|
..( الاحوال .. والمعارض ).. قسسسم اننا طيبين الله محييكم :ga: :smilie47: السلام عليكم ورحمة الله آآآآآهـ بس آآآآهـ << من حر ما يونس :d قبل لا انسى خل اطبع هالمقدمه اللي متعودين عليها .. وصارت يديني تحكني لازم اكتبها :d ولو امسك واحد واقول له سمَع مقدمة جرح قال لك .. مشتاق لكم :smilie47: :s2: لا لا جد والله مشتاق لكم :smilie47: وادري اني مقصر معاكم .. لكن ع ما يقولون التمس لـ اخوك العذر << ع = مثل بس متعيجز امسحها :d المهم انا انسان لعبت بي الدنيا .. وابشركم صرت كبير وصار يعتمد علي :d << والله من الوجه الفاهي .. فرحان انت ووجهك :cry: صرت اروح للمعارض وصرت اراجع دوائر حكوميه حتى الكوسه اجيبها جديدهـ وزينه :d عاد قلت يا ولد بشر الشباب :s2: وبس :wub: << تخيلوا هذا اهو الموضوع .. تتوقعون يرجع الفريق من قطر عشان موضوعي :d المهم المهم انا بتكلم عن كذا شي .. وفي الحقيقة هي حاجتين .. بس تعرفون الفكرة تسحب الفكره اخاف اوصل للموضوع وانا طاب في بطن الحاجة العاشرة << يا هيك اسلوب والا فلا :cry: الله قردني " ماخوذه من القرادهـ .. بس بلهجتنا .. لا احد يفكر في مصر :d " وصرت اروح لمعارض السيارات :cry: تروح تبي تبيع سيارتك .. يلعونوون ابو سعرها :cry: .. يقعد يعذرب لك فيها .. يمكن توصل معه ويقنعك تتبرع بها لـ إسرائيل حتى :s2: .. يا اخي عليهم اسلوب هـ الشريطيه موب صاحي .. لو سلموهم ملف فلسطين كان يفرقون السوم ويجيبونها لنا :s2: ما بين فترة وفترة صرت اروح اما لـ معارض النسيم والا الشفا :yes: .. صحيح ان معارض النسيم اطلق بـ 1000 مره من الشفا من ناحية الترتيب .. لكن سعييد اخو مبارك في هـ الشريطيه .. تبي تشتري سيارة واعجبتك بس سعرها غالي شوي .. تشتريها مجبور .. وتدري انهم صافقينها ع ظهرك " رافعين سعرها عليك لغير الناطقين بـ اللغه الشوارعيه " والعكس بعد بتبيع يلعب في مخك .. ولو تطول مع هـ الشريطي بيطلع لك عذروب في دقة عود ابو نورة اللي في مسجلك :d << هـ الفقرة لعيون واحد :d:naughty: :laugh: تروح للوكالات تبي تشتري سيارة جدييييدهـ :smilie47: مثلاً كابريس يقول لك بـ 84 الف كاش .. وتروح لـ مكتب البنك اللي عندهم يقول لك حول حسابك علينا واخليهم يحسبونها لك بـ 82 الف ..؟؟!! يعني للبنوك اوكي .. والا انت يالمواطن المسكين اللي مضحوك عليك في قريييح اشتريت والا بيجي مسكين مثلك ويشتري :cry: انتهينا من مسألة شراء السيارة .. بعد فترة خرب عليك شي في السيارة .. تروح لـ واحد من اخواننا العرب اما في صناعية العاصمه والا ام الحمام والا ام الورش " الصناعية القديمه " وخذ لك صلخ :cry: .. يووووهـ كم مره ابي اتعلم اركب السير حق الماكينه واطنش .. مشكلتي ان سير سيارتي كل فترة ينفك .. وكل مره اروح اركبه ـ 20 والا 30 ريال .. وش حللها لهم :cry: والا لا قدر الله صدمت بها .. وقالوا لك بنسويها لك بـ 1200 ريال ونرش لك البويه في الفرن .. ومدري ايش مواصفات المعجون ونلمعها لك .. واخر شي تحصلهم راشينها بويه اي كلام بلا فرن بلا خساير .. والا قطع الغيار .. نآآآر يا حبيبي نآآآر :cry: وما فيه الا صلخ :d نصيحتين اهديها لكم احبائي :smilie47: :d 1- تبي تشتري سيارة لا يهمك شكلها والا كلام الناس عنها .. انزل لمحلات قطع الغيار وشوف اسعار قطعها .. اذا نار انحش واذا اوكيه اوكيه تعال قول لي عشان السعي لي :d . 