الليله كل شي كان حلو بس كان ودي اشوف شخصين غالين علي بالملعب - نادي الهلال السعودي - شبكة الزعيم

كلاش الهلال · #1 20/02/2010, 01:31 AM

السلام عليكم يازعماااااء
الحمــــــــــــــــد للــــــــــــــــــه علـــــــــــــى تـــوفـــــيـــــــــــق الزعيــــــــم
50,000,000,000 مليون مبروك لكل محبي الكيان الازرق

سؤال لكل زعيم وهو احيانا ماتقعد تفكر بالناس اللي مايشجعون الزعيم وشلون عايشين وكيف يفرحون ويحسون انهم يملكون نادي دايما"يفرحهم مثل الزعيم طبعا هذولا مساكين راحت اعمارهم وهم يعلكون قصدي يركضون ورا سراااااب والله يهديهم يشجعون الزعيم او انهم ينتبهون لناديهم ويخلون عنهم اللقافه .

المهم ياشباب اليوم كان ولله الحمد كل شي منظم وهذا من توفيق الله لا من ناحية الوصول للملعب من قبل تنظيم رجال المرور وصولا لداخل الملعب من رجال الامن حتى جلوسك بمقعدك وتنظيم حبايبنا مجلس الجمهور اللي ولله الحمد لهم جهود مشكوره والاحظ انها في تطور مستمر مع اني عاتب شوي على بعض الجمهور اللي ما حضر ويمكن انهم شبعوا من البطولات لكن التفسير الوحيد هو ان الواحد لا صار بالقمه ويحس ان اللي تحته مهوب كفو انهم يصيرون منافسين يجيه حاله عدم الاكتراث ولا يتحرك الا بشعوره بالخطر مثل ما صار الليله مع اللاعبين فما بالكم الجمهور يعني انتبهوا لا تكررونها مرة ثانيه .

صراحه اعجبني الجمهور اللي جلس حتى انصراف اللاعبين واعجبني اللاعبين والادراريين والمدرب بالتجاوب مع افراح الجمهور بطريقة اوروبية .

نقاااااااااااااااااط بالخاااااااااااااااطر

*** الليلة كان ودي اشوف اثنين وبصراحة اتفأل اذا شفتهم ولا قصور بالباقين وهم الامير النبيل عبدالرحمن بن مساعد الله يرجعه بالسلامه وهو بأتم الصحه والعافية .

*** الثاني ضابط رتبته نقيب دايما" (احتفظ بأسمه)اشوفه عند الدوار اللي يوديك للبوابة الرئيسية اعتقد انه مسؤول عن المرور حول الملعب واشوفه داخل المنصة في اغلب مباريات الهلال ومرة لا شعوريا" فرح بهدف على النصر ورفع يده وهو رسمي وكنت واقف جنبه وقال ذبحني الزعيم وانا صرت بعدها عاد صديقه (تعرفون يمكن يحصل كلبوش ولا شي يسنعني

)لاني دايم اسلم عليه عند الدوار او بالمنصه بس اني فقدته من فترة وسألت عنه افراده وقالوا مسافر يدرس بالخارج الله يوفقه .

اخيرا" الحمدلله اولا" واخيرا" على هذه البطوله الغاليه والله لا يجعلها اخر الافراح وابعطيكم بس بكرا تنبسطون وتغثون اعداء الزعيم وبعدها فكروا بالدوحة لأننا بالعربي ميتين نبيها وصدقوني ان العالميه اسهل من التصفيات لأنك تلعب مع فرق بمستواك وبالتالي يكون الحماس غير يختلف عن الفرق الكديش واللي جايبين لاعبينهم من تشليح الحاير

اللعب معهم يجيب المغص ويغثونك لان مجرد الفوز على الزعيم بطوله .

تكفون لا احد يقول فلان احسن لعب من فلان لأن كل اللاعبين الليله ماقصروا بس فيه كم لاعب ما اقول انه احسن لا اقول فيه تطور بمستواه واكيد انه يقرأ بالمنتدى المواضيع اللي تجيب طاريه ونصايح الجمهور له وهم بصراحه 3 ماجد والزوري وياسر الله يخليهم وزملائهم الباقين سند للزعيم .

اخيرا" اعتقد اني ماغلطت على احد وارجو الرد برد مناسب لأني حساس بالحيل

ولكم من جميعا" اطيب التهاني والتبريكات ..........

كلاش الهلال · #2 20/02/2010, 12:18 PM

اشكر اخواني المشرفين على التفاعل الدائم والله يجعل البسمه دوم ماتفارقهم

شولسو · #3 20/02/2010, 01:13 PM

مشكووووووووووووووووور اخوي على الموضوع الرااائع الف شكر

يسلموووووو

7moot AL HILAL · #4 20/02/2010, 02:01 PM

مشكوووووووور على الموضووووع أخوووووووووي

الـــمــطــيري · #5 20/02/2010, 03:01 PM

مـشـكـور اخــوي على المـوظـوع الرائـــع

شاب الزمن فيني · #6 20/02/2010, 04:10 PM

ياريت سمو الأمير كان موجود بصراحة فقدنااااااااااااااااه واااااااااااااااااااااااجد

n.s.r.15 · #7 20/02/2010, 05:23 PM

مشكووور اخووووي على المقاااااااال الرائع.....

خيال هلاليه · #8 20/02/2010, 05:53 PM

هههههه
موضـوعك حلو وتعليقـاتك أحلى

نعم يفترض من جمهورنا ان لايرتخي ( حلوه ان لايرتخي ) اعجبتني هههه

ماادري هل هو بسبب الاكتفاء بالبطولات او انه جمعه والله ماندري ؟؟؟
المهم اللي حضروا فيهم الخير والبركه

وانا معك اعجبني التجاوب من اللاعبين للجمهور وكذلك الادارة والمدرب
عافااااهم الله كلهـم وربي يقويهم زود وزود
وإن شاء الله ربي يوفق صديقك بدراسته برا
شكراً لموضوعك وتعليقاتك اللي ضحكتني ويعطيك ألف عاااافيه

وربي يوفق الزعـيم بالآسيوية إن شاااء الله

كلاش الهلال · #9 20/02/2010, 06:38 PM

اشكركم جميعا" والأروع مروركم الكريم

وينك يالزعيم · #10 20/02/2010, 06:44 PM

ياريت سمو الأمير كان موجود بصراحة فقدنااااااااااااااااه واااااااااااااااااااااااجد

تحياتي لك اخوي

!@

كارفيلو · #11 20/02/2010, 07:19 PM

مشكور اخوي وتقبل مروري يعطيك العافيه والف مبروك البطوله