[c]بسم الله الرحمن الرحيم

السلام عليكم ورحمة الله وبركاته..

أخواني أعضاء منتديات شبكة الزعيم..كما عودناكم في المرات السابقة في استضافة عضو من أعضاء الشبكة .. ويكون الاختيار حسب تميز العضو أو مكانته أو موقعه في الشبكة..

واليوم يتجدد لقائنا بكم عبر منتداكم العام وبصحبتنا ضيف عزيز.. محبوب من الجميع عرفه الجميع بمشاركاته الكبيرة احبهم فاحبوه ,,,,, له العديد من المشاركات المميزه والمفيدة لا يتورع بالمشاركة بالردود على جميع مواضيع اخوانه الاعضاء وهو دائم التواصل معهم ومع المنتدى العام .
لا نريد الإطالة عليكم في المقدمة فـ ضيفنا لا يحتاج منا الى تعريف ، نترككم مع ضيفكم لهذا الاسبوع لتلقى اسئلتكم نترككم مع (( ســـــ SMN2002 ـليمان ))

بعض المعلمومات عن ضيفنا لهذا الاسبوع .. [/c]

إقتباس [c]ســـــ SMN2002 ـليمان محرر في المنتدى تاريخ التسجيل » 04/12/2001 البلد » 1231 كلم عن الرياض عاد اعرفوها ؟ اكيد ماتبي عرف هذي والله من ديار الشمال مجموع المشاركات » 1574 [/c]

دعوتنا بالتوفيق للأخ الغالي ســـــ SMN2002 ـليمان
...

@ ملاحظة : للضيف الحق في عدم الإجابة عن أي سؤال يراه غير مناسب .

هلا اخوي سليمان
س1 / من هم الاعضاء المميزين لديك من اعضاء المنتدى ؟ ياليت تعددهم مع السبب ؟
س2 / لديك ثلاث باقات ورد لمن تهدي هذه الباقات ؟

س3 / فرضا قالوا ان شبكه الزعيم راح تلغى اكتب كلمه اخيره لها ؟

س4/لو دخلت يوم للمنتدى ولقيت موضوع يطالب فيه الكاتب بابعادك ويؤيده الأعضاء ..ماهي ردة فعلك؟! ولو طلعت وش المنتدى اللي تروح له؟

س5/احد مواضيعك الرائعة والتي لا تزال صدى حروفه في نفسك ؟؟

س6/ماذا تقول لكل اعضاء منتدى شبكة الزعيم وماذا تريد منهم ؟؟



وشكرا لك
وعسى مااتعبناك

هلا وغلا اخوي سليمان ...

والف شكر لإشراف المجلس العام لأختيارهم العضو الغالي سليمان ...

عندي كم (( كوشن )) واتمنى (( الأسنر )) عليها ...

(( الكوشن )) الاول :
اخوي سليمان نلاحظ تكرار الحروووووف عند كتابتك و ردك ... هل لنا ان نعرف سبب تكراااااار الحرووووف ...

(( الكوشن )) الثاني :
البلد : 1231 كلم عن الرياض عاد اعرفوها ؟ اكيد ماتبي عرف هذي والله من ديار الشمال ؟؟؟
وش سبب ذكرك لعدد الكيلومترات في مكان البلد وإلا توضح انك مدرس رياضيات او مدرس جغرافيا ..؟؟

(( الكوشن )) الثالث :
فزت بجائزه لرحله الى الشمس وقالوا لازم تأخذ معك واحد من الاعضاء ياليت نعرف سعيد الحظ اللى راح تشيله معك ...؟؟؟

(( الكوشن )) الرابع :
سبب تغيرك لأسمك مع ذكر المساعده التي تلقيتها من المشرفين ...؟؟؟

(( الكوشن )) الخامس :
وش رايك في الاعضاء المذكوين تحت :
7
77
777
7777
77777
777777
7777777

سهل 888 , البارق ، الغانم ، حبي تيماوي ،القلب الازرق ...
مع اعتذارى للاخوه الاعضاء الباقين ...