2- مخصص للشياب :d .. اذا تبي تحس انك شباب وانك توك صغييير .. لا تصبغ الشيب .. ولا تلبس ثوب قلابيات وتطق الجزمات البيض .. كل هذا شي وقتي ويروح .. لا يبه روح لـ المعارض واشتر لك سيارة بالسعر الفلاني .. وتعال للمجلس وقول لهم شريتها بـ 70 الف .. شوف الصياح اللي بيجيك .. ليش ضاحكين عليك ووو .. عاد انت تحس انك باقي بزر :d .. ومنها تكون استفدت انت ومنها هـ الشريطي استفاد .. وهذي اهي حركة الحياة :d . << يا شين التفلسف .. وش معنى حركة الحياة ..؟؟!! :d ..... آآآهـ ثم آآآهـ :cry: الاحوال المدنيه والله يا الاحوال المدنيه بالرياض صايرة مثل احوالها الجويه .. كل يومين تقلبات واللي يقهرني اليوم ان صحفي جاي يسوي لقاءات مع المراجعين .. وخذ من هـ التميلح :mad: اللي يقول انسيابيه واللي يقول تنظيم واللي يقول مريحيننا :mad: .. وهو من الساعه 7 الصباح ينتظرهم يفتحون .. ويروح ينطق وياخذ له رقم .. ثم ينتظر هـ الـ 300 اللي قدامك مع انك يوم توقف عند الباب ما معك الا 20 شخص :d من وين جوا هـ الـ 280 واحد :d بعدها ينطلونك في الباصات اللي تحوم الكبد في وسط هـ الحر .. :yes: .. المشكله تروح مرسم تقول رايح لـ زواج اخوك .. واخرتها تصور وانت فمك مزبد .. والشماغ معدوم والسبب .. جو الرياض :smilie47: لا فيه ناس قالوا لهم تعالوا بعد 4 ايام تصورون .. ثم كلكم انتظروا 14 يوم وتعال استلم بطاقتك :d لا بعد انا من زين هـ الحلايا :d رايح وباقي ع انتهاء بطاقتي سنتين :d وفاتح كشرتي 10 بوصه .. الا ويطردوني :d يقولون روح جيب خطاب يا من الجوازات والا المرور .. انك بتصدر رخصة جديده والا جواز جديد .. والله مير اروح لهم واتلاعب عليهم ويعطوني الخطاب وانا اضحك عليهم :d يعني وشو له هـ المشوار .. اذا تعرفون ان دله تعطيك خطاب بدون ما يشييك ع اسمك معاك رخصه والا لا :d << سامحيني يا حكومتي لقد اخذت خطاب من المرور اني بطلع رخصه .. وانا منب مطلع :cry: << يآآآهـ انا خاين :cry: << يآآهـ الشعب بيروح يتعشى في برج جسر الملك فهد ويرجع << لا احد يفهم غغلط :rose: ودي اسب بعد :s2::smilie47: ايه نسينا حق الخضار .. والله يا عامل المسجد صار يتفنن في الطبخ .. تصدقون وزنه زاد 12 كيلوا والسبب انا .. يقولون جيب 2 كيلو باميه اروح اجيب 4 كيلو .. وهييك :s2: وتصدقون اني جوعان وانا اكتب هـ الموضوع << مو كانه واحد يحاول يملى ورقة الاختبار بـ اي شي وهو يعرف ان الدكتور موب قاري شي بس ع الاسم << دقه 2 في 1 اللي يفهمها له مني جائزة :d وبس :smilie47: ## في بعض الاحيان تشوف اشياء تعتبرها انت غلط .. وهي فعلاً غلط .. لكن فيه ناس تستفيد من هـ الاخطاء وتكسب منها .. واقرب مثال شركات الاجره وقرار وقفهم ..؟! # ظهرت اكثر من حمله اولها كان على شركة الاتصالات .. قالوا منب مكلمين .. بعدها قالوا قاطعوا السيارات .. عاد كيف قامت مقاطعة السيارات ..؟؟ بـ رسايل الجوال وفلان يدق ع فلان .. الا وفـ الاخير الشعب مدبل ارباح الاتصالات :s2: شعبنا حبييييب وما عنده صمله :wub: :ga: :smilie47: ## اعتذر للي ارسلوا لي وانا ما رديت عليهم لـ ظروف خارجة عن الارادهـ << اوخس يآ :smilie47: في امان الله :smilie47: |
