السلآم عليكم ورحمة الله وبركاته


كيف حال الزعماء المغتربين بس ..

هنا موضوع فيه فائدة للشباب المغتربين , وبنات هالايام اللي يسمعون بالطبخ

الموضوع والسالفة وما فيها إن كل واحد يدخل يسدح لنا طبخه من طبخاته الخونفوشاريه

لتعم الفائدة على الجميع ..


ويعطيكم العافية مقدماً ..

والله يعطيك العافية اخوي

ولك الشكر بطة ع الرابط

الانــــــــــد ومـــــــــــــي

طبعا الكبسه ما يبيلها من الوجبات الاساسيه ما يبيلها

في شي ثاني دايم اسويه اللي هو تشتري جنحان دجاج او اي نوع من الدجاج يعجبك

حط زيت بصاجه وحمر شوية بصل عليه وبعدين حط الطماط وبعدها بشوي حط الدجاج وحط فوقه اي نوع من الصوص يعجبك واصبر عليها شويتين الين ما تستوي وكلها مع الكاتشب والشطه ان كنت من هواتهما << متعوب عليها ^ـ*

طبعا فيه البيض والهادوق و البيقل << تشتري نوع من العيش يسمونه عندنا بكندا بيقل ومع اللبنة وتصخنه بالمايكرويف وقبل ما تروح الجامعه تاكله مع الشاهي << بس طبعا اذا كنت من محبي القهوة والسكريه الصبح ماراح تستغني عنهها ^.^

والاندومي طبعا مالنا غنا عنها

وفيه الباميا والمولوخيه والحركات هذي بس عساها بالاسبووع او الاسبوعين مره

يعطيك العافيه حبيبي

انا اسمع بالطبخ
والله حالتي حاله كراتين البيتزا ماليه البيت كل اسبوع اشيلها
طبعا هذي البيتزا بس غير البرقر والفله هذي
يعني اكلي كله من برا ماعرف اطبخ ولا شي ولا لي خلق اصلا اني اتعلم
لاني اذا جعت اروح فيها
او اذا خربتها شريت من السوبر ماركت اشياء جاهزه اسخنها واكلها

هههههههههههههههههههههههههه
الله يعينكم بس

يمدحووووووووووووون المطأإأإعــــــــــــــــم

اشوووى اني ساكن بمنطقة كلها مطاعم تحت الشقة على طول

ونصيحهـ لاتجرب كانك ماعندك سالفة بالطبخ مثلي لاني مره سويت نفسي فنان وقلت بطبخ طلعت اكله خطيرررره من فوق ماستوت ومن تحت محترقه ههههههههههههههههههههه

يعطيك العافية بالتووووفيق ..

اممممممم

يابختك طحت على طباخه .. ههع <<<<< من جنبهااا .. بس ولا يهمك نجبلك طبخاااات تنست نفسك ونت تصلحهاااا ..



امممممممممم ..

طيب بشوف وشهو الي عندي وبرجعلك ..

ايه رجعت لك ..

شوف .. عارفه انكم ما عندكم سالفه .. بطبخات سنعه .. ههع

جبتلك الحين حشوه تحشيها ساندوتش .. او تست .. وانا امدحلك ايااااه .. ههع

وجايبه بعد صور وش تبي بعد ..

بس انا قدجربتها من منتدى .. بس لذيذه .. تذكرك باجواء المملكه .. والمطاعم والشوارع والدنيااا ..
وزحمت الصبااااح ....





لو تلاحض بصوره حاشيتها بفطاير .. بس صعبه عليك تسويها بفطاير .. الصامولي وتست يمدحونه .. او خبز مفرود ههع..

المقادير ..

دجاج .. بصله .. ثوم ..فلفل رومي (الكبير ).. وحبت بطاطس .. وحبت كوسه ..

الطريقه ..

حط الدجاجه بقدر وحط عليه مويه وخليه الين ينسلق الدجاج .. وحط عليه ملعقة ملح ومكعب ماجي .. اوكي ..

وقطع البطاطس والكوسه .. قطع صغيره .. وحطها بقدر وغطيها بلمويه وخليها تغلي ..اوكي ..

وبعدين .. اذا خلصت الدجاجه .. طلعها من مرقتها .. ونتفها تفنتيف .. يعني افصل الحم عن العظم .. واسهلك لو تجيب الدجاج الي بدون عظم .. يجيك صدور دجاج جاهزه .. عرفت اشلووون ..

بعدها .. قطع البصل وحطه ع النار مع اشويت زيت .. الين يحمر .. وحط عليه الفلفل الرومي بعد ما تقطعه قطع صغيره ..
وبعدين تضيف عليه الدجاج ..(طبعا يكون الي قطعته ) .. والكوسه والبطاطس الي سلقتها ( بعد التصفيه من المويه ) اضيفها عليها .. واضيف عليها صلصة الطماط ( المعجون الجاهز )..
وحط عليها ملح وفلفل اسود .. وخليها الين تستوي زين ..

وبلاخير يسير شكلها كذاا ..
7
7
7


7


وبعدين عاد .. احشيها بلخبز الي انت تبيه ..

وحبذا لو اضفت عليها المجموعه الرائعه التاليه .
7
7
7
7




واتمنا انها تعجبكم .. وتدعولي .. وبلهنا والشفاء..

تحياتي ..

يعطيكم ألف عآآآآآآآآآآآآآآآآآآآآآآآآآآآآفية

بصراحه موضوع لازم نستفيد منه
بالنسبه لي انا من اول ما جيت ما خليت مطعم ولكن الفتره الاخيره قمت اطبخ
والحمد لله عندي خبره عريضه في هالمجال

طبعا غير طبخ الفول والعدس والشكشوكه والمقلقل والكبده
فيه الكبسة العاديه والمضغوط والبرياني الهندي
فيه المكرونه الاسباجيتي والباستا

اذكر اني صورت اول مره طبخت عشان اثبت لشخص ما كان مصدق
بس الصور ما تناسب احطها هنا عشان تبين لكن ان شاء الله بكره بنسوي مضغوط
وباصور لكم صور مناسبه


بصراحه احس وزني زاد من بعد ما صرت اطبخ