(( الكوشن )) الخامس والاخير :
كلمه الصداقه تحمل العديد من المعاني ،،، ياليت تذكر لنا اربع كلمات تحتوي على معناها بشرط كل كلمه اربعة حروووووووف ...

والف شكر اخوي سليمان واتمنى لك التوفيق ...

ولك التحايا ...;)

ياالله المعين

اشكرك جميع مشرفي المنتدى العااااام على اختيااااارهم لي كااااضيف في منتدى المجلس العام

والعزيز على قلبي والذي من خلاله تعرفت على شبااااااب يعتز اي انساااان ويفتخر بمعرفتهم


يااااشبااااااب تكفووووووون ارحموناااااا كل ضيف انااااا سألته

اساااااااله اربع الى خمس

واخيرا سوف تكون هذه الاستضااااافه اخر شيء لي في هااااالمنتدى(ختااااامه مسك)

وراااح ان شاء الله نلتقي في رمضااااان وزي مااااتعرفوون الميداني يبي جهد وتعب

والله اتعبووووووني الطلاب وماااا صااار لي اسبوعين

واتمنى ان اكووون ضيف خفيف عليكم<<<<<والله يااااويلك من الاسئله

واستروا على ماااا وجهتوا


وتقبلوا تحياااتي اخوكم

سليماااان00000000 راح تشوفون الاسم بااااالكاااامل اشترك لان وتمتع بكاااامل برامجنااا

أخوي سليمان خذ الأسئله وأن شاء الله تكون خفيفه عليك
***********************************************
س1 :. البطــــــــاقه الشخصيه ؟ العمر . الأسم . الوظيفه . ؟
س2:. الحـــــــــــــاله الأجتماعيه ؟
س3:. طبعا أخوي أنت من عشاق نادي الهلال الزعيم أذا من هو فريقك المفضل عالمياً ؟
س4 :. من هو الاعب الهلالي الذي تميل أليه . الاعب العالمي الذي تميل أليه ؟
************************************************
************************************************
س5 :. أجمل بيت شعر سمعته ماهو . أجمل حكمه ؟
س6:. لو قالو ستضع شبكة الزعيم جائزه كبرى ويسمى العضو الفائز بالجائزه العضو الذهبي والأدارة أتاحت لك الرأي بأختياره فمن سيكـــــــــــــــــــون ؟ ولمــــــــــــــــاذا ؟





وتقبل تحياتي
أخوك
عمر العياضي

هلا والله بصمت العيون

السعال الصفر يقول من انت يعني بطاقة الاحوال ودفتر العائله واذا ما عندك دفتر عائله جب حق السواق

الاسم على حسب بطاااقة الاحوال:سليمان بن حامد بن عرنوس الدغماني الرويلى
العمر: 24سنه واربعة اشهر واربعة اياااام واربع دقااايق <<كل شيء عندي اربعه
الحاله الاجتماعيه:اعزب ويفكر بالزوج
مكان الميلاد: وانت مااااشي على طريق عرعر_رفحاء تلقى لوحه على يدك اليمين وانت رايح لرفحاء
مكتوب عليه زهوه على بعد 100 كم <<<هذي مسقط راسي على حسب الروايات
الوظيفه:معلم تحت التمرين<<<<يعني ميداني

وشرايك صريح لابعد الحدود <<<بس لاتسالوني عن اسم امي!!!!!!!!

السعال الاول انت تسال هذا السؤال دائما ولا واحد حله ,,اكيد انك تعرف الجواب
1 +1 لايساوي الاثنيين <=-=-=-=اذا جاوبت عليه تنتهي عقدتي من هذا السؤال

هههههههههه سر المهنه احسن خلك متعقد لا تعود تسرق سؤالي

السعال الثاني توهقت وحطوك رئيس لنادي الهلال ما هو اول قرار تنفذه؟!!
احطك النائب ههههه
اعطي المدرب حرية التصرف واضع محااااامي للدافع عن الزعيم

السعال الثالث قدر الله واني دعست وحده من بنات افكارك وش تزين فيني
بنااااات افكااري براسي وشلوووون تدعسهااااااا