الله مير يحييك .. وهلا بك أخوي منور المجلس :rose: يعني تعرف الي من زمان ما كتب موضوع ومن جد نفسه يكتب وما يخلي بنفسه شيء قام حط لك 3 في 1 :s2: بس ماشاءالله .. انسابية وتنظيم رائع :razz: عاد ع طاري السيارات ذكرتني أن سيارة الجامعة خربت :cry: موب وقتها ع الدراسة تخرب والمكيف والحوسة :cry: طيب وش اسمه .. موضوعك رائع أنا أحب اقرأ اشياء مثل كذا :d خصوصاً لا صارت بالعامي ونص الكلام ما افهمه :s5s: ترى والله أنبسط :wub: :s2: الله يعطيك العافية :rose: |
واخيييييييييييييييييييييييييييراً :s2: بقرى وبرجع :wub: هذا مكاني :wub: .. وش ذا :to: متنحهـ أتنح شيء بالحياة :s5s: اعتقد ان هالسوالف اكثر شيء للعيال :d الشرطيهـ بالسيارات وش وظيفتهم ..؟ يمكن لي باكـ بعد ما افتح زين بكرى :ap::s2: |
والله انك صادق معارض السيارات والشريطية ولسآنهم المعسووول >> خخخ أمحق .. بس الله حق يفرون مخك فر لا والاحوال المدنية ووآآووتش يا شينهآ من زحمه .. ووش بعد ايه الرز آرتفع :(:(:(:( تصملون نقآطعهم ويآزين المكرونه بالبشامل .. :) |
أول شئ الحمد لله على السلامة ثانياً المعارض إسمها معارض المنار و ليس النسيم < الأخ ساكن بالمنار :d صحيح ما بينهم إلا شارع لكن معليش فرق السماء عن الأرض :d ثالثاً إذا جيت للمعارض دق علي أقهويك و أطلع معك أعلمك الشريطية واحد واحد ^ حافظ أشكالهم :d بعدين مفروض تكون نبيه و تفرق بين الشريطية و الناس الجادين لأن الشريطية نصابين يجيك فاضي لا شغل و لا مشغلة يجلس يطقطق على الدلوخ الفاهين الجزء الثاني :d أولاً: قلق الأحوال اللي تشوفه ذا كله بسبب مزورين البطحاء و بس |
هلا وغلا ابو مشاري وش اخبارك يابعدي قسم اني مشتاقلك كثير وودي بشوفتك مع زين العلوم :) إقتباس:
من عقبنا متغير وصاير تنكت لايكون صرت تجلس مع الهزاع بس :s2::smilie47: الشريطيه والله اغلبهم مافيه ذمم :) الله يهديهم وصارلي كذا قصه معهم والله شئ يقهر صراحه .. لذلك مستحيل اشتري سياره من معرض مهما كانت .. يا اشتري شئ جديد او من شخص اعرفه واعرف حال السياره اما معرض مستحيل .. اييييه يالرياض سبحان من كرهني فيها وبزحمتها بس احب اهلها :smilie47: ما راح اناقشكم بديرتكم انتم حر فيها ومانتوا ملزومين اذهبوا لديرة ثانيه اذا ماجازلكم وضعه :s2: يازين عيشة القرى لا رحت تراجع دائره ماتلقى احد قدامك ولا وراك تقول مافيه الا انت عايش فيها :d اي صح واحد يعطيني خلطه سريه للانسجام مع زحمة الرياض وقلقه ابعطيه اللي يبي :s2: اجل مشتاق يابعدي ؟ حنا اكثر يابومشاري بالشوقs13s نتمنى ماتقطع عنا ونشوفك كثير هنا وهناك اكثر :rose: احترامي لك :smilie47: |
