بركاتك ياعم الشيـــخ ( اول موضوع بعد حصولي على اللقب المستحق ) - نادي الهلال السعودي - شبكة الزعيم

ابو طـــــلال · #1 16/02/2010, 09:33 PM

في السابق كان موظف الإتصالات والخطوط السعوديه هم أكثر الأشخاص طلباً للصداقة .. وعلاقتهم فرصة ذهبية .. يعني تعرف موظف بالإتصالات أو بالخطوط كانك تعرف شخصية ( خرافية ) .. يعني كنك تعرف واحد ( قوي ) ..

أممممم .. مدري شلون أشرحها لكم .. بس بإختصرها لكم .. يعني كنه يعرفني

في وقت الأرشفة اليدويه ونص الأوراق ضايعه .. قبل 15 سنة تقريباً كان رقم البيت العادي ينباع بثمانيه إلى 10,000 آلاف ريال ... ونقل الرقم أشبه بنقل ملكيه بيت لورثة

البيجر واللى أنقرض كانوا يبيعونه بثلاثة إلى خمسة .. وآخرتها رنة ورقم تسعات ( 999 ) >> يعني دق علي الموضوع ضروري .. وآخرتها جب معك خبز ... وكانوا إثنين مشتركينفي بيجر واحد

( آآآه واللهي زي مابئلوكم كدا بالزبط )

يعني يدق بيجرك .. تطلعة من مخباتك وترجعة .. وآخرتها يطلع الدقه لشريكك بالبيجر

يمكن بعض الشباب هنا مايتصور الكلام اللى أقوله يمكن مالحق عليها .. بس قريبه .. ايام الواحد كان ( ينزرق ) بالبيجر .. حتى لو مافيه بطارية

عمي .. وعلى وقت الجوال بعشرة آلاف ريال قال .. ماني مطلع جوال إلا بعد مايصير ببلاش .. وفعلا .. بعد عشر سنوات صار ببلاش الشريحة بميه وفيها رصيد بعد

عنده ( حدس )

الخطوط السعودية ... نعتز بخدعتكم .. قصدي خدمتكم .. لو تعرف موظف بالخطوط تحس إنك شخصية وتسولف فيه ورقمه مايضيع .. وقولة إنك تعرقف موظف بالخطوط يعني إنك ( شخص راقي ) ومن طبقة ( أستقراطيه ) حتى لوإنك ماتتعدى الخرج . ولاتسافر بس كون إن رقم هالرجال عندك إنك قوي

الحين هالموظفين اللى في السعوديه والإتصالات أصبح مالهم كرت .. أو كرتهم إحترق .. كل شي تسويه وإنت في بيتك .. يمكن اللى بالخطوط وبالحجز تحديداً مازال بقوته بس مهيب مثل أول ..

نتبارك في موظف إتصالات .. وفي موظف خطوط .. وفي مدير .. وفي امير .. ومرات في حتى مشرف منتدى .. علشان الرزه .. والكشخة .. والأهم الإستفادة والمصلحة .. وبركاتك يامعلم

==

الخوبله هي الربكة أو اللخبطه !

عموما في احدى المناسبات واحد يورينا بنيته الصغيرة بالجوال ( الله يخليها له ).. ونسولف عن دادا .. وبيبي .. ناس تقول دادا وناس تقول بيبي .. وانا مع اللخبطة قلت لولدي فارس ( شف شف ديدي ) لاهي دادا ولابيبي ..

بصراحة إستحيت خصوصا إن معنا مطوع .. شكله يقول وش هالإباحي الخالص

==

قصة يوم العشاق او يوم المحبين هي قصة أكيد الكل يعرفها .. وهو عن قصة الإتحفال بيوم الحب .. او عيد الحب
صحيح مالنا كمسلمين إلا عيدين ..
لكن انا سمعت القصة الحقيقيه للقس وهو ضحية ذاك اليوم واللى قتل .. وهي ليست بالقصة المكتوبه والمشهورة لدينا .. قصته كانت كتابة عقود زواج بالخفيه في وقت حرب وقد أعلنت الدولة بان الزواج مرفوض في هذه الفترة العصيبه من الحرب .. وإن عقاب الزواج هو القتل .. وبعد إكتشاف أمره تم قتل هالقس وصار إسمه ضحية العشّاق او المحبين .. يعني مات من اجل كتابة عقود زواج بين العسكر والفتيات ..!