السعال الثالث اسمع انك مربي اجيال يعني مدرس وش تدرس

ادرس رياااااااضيااااات

السعال الرابع والعشرون يقول موقف حصل لك بغت تصيح منه وموقف اخر فطس منه ضحك
الموقف المبكي :يوم شفت عمي وهو يبكي يوم وفاااة ابوي وعمي عمره متجاااوز85سنه الله يطول بعمره والله كاان يبكي مثل الطفل الصغير اللي فقد امه

الموقف المضحك: هذا يوم كنت باول ابتدائي وزي ماااتعرف اخوي الكبير هو اللي يشترلي
من المقصف وعلى هالحااال لكن فيه يوم تأخرت وهو اكل السندويش حقه ولا اشبعته فااااا اكل
فلافل سندويشتي وخلى لي الخبزه وزي مااتعرف كنت جعيااااان وهو وجه اكل فلافلي وش ابغى
بالسندويش واقوووم الحقه من مكاااان واناااا اصقعه بهكاااا الحجر على راسه مااااار
هو من صيد امس==> يعني منصرع بس اشوي ماااشكا المدير
ومن ذاك اليوم وهو حتى لو اقوله كلهاا ماااا يأكله <<<من زمااااان وانا قوي

السعال الخامس والثلاثون يكثر في المنتدى شيون من احلى شين

اكيد من غيره ابو التماااااسيح حبيب البي

السعال السادس والخمسون يقول ماذا يعني لك كل من هؤلاء وبصراحه تامه
شبكة الزعيم:بيتي الثاااااني والاوكسجين والماء بالنسبه لي في الانترنت
نادي الزعيم: منذ الضغر واناااااا اعشقه
والمقاول ابو الذهب : كل مااااا يلمع ليس ذهبااااا <<<<انساااان اعتز واتشرف بعرفته
صمت العيون: اخ وحبيب لي في شبكتنا الغاليه

راجعين لكم فاااااصل اعلاني

هلاوالله باخوي الجنرال فيصل

س1 / من هم الاعضاء المميزين لديك من اعضاء المنتدى ؟ ياليت تعددهم مع السبب ؟

هو فيه احد قدر يعد النجوم اخوي والله ثم والله اعضاء منتدانااااا متميزين وهم سبب تميز شبكتنا
الغاليه عن باقي المنتديات

س2 / لديك ثلاث باقات ورد لمن تهدي هذه الباقات ؟
اول وحده لادارة شبكة الزعيم
وثاني وحده لمشرفي المنتديااااات
وثالث وحده للاعضاء شبكتنا
س3 / فرضا قالوا ان شبكه الزعيم راح تلغى اكتب كلمه اخيره لها ؟
سوف تكون نهاية التميز والابداع وسأغلق جهاااازي لان شبكة الزعيم هي علاقتي بالانترنت

س4/لو دخلت يوم للمنتدى ولقيت موضوع يطالب فيه الكاتب بابعادك ويؤيده الأعضاء ..ماهي ردة فعلك؟! ولو طلعت وش المنتدى اللي تروح له؟
اتقبله بكل روح اذاكاااان هناااااك سبب واحد للابعاد مأظن لقى منتدى غير منتدى الزعيم
س5/احد مواضيعك الرائعة والتي لا تزال صدى حروفه في نفسك ؟؟
الاذان في شبكة الزعيم هل يكون التميزالقادم من هذه الشبكه!!!
اعتقد هذا افضل موضوع لي في شبكة الزعيم
س6/ماذا تقول لكل اعضاء منتدى شبكة الزعيم وماذا تريد منهم ؟؟
انتم سر تميز هذه الشبكه
واريد منهم ان يبتعدوا قدر الامكان عن المواضيع المنقوله
======================================================
هلا والله باااااخوي عارف الهلالي

