السلام عليكم

القناه الرياضيه السعوديه عجيبه وغريبه

مره يقولون بتصير قناه ثالثه

ومره يقولون بينقلون الدوري الاسباني والفرنسي مباشره

ومره يقولون بينقلون كأس أبطال أوروبا

وش القصه هي الشغله ضحك في ضحك

والله حرام فرحنا بجيته القناه وفرحنا على الكلاماللي يقولونه ويافرحه ماتمت

بكره مباراة (باريس سان جرمانx مع فريق والله اسمه ماينطق...)
اخ لو يحذفون كل الرياضه ويجيبون صدى الملاعب


وكمان يجيبون المطيويع

شف وجه العنز واحلب لبن ... من هم القائمين عليها ... بعدين احكم ... كلهم ربع أبو ثمامة

صبركم يا ناس على القناة

بعدين تقول صدىالملاعب فيه برنامج اسمة (مواجه ) أفضل بألف مره منه

والله انهم طليان ان قلت الزهيان ولا المصيبيح ولا الحسين
طليان تعرف طليان

لا والادهى والامر ان كل المباريات مسجلة حتى مباريات كرة اليد

شغلهم كله دنفسه وبربسه ووعود لها اول مالها اخر ..

ماتمسكلهم طرف وماتعرف متى برامجهم .. كل يوم لهم توقيت .. والدوري الاسباني بيخلص ماشفنا منه ولا مباراة واخرتها اذا جابوا منه مباراة بيجيبونها مسجله مثلها مثل غيرها .. وماعندهم الا الدوري الفرنسي اللي تنقله قناة tv5 على قناتهم المفتوحه وهم على بالهم جايبين جديد وهم ينقلون مبارياته على الهواء ..

وعموما نتمنى انهم ينفذون وعودهم اللي ازعجونا فيها وما شفنا منها شي .

لا والمشكله يجيبون مع المباريات المسجله ** استديو تحليلي *** والله حاجه فظيعه

من شاف مقديمينهم ولا الي يصيرون المراسلين عرف انها قناة فاشلة 100%

يا جماعة هذي قناة التسجيل والكذب

من يوم ما بدأت ما شفنا ولا مباراة أوربية منقولة على الهواء مباشرة
والدوري الأسباني ما شفناه خير شر

الله يعين صحيح شف وجه العنز واحلب لبن

بسم الله الرحمن الرحيم

اقول ........... عساك سالم

ومثل ما يقولون اخواننا فى مصر


دى قناة ايه اللى جاى تقول عليه



فاقد الشئ لايعطيه

ما ينرزون

واللى ماينرز ما تقدر ترزه حتى لو تحطه يشتغل فوق الجسر اللى فى اعلى عمارة المملكه.
الفاشل فاشل والناجح ناجح


فى المملكه كوادر رياضيه ممتازه

لكن اللى فى القناة الرياضيه ما اظن انهم بيقدمون عمل حتى لو نص ونص

المساله تخصص ودراسه وناس اصحاب نظره استراتيجه مهيب سواليف فى استديو


المساله مهيب تعصب لاراء وانديه
عموما احنا يالهلاليين ما يهمنا شى



الهلاليين والحمد لله دائما ومنذ تاسيسه والهلال محاربينه وحاسدينه كثير


ولكن اقول ان محبين الهلال اعدادهم كبيره جدا وفى تزايد خيالى

هؤلاء هم ثروة الهلال..............
تذكير للهلاليين
تذكروا التوقعات تشير ان الرياض بيصير سكانها عام بعد خمسة عشر عاما باذن الله مايقارب 12 مليون
الان المدارس المتوسطه والابتدائيه وبنسبه تقارب التسعين فى المئه من الطلبه الذين يحبون كرة القدم يشجعون الهلال


لاتخافون الهلال مثل الطوفان باذن الله يغرق الجميع

تخيلو وبتعرفون باذن الله حجم جما هير الهلال فى الرياض مستقبلا ما ذا سوف يكون


تحياتى لجميع جماهير الهلال فى شتى انحاء المعموره

من الهلال اسطوره

والله كلامكم صحيح القناة ما عندهم الا الحكي بس ولا شفنا من وعودهم شيء
بس ليش ما نحاول نتصل عليهم ونكثر من المطالبه وننقل أراء نا لهم
فأتمنى من يعرف تلفون القناة الرياضيه أو الايميل يضعه هنا لكي ننقل لهم صوتنا
ولكم الشكر

من جدكم تشرهون عليهم؟؟؟؟
اذا ابسط الابجديات والمتمثله بالحياد ماهي موجوده عندهم... ولامذيعين....عرض شمغ صاير
يقلدونني
ولا المقدمين..اللي مو عارفين يقولون جمله بدون ما يوقفون ويغرزون آآآآآآآ والان مشاهدينا أأأأا ننتقل معكم أأأأأأ الى أأأأأأأ احسن انه مقطوع لسانه
الله يذكرك بالخير يا مطيويع
ماقول الا ماعندهم ما عند جدتي ريما.....الله يطول عمرها..على قولتها.....خبيلين

نسيت احط الصورة
ودمتم

انت تدري انهم قالو بينقلون دوري ابطال اوربا ؟؟؟ بس لعبوا علينا نقلو كأس الأتحاد الأوربي وهذي بطولة سياااحيه للفرق الضعيفه