يعني بصراحة أبرك من عنتر وعبله .. ونمر ووضحى .. وإلخ إلخ .. على الأقل كان زواج مهوب غزل بدون إرتباط شرعي ..

أقول قولي هذا وأستغفر الله لي ولكم .. والله يعيني على واحد في المجلس على هالفقرة ...

وهي فقرة ليست للإثارة بل للنقاش والتحاور ..

==

خدمة راسلني .. جاني فيها هاليومين كم رساله غريبه .. عجيبه .. ؟ واحد زعلان على واحد أو تشوفه بثر ومن هالكلام .. ورى ماتروح تواجهة و ش دخلني فيه .. هو واحد من عيالي ؟!
وهالرسالة مثل الذبانه .. جناح دواء وجناح داء ... شكرا على الدواء اللى فيها يامعجب

وأشكر كل من باركلي باللقب المستحق >>

إن أصبت فهو من الله وإن أخطأت فهو مني ومن مرسال

>> قصدي الشيطان

أخوكم الصغير ابو طلال

سيناتور هلالي · #2 16/02/2010, 09:42 PM

هلا والله بأبي طلال..

مبروك اللقب يا كاتبنا الكبير..

وعقبال الألقاب الثانية الزيييييييييينة..يارب..

كلامك عن الموظفين كلام سليم بس الدنيا دوارة..
بس فيه ناس ماتستغني عنهم أبد ..(إذا تعرف لك ضباط في وزارة الداخلية بالذات في الدوريات والمرور ) اعتبر نفسك ملكت الدنيا..
وهذي الدنيا ماتدور فيها إلا في جانب واحد : إذا تقاعد حبيبك الضابط..وإلا وهو على رأس العمل إنت محظووووظ دامك تعرفه..
هههههه

وبالنسبة لقصتك مع فارس ابنك - الله يخليه لعين ترجيه - بصراحة محرجة..بس وش قالك ولدك..؟!! مالمح ؟ وماضحك..؟ وماكان فيه أحد بالمجلس زي لقبك ساخر..؟!! ههههه الله لايحطني بمحلك وأنا أخوك..

شكرا لك..
تحياتي..
..سيناتور..

ابو طـــــلال · #3 17/02/2010, 07:55 AM

إقتباس

الرسالة الأصلية كتبت بواسطة سيناتور هلالي


	هلا والله بأبي طلال.. مبروك اللقب يا كاتبنا الكبير.. وعقبال الألقاب الثانية الزيييييييييينة..يارب.. كلامك عن الموظفين كلام سليم بس الدنيا دوارة.. بس فيه ناس ماتستغني عنهم أبد ..(إذا تعرف لك ضباط في وزارة الداخلية بالذات في الدوريات والمرور ) اعتبر نفسك ملكت الدنيا.. وهذي الدنيا ماتدور فيها إلا في جانب واحد : إذا تقاعد حبيبك الضابط..وإلا وهو على رأس العمل إنت محظووووظ دامك تعرفه.. هههههه وبالنسبة لقصتك مع فارس ابنك - الله يخليه لعين ترجيه - بصراحة محرجة..بس وش قالك ولدك..؟!! مالمح ؟ وماضحك..؟ وماكان فيه أحد بالمجلس زي لقبك ساخر..؟!! ههههه الله لايحطني بمحلك وأنا أخوك.. شكرا لك.. تحياتي.. ..سيناتور..