اخوي سليمان نلاحظ تكرار الحروووووف عند كتابتك و ردك ... هل لنا ان نعرف سبب تكراااااار الحرووووف ...
ثقل بيدي يعني يااااااصااارت اصباااعي على حرف اخذ وقت علشان اشيلها
البلد : 1231 كلم عن الرياض عاد اعرفوها ؟ اكيد ماتبي عرف هذي والله من ديار الشمال ؟؟؟ وش سبب ذكرك لعدد الكيلومترات في مكان البلد وإلا توضح انك مدرس رياضيات او مدرس جغرافيا ..؟؟

لان سكاكا تبعد عن الرياض المسافة هذي وبعدين اناااا مدرس رياضيات
فزت بجائزه لرحله الى الشمس وقالوا لازم تأخذ معك واحد من الاعضاء ياليت نعرف سعيد الحظ اللى راح تشيله معك ...؟؟؟
اخذ جاج علشاااان اكويه بحرارة الشمس كثر ماااااكوى خلق الله
سبب تغيرك لأسمك مع ذكر المساعده التي تلقيتها من المشرفين ...؟؟؟
لانه كاااان بالانجليزي واناااااا قااااطعت الانجليزي
علشااان يكون اسمي على حق وحقيقه والمساعده من هلالي الجوف الله يخليه
وش رايك في الاعضاء المذكوين تحت
سهل888:فاااااكهة هذا المنتدى
البارق2000:مشرف وقدهااا وقدود
الغانم:علمه غانم تلقى العذوبيه في ردوده
حبي تيماوي:عملي ويحب مساعدة الغير
القلب الازرق:احب اسميه القلب الطيب لانه انسان يحب الخير ويحب القصص التي توقض الظمير
وخصوصا موضوعه الاخير
كلمه الصداقه تحمل العديد من المعاني ،،، ياليت تذكر لنا اربع كلمات تحتوي على معناها بشرط كل كلمه اربعة حروووووووف ...
حب 0000وفاء000انس0000تتعرف منهااا على بواطن الرجاااااال
======================================================

[c]
مساء الخير أخوي ســـــ SMN2002 ـليمان

كيفك أخوي اليوم تمام ;) ;) ;) ;)


الصراحه عندي سؤالين

السؤال الأول : شورايك فيني

السؤال الثانى : دكتور التفاضل معطينا واجب تخيل على أخر الزمن نحل واجب

شو رايك تحله لى

أخوي ســـــ SMN2002 ـليمان

صراحه أنت من الأعضاء النادرين جدااااااا ;) ;) ;)

لإسلووووووووبك الراقي ومواضيعك الهادفه ردودك الجميله

أخوي أتمنى من الله عزوجل أن يديم عليك الصحه والعافيه

ويخليك لنا ياااااااااااااارب ويوفقك دنيا أخره

وتعين أول ماتتخرج

ولك من أحلى هلاليه أحلى وارق تحيه وتقدير وحب

سلاااااااااام
[/c]

هلاوالله باخوي الزعيم العياضي

اخوي السؤال الاول والثاني الجواب حقهن بردي على صمت العيون
س3:. طبعا أخوي أنت من عشاق نادي الهلال الزعيم أذا من هو فريقك المفضل عالمياً ؟

صراحه ريااال مدريد الاسباني
:. من هو الاعب الهلالي الذي تميل أليه . الاعب العالمي الذي تميل أليه ؟
كل لعيبة الهلال نجوم ولكن للتاريخ يوسف الثنيان حاليا

زين الدين زيدان
س5 :. أجمل بيت شعر سمعته ماهو . أجمل حكمه ؟

ياشينها لاصرت للناس محتاج*** تصغربعين الناس من شان حاجه

الحكمه:الجاهل عدو نفسه


س6:. لو قالو ستضع شبكة الزعيم جائزه كبرى ويسمى العضو الفائز بالجائزه العضو الذهبي والأدارة أتاحت لك الرأي بأختياره فمن سيكـــــــــــــــــــون ؟ ولمــــــــــــــــاذا ؟
جميع من سجل بشبكة الزعيم دون استثناء
======================================================
هلاوالله بااااااختي الهلاليه وللابد