غافل الهم قلبي :s4s: :s2: :smilie47: بس صوتك يالوح مخرب على جو ام الاغنية هههههههههههههههههه !! :s2: بخصوص الاحوال , انا مطلع بطاقة احوال جديدة قبل شهر , بس مو مثل ماتقول زحمة و300 شخص .. يالبيه الخبر كل شئ فيها سريع سريع !! وطلعت تصريح عشان البحرين :s4s: :yes: :s2: الله يعينكم يا اهل الرياض ولاتنسى اسمع اغنية ياغايبة " وربي اغنية الييييمة " :smilie47::smilie47::smilie47: فمان الله |
أولاً يا مطول الغيبه و ينكـ ؟ تو المجلس منور يا الغلا من ناحيه اسلوبكـ أهنيكـ عليه صراحه لتميزه بالفكاهه الكتابه الي تجذبنــا للقراءهـ و بالنسبه لمواضيعكـ العديدهـ الي تطرقت عليهـا : - السيارهـ و المعارض: أنــا أشوف اذا كان الواحد مقتدر أو مفلس ((كل واحد يمد رجليه على قد لحافه)) و بالنسبه للقطع فأنــا أشوف انكـ محق ,لازم الواحد يشوف أسعارهــا قبل لا يشتري - الأحوال المدنيه : يا قلب لا تحزن بس............ لا و مثل ما قلت على الحجز ماشين تقول اني طالبهم قرض !!!!!!!!!! أخيراً تحيآآآآآتي لكـ و لا تقطعنــا يا الغلا عادل |
:s5s::s5s: نعنبوا بليسك مذاب موضوع تقل صبه كل شي عندك حاطه فيذا زين ماصورت لنا عمليتك ونزلتها فيذا:s4s: اول شي بالنسبه لشريطيه بحكم اني بنت مااعرفهم:s2:بس كل واحد يبحث عن مصدر رزقه وبعدين تبغى نصيحتي دامك من سكان الرياض وقف سيارتك ع جنب واشترلك سيكل وريح عمرك على هالزحمات قسما قسمات كرهت الطلعه والسبب الرياض وسيارتها وهواء السيارات المخيس الي يكتم الصدر<<طلعت من موضعك ادري وش بتسوي يعني:s3s: وبالنسبه للاحوال وماادراك ما الاحوال ياحظكم انتم رجال تعال ادخل عند الحريم شوف البلاوي:ranting: انا عندي استفسار وش صله القرابه بين الانثى والتونه:s5s: اي مكان فيه دوام نسائي اعرف انك بتشوف علب تونه وشطه:s2: انتهى تعال بقولك سر في اذنك انا الي سئلتك بالformspringتعرف ترقص باليه:s3s:وراك تحاكيني على اني ولد مايبين لك من انا ؟يعني اخذ راحتي عند كل واحد فيكم وأطلع اشاعات عليكم:naughty: تحياتي |
وعليكم السلام ورحمة الله وبركاته .. اهلاً وسهلاً فيك محمد .. عوداً حميداً .. احس شكلك فآضي .. ودك تسولف .. والا كلها فضفضه :d . . طبعاً مابزيد شي ع كلامك ..والمشكله لو تمر لم المعارض باقي شوي ويوقفونك وياخذون المفتاح :s5s: , من تمر بجنبهم يأشرون لك ويصارخون ويسومون وانا اطلع مع الدريشه والله والله ماني بايع :s2: .. ع فكره .. الشريطيه مو بعدين من اهل العقارات :s5s: واحد من اكبر رجال العقارات بالحي , يقول 80% من العقار كذب وكلام s121s اما عن الاحوال .. فعلاً زحمات وقلق , والحل هو فتح 3 فروع بالرياض .. بحيث واحد يكون بالجنوب :smilie47: وواحد بالشرق وواحد بالشمال << الا الغرب :s4s: محمد .. تقبل احترامي .. وبانتظار جديدك .. دمت بخير |
عودة بعد البرب إللي من شوي:s2: ........................................................... صراحة انا بعد موضوع هذا بروح افرفر على المجلس العام كله وادور على إللي قالت ليتني اصير ولد>>ماتقصد نفسه:dا وينها هذي إللي ودها تصير ولد وينها اهاوه عطوني عجرى خل الفعها >>>>>>>>>>>>>>>>>>>>ياليل البثارة ياناس :s2: برايفت:ranting: مشكلة لما تدخل البنت:wub: موضوع حق شبابs121s وتحجز مكان وزحمة ثمن تقراه وتلاقي الموضوع مايخصها:to: وتقوم تتوهق في الرد:s3s: هع هع هع:naughty: |
