيك العافية

واخيييييييييييييييييييييييييييراً

بقرى وبرجع
هذا مكاني

..

وش ذا
متنحهـ أتنح شيء بالحياة
اعتقد ان هالسوالف اكثر شيء للعيال
الشرطيهـ بالسيارات وش وظيفتهم ..؟

يمكن لي باكـ بعد ما افتح زين بكرى

والله انك صادق

معارض السيارات والشريطية ولسآنهم المعسووول >> خخخ أمحق .. بس الله حق يفرون مخك فر


لا والاحوال المدنية ووآآووتش يا شينهآ من زحمه ..

ووش بعد

ايه الرز آرتفع

تصملون نقآطعهم

ويآزين المكرونه بالبشامل ..

أول شئ الحمد لله على السلامة

ثانياً

المعارض إسمها معارض المنار و ليس النسيم < الأخ ساكن بالمنار

صحيح ما بينهم إلا شارع لكن معليش فرق السماء عن الأرض


ثالثاً إذا جيت للمعارض دق علي أقهويك و أطلع معك أعلمك الشريطية واحد واحد

^
حافظ أشكالهم

بعدين مفروض تكون نبيه و تفرق بين الشريطية و الناس الجادين

لأن الشريطية نصابين يجيك فاضي لا شغل و لا مشغلة يجلس يطقطق على الدلوخ الفاهين


الجزء الثاني

أولاً: قلق الأحوال اللي تشوفه ذا كله بسبب مزورين البطحاء و بس

هلا وغلا ابو مشاري

أولاً يا مطول الغيبه و ينكـ ؟
تو المجلس منور يا الغلا
من ناحيه اسلوبكـ أهنيكـ عليه صراحه لتميزه بالفكاهه الكتابه الي تجذبنــا للقراءهـ
و بالنسبه لمواضيعكـ العديدهـ الي تطرقت عليهـا :
- السيارهـ و المعارض:
أنــا أشوف اذا كان الواحد مقتدر أو مفلس ((كل واحد يمد رجليه على قد لحافه))
و بالنسبه للقطع فأنــا أشوف انكـ محق ,لازم الواحد يشوف أسعارهــا قبل لا يشتري
- الأحوال المدنيه :
يا قلب لا تحزن بس............
لا و مثل ما قلت على الحجز ماشين تقول اني طالبهم قرض !!!!!!!!!!

أخيراً تحيآآآآآتي لكـ و لا تقطعنــا يا الغلا
عادل

نعنبوا بليسك مذاب موضوع تقل صبه

كل شي عندك حاطه فيذا

زين ماصورت لنا عمليتك ونزلتها فيذا


اول شي بالنسبه لشريطيه بحكم اني بنت مااعرفهمبس كل واحد يبحث عن مصدر رزقه
وبعدين تبغى نصيحتي دامك من سكان الرياض
وقف سيارتك ع جنب واشترلك سيكل وريح عمرك على هالزحمات
قسما قسمات كرهت الطلعه والسبب الرياض وسيارتها وهواء السيارات المخيس الي يكتم الصدر<<طلعت من موضعك ادري وش بتسوي يعني

وبالنسبه للاحوال وماادراك ما الاحوال

ياحظكم انتم رجال تعال ادخل عند الحريم شوف البلاوي

انا عندي استفسار وش صله القرابه بين الانثى والتونه

اي مكان فيه دوام نسائي اعرف انك بتشوف علب تونه وشطه



انتهى

تعال بقولك سر في اذنك

انا الي سئلتك بالformspringتعرف ترقص باليهوراك تحاكيني على اني ولد مايبين لك من انا ؟يعني اخذ راحتي عند كل واحد فيكم وأطلع اشاعات عليكم

تحياتي

وعليكم السلام ورحمة الله وبركاته ..

اهلاً وسهلاً فيك محمد .. عوداً حميداً ..
احس شكلك فآضي .. ودك تسولف .. والا كلها فضفضه . .

طبعاً مابزيد شي ع كلامك ..والمشكله لو تمر لم المعارض باقي شوي ويوقفونك
وياخذون المفتاح , من تمر بجنبهم يأشرون لك ويصارخون ويسومون وانا اطلع
مع الدريشه والله والله ماني بايع ..

ع فكره .. الشريطيه مو بعدين من اهل العقارات
واحد من اكبر رجال العقارات بالحي , يقول 80% من العقار كذب وكلام

اما عن الاحوال .. فعلاً زحمات وقلق , والحل هو فتح 3 فروع بالرياض ..
بحيث واحد يكون بالجنوب وواحد بالشرق وواحد بالشمال << الا الغرب

محمد .. تقبل احترامي .. وبانتظار جديدك ..
دمت بخير

عودة
بعد البرب إللي من شوي
...........................................................
صراحة انا بعد موضوع هذا بروح افرفر على المجلس العام كله
وادور على إللي قالت ليتني اصير ولد>>ماتقصد نفسها

وينها هذي إللي ودها تصير ولد
وينها اهاوه عطوني عجرى خل الفعها
>>>>>>>>>>>>>>>>>>>>ياليل البثارة ياناس


برايفت
مشكلة لما تدخل البنت موضوع حق شباب وتحجز مكان وزحمة ثمن
تقراه وتلاقي الموضوع مايخصها وتقوم تتوهق في الرد
هع هع هع

على طاري الاحوال

والله العظيم ان بطاقتي باقي 4 سنوات تقريباَ وشايلن همها

لكن الحمدلله انا مطلعها من رماح ق1

يعني مابو زحمه

لكن بعد 4 سنوات مدري احس حقين الرياض بيهجون هناك

والشريطيه ماودي اتكلم عنهم

مر بس من قدامهم ينطب بوجهك شوي وتدعسه والثاني بيدخل مع الفتحه

واذا وقفت مثلاًََ (تستهبل ) مسوي تبي تبيع

يطلع اعذارها ويطلع بلاوي وهي مافيها الا العافيه

شكراَ لك

هلا وغلا جرح

منور يا صديقي

بصراحة اكره شي عندي بالحياة هو مراجعة الدوائر الحكومية
والله تطلع روحك من الروتين والتعقيد والتاخير والزحمة والقهر
انا ما ادري المعقبين وشلون يشتغلون الله يعينهم

ومن ناحية السيارة ترى احسن حل اذا جيت تشتري سيارة تاخذ وكالة
واذا اخذت مستعمل لا تستشير احد لان نص الشعبما عنده الا الدجة
وتلقاه يتفلسف عليك وهو من جنب القده

اهلن بك كتير اخوي محمد
ومنور المجلس يالغالي

دمتم برعاية الله ’’’

ياليل ابو لمبه..اسألني عن هالشريطيه..!
المشكله كل يوم اشطغهم بنفس الموتر
والي يأشر والي يرركض
والي يصارخ يابو منب بايع غصب
اذكر مره ماخذ جيب عمي
وشطفت من هناك..وقفت بأخليه يسوم
كروزر 2007 جي اكس
يوم وقفت قلت كم تسوم
قال تبيع بـ50 واضح جايه وجه..؟
ههههههههههههههههههههههههههههههههههههههه
وجه مين والناس نايمين..عاد عطيته جوه قلت وشلون دريت
بدأ يتفلسف وامشي واخليه
اجل جايها وجه..!
الحمد لله الأحوال انا ماعنيت منها ولله الحمد..!
لأن معي فيتامين..و..وأنتهت الحكايه..!
منور ياقلبي..ويسلمو ع موضوعك..!