السؤال الأول : شورايك فيني

اخت عزيزه على قلوبناااا تتصف بالثقه في نفسهااااا واتزان ورجااااحة عقلك
السؤال الثانى : دكتور التفاضل معطينا واجب تخيل على أخر الزمن نحل واجب شو رايك تحله لى
عااااااادي اختي كل الترم اللي فات واللي قبله ولا اقولك من بداية التخصص وهم يعطواناااا واجب

ابشري ان شاء الله بس كل شيء الا الدوال الزائديه العكسيه

ومشكوره اختي على هالكلام الحلووووو

والله يوفقك ويرعاك

ماعندي شي اسالك بس شفت اسمك قلت اسلم عليك !

ولا تدري خلني اسألك !؟


انت الحين على وجه التخرج من كلية المعلمين !
والحين عندك ترم تطبيق (تربية ميدانية) ؟؟
ماهو شعورك اول 10 دقايق دخلتها على الطلاب ؟؟؟؟ وبدون لف ولا دوران ؟؟
تراني جربتها العام ؟؟؟


السؤال الثاني :
هل اتجهت للتدريس عن رغبة ام لسبب آخر وما هو ؟؟


السؤال الثالث :

يوم من الأيام رحت البحر وشفت شمووووووووخ و صمت العيون يغرقون تنقذ مين منهم ؟؟;) ;) ;) ;) ;) !!

جاوب وبدون اي تهرب !!
ويا ويلك لو تقول شمووووووووووخ

إقتباس كلمه الصداقه تحمل العديد من المعاني ،،، ياليت تذكر لنا اربع كلمات تحتوي على معناها بشرط كل كلمه اربعة حروووووووف ... حب 0000وفاء000انس0000تتعرف منهااا على بواطن الرجاااااال

هناك (( أسنر )) غلط في (( الكوشن )) الخامس ...

اغين (( الكوشن )) :

كلمه الصداقه تحمل العديد من المعاني ،،، ياليت تذكر لنا اربع كلمات تحتوي على معناها بشرط كل كلمه اربعة حروووووووف ... (( ملاحظه اربعه حروف )) ...

وشاكر ليك ... ;)

جاء عضوين المملكة وباو واو وما قدرنا نسألهم لظروف الإنقطاع في تلك الفترة.. وآسف جدا لهم..

===============

يا هلا وغلا بك يا سليمان...

عندي فقط خمس وعشرين سؤال هي اللي تحضرني الآن..وإذا جد جديد جبته لك..

1- العضو سليمان معروف في الردود .. وقد لا يخلو موضوع فيه رد جيد لك.. ولكنه في المواضيع أقل مع أنه يملك فكر وقدرة على الكتابة .. ما السبب..؟؟

2- وش رأيك .. التحضير وفق الأهداف السلوكية.. هل نكتفي بالأهداف المعرفية أو يجب علينا تحقيق كم هدف وجداني ما لأمه داعي..

-----> الله من الغثا بالأهداف والأقوال..

3- في المجلس العام .. هناك مواضيع كثيرة .. مالموضوع الذي يستوقف العضو سليمان.. يعني الفكاهي أو الجاد أو الشعر والخواطر أو ماذا..؟؟ لا تقول كلهن أبي إختيار

4- منتيات شبكة الزعيم بشكل عام .. والمنتدى العام بشكل خاص.. كيف يراها سليمان وكيف (( يتمناها )) ... ----> سؤال بتسئلك اياه نجمة الإبداع قلنا نختصر قبلها..

5- ما أكثر ما يعجبك في المجلس العام .. وما أكثر ما يغضبك .. في المواضيع أو الردود أو التفاعل مع المواضيع..؟؟

هذي خمس أسئلة .. بقى عاد عشرين نشوف وقت ثاني نكتبها..

أخيرا التمنى التوفيق والنجاح والسداد لك في حياتك العامة والعملية .. والله يوفق الجميع ،،،

وتقبل تحياتي ،،

أخوك / البارق

والله طاح سليمان ومحدش سمى عليه خخخخخخخخ

ياهلا .. هذي والله الساعه المباركه .. يوم يكون سليمان ضيف علينا


عالعموم ماودي اثقل على سلومي بالاسئله .. هي كلها سعوااااال واحد

@ السعوال الاول :
تخيل نفسك في مسبح ومامعك احد وفجاه طحت وغرقت وقدر الله انه يكتب لك الحياه بواسطه احد العاملين في المسبح كان يراقبك من بعيد ..!!!
السؤال..
عندما تفتح عينيك في المستشفى (طبعا مافيه امل تفتحهن قبل كذا خخخخ) ماهو اول تصرف تقوم به؟؟



@ السعوال الخامس :
كنت في غرفتك بالفندق (مامعك احد) وتسمع صوت غريب ومخيف لدرجه لاتتصور بالغرفه المجاوره وش تسوي (صفقنى لو بتقول اروح له خخخخخ )؟؟؟؟


@ السعوال 50 :
قمت من النوم حسيت بالهدوء من حولك تدور في البيت اهلك ماتلقاهم تطلع من الباب ماتشوف بشر ماتسمع الا صوت الرياح (تخيل الوضع مظبوط عشان تختار صح) وش تسوي اختر..مع ذكر سبب الاختيار
1_ ترجع لغرفتك وتنام <== انواع البرود خخخخخ
2_ تنتحر (ادري انه حرام بس لحظتها ماتملك تصرفك)
3_ تصيح بااعلى صوتك وتركض عشوائيا
4_ تبكي وتجلس في مكانك


@ السعوال 90 :
من العضو اللى اذا شفته تحس بان الدوخه والصداع والروماتيزم والحمى المالطيه كلها تجتمع فيك؟؟<< وهقه


ادري ماراح تجاوب عليه ,, اشقحووووو ا

اسئله عامه :

- هل تؤمن بمبدأ ان لم تكن معى فانت ضدى <== اخس خخخخخخخ

- اذكر لنا موقف طريف من طفولتك البريئه <== ايه هين خخخخخ؟؟

- مااسم مدرستك المتوسطه وكم تقديرك في الثانويه لعامه؟؟ <<< ملقووووووف

- اجمل مدينه زرتها وكان ودك تطق الخيمه هناك خخخخخخخخ؟؟

- ليش اسمك سليمان ؟؟ <<< وش يبي ذااا

- لو تم افتتاح منتدى للمعسل من ترشح مشرف عليه



بس


تشا111وووو

هلاوالله باخوي الكنز نواف
الله يسلمك
ماهو شعورك اول 10 دقايق دخلتها على الطلاب ؟؟؟؟ وبدون لف ولا دوران ؟؟
جيت الفصل وسلمت على الطلاب ياااااخي شعور غريب والحمدالله عدت على خير
صفقت كل الطلاب ومن ضمنهم ولد المدير ماااااكنت اعرفه<<<<بس الحمدلله ماعلم ابوه
السؤال الثاني :
هل اتجهت للتدريس عن رغبة ام لسبب آخر وما هو ؟؟

ياااااخوي خلهاااا على ربك لسبب عدم قبولي في الكليه التي ارغبهااااا
وحتي يوم خشيت الكليه حطوني بتخصص ادبي وانا خريج علمي
بس الله يهدي اللي كان السبب وحولت لقسم الرياضيات ولكن بعد ان جعلوني اتاخر نصف ترم
يوم من الأيام رحت البحر وشفت شمووووووووخ و صمت العيون يغرقون تنقذ مين منهم ؟؟
اطب معهم بالماء ياااااا اغرق معهم او يجي احد وينقذنا
======================================================
هلاوالله بعاااااااااااااارف الهلالي!!!!!!!!!!!
كلمه الصداقه تحمل العديد من المعاني ،،، ياليت تذكر لنا اربع كلمات تحتوي على معناها بشرط كل كلمه اربعة حروووووووف ... (( ملاحظه اربعه حروف )) ...
والله هذي النشبه والله لو انك حقين قسم القرانيات اللي كل ماااااقر يقووولووون اعــــــــــد

وفاء0000 فداء000 اخوه000 موده
راجعين لكم