موضوع رايق يابعدي

لي عودة

مساء الورد

= موضوع إن أوقات نأخذ دروس من اللي أصغر منا تصير مع الكل ,,

عادي حبيتي مافيها شيء ياما كطالبات أعطينا دروس وحكم لدكتورات بالجامعة >
بعضهم تعلم وبعضهم مازال قيد التعلم

ومثال ثاني: المجلس العام
كثير اقرأ مواضيع لعضو أو رد يعجبني اتفاجأ بعد فترة إن العضو صغنون مره ,,
هذه الحياة نفيد ونستفيد والشاطر مين يتعلم ,,

بس أنا ماأشوف إن البنت اللي تكلمتي عنها سوت شيء وااااو

= سالفة الدراسة سهلة أوصعبه :
دوم أقولها مافي شيء اسمه هذا التخصص سهل من إلى أو العكس ,,
ونفس الشيء ينطبق على الدراسة بالمدن كل مكان وله إيجابياته وسلبياته له خيره وشره

مثلاً : كثير يسألوني عن تخصصي صعب صح ؟
اش تبيني أرد عليهم بالله هذا سؤال يسألونه ؟؟
وقتها أقول في مواد سهلة وفي العكس ,,
كيف تبيني أقيم فوق الـ 40 مادة وأكثررررر بكلمة سهل او صعب ,,
فهمتي علي ,,
صعب تقيمين مجموعه مواد بكلمة ,,

= اتفق معاها بموضوع الانجليزي فقط أما بقية لا ,,

= كلمتها :إذا درست هنا فلن أُصبح شيئاً !!

>> لأن مرسله رسائل سلبية لدماغها إنها لن تصبح شيئاً فطبيعي لن تصبح شيئاً ,,
>> الشخص هو اللي يقدر يحكم على نفسه مو المواد اللي تحكم عليه !!

>> إذا هي ماراح تصبح شيء أنا الحمد لله أشوف فيني العكس
مو غرور بقدر احترام لذاتي واللي وصلت له ,,
يكفي أقول الجامعة نقطة تحول بحياتي تغيرت فيني أشياء كثير للأفضل
الفضل يرجع بعد الله للجامعة وللمواد اللي درستها واللي في من يسبها مواد الجامعة
بالنسبة لي استفدت كثير من موادي بحياتي ,,
لأن حاطة ببالي اذاكر مو عشان بس درجات عشان أوسع مداركي عشان استفيد ,,
الخلاصة : اللي راسم لنفسه أهداف بيوصلها بس اللي يرمي بلاه على مواد وعلى غيره أنسي إنه يكمل المشوار ,,

= أما تعليقها عالطالبات :
1-التغير : مطلوب بحدود المعقول والواحد يحط بباله المكان اللي رايح له مكان علم
والسبب بالتغير بين فترة وفترة يعكس على نفسيتك ,,
ماله داعي الواحد يعلق على ستايل واحد بيكون فيه ملل لك وحتى للي حولك ,,

2- المريول: الله من القحرطة الحين ماعندها إلا مريول واحد تراه مو غالي ,,
يعني تلبسه من دون ماتغسله ولاكيف ؟؟؟
2- تصفيف الشوشة : بالمدرسة وبالجامعة ماأشوف إن البنات يسوا شيء مره أوفر إما لم الشعر واحد ولا فلوه أو جل خفيف عالشعر ,,
أجل تبيني أعلق على حركة وحده ؟؟
إذا مااهتميت بنفس إلحين متى اهتم لما يصك عمري الـ 60 ؟؟
أما البويات والسبايكي حقهم خليهم على جنب لأنهم مو محسوبين من الإناث هع ,,


بالنهاية أقول :
في امور صح تقهر عندنا
بس اللي علقت عليه خرطي ماعدى الانجليزي ومو كل الدول كمان ,,

شكر لك عقودة ,,
بطلة