هلا والله محمد :ba1: ماخفيييك إني مبطي عن معارض السيارات وبحياتي ماخشيتها إلا مرتين يمكن فما لي بالشريطية بس عندنا واحد من الجيران شريطي وصاحب معرض ماخلى موتر من مواتر الجيران ماشراه وفي رواية يقولون إنه عيان :s2: يعني ياتبيع له بالسعر اللي هو يبيه وإلا تحمل اللي بيجيك أنت وموترك :s5s: اما الأحوال قبل شهر تقريباً كنت فيها ابسحب برنت وتفاجئت بغلط بأسم الوالدة وخذلك مرمطة عشان التعديل واللي يقهر ذولاك اللي بالأرشيف والله ياعليهم مكاتب تبط التسبد يعني ليييه الأرشيف دايم مكاتبهم وصخة تحس إنك قاعد تراجع بزبالة الله يكرمك .. حتى إني شفت مكتوب على الجدار اللي عند مكتب مدير القسم (امشي على كف القدر ولاندري عن المكتوب :s2: ) هذا غيير الزحمة والقلق والتميلح بمجرد ماتلمح طرف عباة s121s:d المفروض بالرياض يكون للأحوال فروع أخرى يعني مو معقولة فرع واااحد انا للحين بطاقتي قديييمة وشهبت وشكلي يجيب الهم فيها :to: والله استحي اطلعها لاصار تفتيش وطلبها مني المرور ياشيخ بيتهموني بقضية إنتحال شخصية :s2: محد مصدق إن هالبرىء انا :wub: دووك يامحمد :ba1: نشوفك على خير :ba1: |
على طاري الاحوال والله العظيم ان بطاقتي باقي 4 سنوات تقريباَ وشايلن همها لكن الحمدلله انا مطلعها من رماح ق1 يعني مابو زحمه لكن بعد 4 سنوات مدري احس حقين الرياض بيهجون هناك :D والشريطيه ماودي اتكلم عنهم مر بس من قدامهم ينطب بوجهك شوي وتدعسه والثاني بيدخل مع الفتحه واذا وقفت مثلاًََ (تستهبل ) مسوي تبي تبيع يطلع اعذارها ويطلع بلاوي وهي مافيها الا العافيه شكراَ لك :D |
هلا وغلا جرح :smilie47: منور يا صديقي :rose: بصراحة اكره شي عندي بالحياة هو مراجعة الدوائر الحكومية :s3s: والله تطلع روحك من الروتين والتعقيد والتاخير والزحمة والقهر :to: انا ما ادري المعقبين وشلون يشتغلون الله يعينهم :yes: ومن ناحية السيارة ترى احسن حل اذا جيت تشتري سيارة تاخذ وكالة واذا اخذت مستعمل لا تستشير احد لان نص الشعبما عنده الا الدجة وتلقاه يتفلسف عليك وهو من جنب القده :razz: اهلن بك كتير اخوي محمد :smilie47: ومنور المجلس يالغالي :smilie47: دمتم برعاية الله ’’’ |
ياليل ابو لمبه..اسألني عن هالشريطيه..! المشكله كل يوم اشطغهم بنفس الموتر والي يأشر والي يرركض والي يصارخ يابو منب بايع غصب اذكر مره ماخذ جيب عمي وشطفت من هناك..وقفت بأخليه يسوم كروزر 2007 جي اكس يوم وقفت قلت كم تسوم قال تبيع بـ50 واضح جايه وجه..؟ ههههههههههههههههههههههههههههههههههههههه وجه مين والناس نايمين..عاد عطيته جوه قلت وشلون دريت بدأ يتفلسف وامشي واخليه اجل جايها وجه..! الحمد لله الأحوال انا ماعنيت منها ولله الحمد..! لأن معي فيتامين..و..وأنتهت الحكايه..! منور ياقلبي..ويسلمو ع موضوعك..! |
| الوقت المعتمد في المنتدى بتوقيت جرينتش +3.
الوقت الان » 05:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd