اعلام بلجيكا وكوريا الجنوبية ... - نادي الهلال السعودي - شبكة الزعيم

ابـن الزعيـم البـار · #1 22/02/2010, 01:13 PM

سلام عليكم

الف مبروك البطولة 50 والله يا حنا ملينا من كلمة مبروك

خلاص هاردلكم على الفوز

انا والله اطالب من ها المنبر متأثر اعضاء شرف الزعيم بالتصدق ببطولة للفرق المحتاجة

ما عليه ننقص بطولة ونصير 49 ولا العين يا زعماء العين حق والناس حساد

بعدين المفروض الاتحاد السعودي يوقف الهلال 5 سنوات ياخي عطوا غيركم فرصة ما صارت لعل وعسى احد من الفرق يتعدانا بالبطولات ويجيب 61ان جابها 61 احلقوا شنبي واحلقوا اللي تبون لاني داري يبطون عظم ماجابوا ها الرقم وحسبوها 10 سنوات كل بطولة

المهم بعد المقدمة البايخة اللي زي وجه ابو الشباب

حبيت استفسر عن محلات تبيع اعلام كوريا بلجيكا البرازيل السويد رومانيا موزنبيق

اي علم

لاني باذن الواحد الاحد ماغط يوم الثلاثاء لدولة قطر الشقيقة لمساندة السد

بينجلد

والله ما جت الفكرة براسي الى يوم دريت ان ملعبهم مكيف سبحان الله دول العالم تحبب وتجذب الجمهور بحضور
المباريات

وحنا يكرهونا بالملاعب بس حاضرين حاضرين ووالله ما يكرهوونا بالزعيم لو وشو

ابروح اشوف المعاملة الحضارية هناك لاني اببطي عظم ما حضرت مباراة للمان يونايتد

طبعا موضوع مدري وش يبي كل شوي خاش بموضوع منلحس اعذروه

طبعا انا في العاصمة السعودية الربوة

وابارك لرجل دايما خلف الزعيم في كل مباراة تلقاه بخشتك نمر بن عدوان

يستاهل والله

ما قلتلكم في كل مباراة للزعيم تلقاه بوجهك

وفي ماشاء الله عليه

بالتوفيق للزعيم واسيا باذن الله باذن الله للهلال

\

ابـن الزعيـم البـار · #2 22/02/2010, 03:28 PM

للرفــــــــــــــــــــــــــــــــــــــــــــــع

هلالي قمر 14 · #3 22/02/2010, 03:48 PM

مشكوووور يالغالي على الموضوع وبالتوفيق للهلال

عآشقـ الزعيمـ · #4 22/02/2010, 03:59 PM

ههههههههههههههههه

الله يوفقك اخوي

وانتيه لاتنجلد خخخخخخ

9 زعيم آسيا 9 · #5 22/02/2010, 04:27 PM

موفق اخوي بس والله ما اعرف محلات تبيع اعلام رومانيا ولا كوريا ولا السويد ولا بلجيكيا ولا البرازيل هع

alfarees14 · #6 22/02/2010, 04:36 PM

موضوعك رووووعة

وبنسبة للاعلام انشاء الله الاخون بيفيدوك

هلالي والعز مكاني · #7 22/02/2010, 05:06 PM

موضوعك رووووعة

وبنسبة للاعلام انشاء الله الاخون بيفيدوك

ابو ليلى العنزي · #8 22/02/2010, 06:04 PM

مشكووووووووووووووووووووووووووووووووووووور

ابيدال العــرب 4 · #9 22/02/2010, 06:05 PM

وين يعني .؟!
بأحدى هالمحلات الرياضيــه الكبيــره

واذا مالقيت انا عندي فكره غبيــه

اطبع العلم من الكمبيوتر على ورق طباعة عالفنايل او على اقمشه .. في ورق مخصص للطباعه على الاقمشة والفنايل
واطبع العلم على القماش او الفنيلة اللي تبيــها

اعذرني على فكرتي

No E7tkak H · #10 22/02/2010, 06:26 PM

ماشاء الله عليه يعجبني ليت كل الجمهور كذا مخلص ووفي مثله

ترا والله في كثير دايم يروحون للملعب كل مباراه مايقصر جمهور الزعيم

بالتوفيق

فراشةالزعيم · #11 22/02/2010, 06:30 PM

الله يعطيك العافيه

تكفون اعلام الأجانب لاتنسونها خصوصا لي يونق ورادوي

وبعد نيفيز ماشفت له علم

من يسواك ياهلال · #12 22/02/2010, 06:33 PM

يسلموووووو على الموضوع الروووووعه

هلآلي و رآسي عآلي · #13 22/02/2010, 06:44 PM

مشكور أخوي عَـ آلموضوع و آلمقدمهـ آلمشوآر هع
عوآفي

سلطان الحربي21 · #14 22/02/2010, 06:47 PM

مشكور حبيبي مقدما على حضورك للمباراه واقول لك فكره حلوة مدام انك فاضي وفاضي وفاضي
اطلع لسفارة البرازيل وخذ علم وسفارة السويد وخذ علم وسفاره رومانيا وخذ علم وااقرب فلبيني قله ابي علم لالالا قصدي رح لسفارة كوريا وخذ علم

( اول شي الاعلام اصليه ) هع وبلاش ههههههههههههه فكره حلوة بس عب بنزين في 20 ريال

منور.. · #15 22/02/2010, 06:48 PM

اشكررك على المقدمه البايخه ههههههههههههههههه
واتوووقع الاعلام لو تروح لسفارات البلدان بالعاصمه تحصلها وبعدين قلهم سلف واردها لكم خخخخخ وانحش