بالمهلى ياخلفهم ... والله يبارك فيك ومبروك لك التكريم وتستاهله

وعساني مااحتاج لضابط بالداخليه ... إلا عساني ااحتاج لأحد في ظل العولمه

كل اللى تبيه بزر من كيبوردك

وفارس صغير يدربي دميجته مايدري بس فيه ناس علقت لكن تخبر إستحي والحياء شعبة من الإيمان

شكرا لك ولحضورك يابو الكباتن

هلالي من ارض اليمن · #4 17/02/2010, 10:25 AM

في أقطار عربيه عديدة .. هنالك ثلاثيات مهمه في حياة كل فرد منا تستوجب البحث عنهم وتوطيد العلاقة بهم

:

ثلاثية القرن الهلالي

ثلاثية أخراجك من المشاكل أو اضعف الإيمان تيسيرها

( ضابط - قاضي - محامي )

ثلاثية الحفاظ على الصحة والمال العام من عبث الاطباء ومهندسي البناء ودائرة الضرائب

( طبيب - مهندس معماري - محاسب )

ثلاثية الوجاهات والمناسبات الاجتماعية لعمل صلح اجتماعي او طلب زواج او الحوادث المرورية ... الخ

( شيخ دين - شيخ قبيله - ضابط جيش

)

ثلاث اصدقاء رئيسيين في الوزارات التالية حتى يختصر الوقت من اسابيع الى دقائق

( التعليم - الكهرباء - الماء )

ثلاث اصدقاء فرعيين في الخدمات التاليه التي تكتشف فجأه مدى أهميتها

( دائرة الاتصالات - دائرة التراخيص - دائرة الجوازات )

وخذ معاك في الطريق المهن التالية للطوارئ التي تداهمك فجأة من غير سابق انذار أو معرفة

( سباك - وكهربائي - وميكانيكي )

المهم يا ابو طلال .. انت صلح علاقاتك مع الجميع أعلاه .. وأنا سأكتفي أن أكون صديقك

للأسف في الدول خارج العالم العربي .. المطلوب فقط ان تكون نظامي وجميع معاملاتك في اي مصلحة تستغرق دقائق مع ابتسامه ترد الروح وعبارة ( إي خدمات أخرى ) و ( شكرا جزيلا )

من القائل : الحمدالله أن عرفت الاسلام قبل ان اعرف بلاد العرب

يعطيك العافية يا ابو طلال والبطل فارس

عسيريه · #5 16/02/2010, 09:43 PM

.

.

ع البركه اللقب يا ابو طلال

ماشاءالله احس انك اكثر واحد مستانس على اللقب

إقتباس


	الخوبله هي الربكة أو اللخبطه !

دايم تصير :/
تشبك كلمتين مع بعض وتطلع بنتيجه فتـّاكه

يعطيك العافيه كاتبنا الساخر

ابو طـــــلال · #6 16/02/2010, 09:53 PM

^^^^

جدا مبسوط على اللقب لأنه جاني من أعلى سلطة بس لو اللقب ( تقني مميز ) كان أزين

شكرا لك ولحضورك الفتّاك

بريماكس · #7 16/02/2010, 10:09 PM

راح فيها جعفر عباس

مبروك لك

وتستاهل كل خير ،

الى الامام يا ساخرنا الرائع .

ابو طـــــلال · #8 17/02/2010, 05:04 PM

إقتباس

الرسالة الأصلية كتبت بواسطة بريماكس


	راح فيها جعفر عباس مبروك لك وتستاهل كل خير ، الى الامام يا ساخرنا الرائع .

مين جعفر عباس ؟ لايكون الزول ؟؟؟؟ زميل يعني

ياشين غيرة الرجال

والله يبارك فيك ياخلفهم

f*y*d · #9 18/02/2010, 03:06 PM

إقتباس

الرسالة الأصلية كتبت بواسطة بريماكس


	راح فيها جعفر عباس

ههههههههههههههههههههههههههههههههه

بريموو محد قالك لا تحارش الساخرين

!

ألف مبروك ابوو طلووو وعقبال الصبغة اللي تخلي الناس تتمصلح معك مثل مصلحتها
مع موظف الخطوط أول

الحين الناس لازم يكون لها معرفة بالمرور والاحوال والجوازات ودلة ...االخ
لأنك اذا ما احتجت لنفسك لعيالك

استمرررر ابو طلو

M!ss 7up · #10 18/02/2010, 04:56 PM

::

الف الف مبروك اللقب الجديد
يتربى بعزك ان شالله

عطـــارد · #11 16/02/2010, 10:13 PM

الله عليك يابوطلال ..
ذكرتني بالذي مضى ..
يوم كان البيجر في المخباة اللي فوق ..
ومعاه السلسال ..
.
.
.
يعطيك العافيه على هالوجبة الدسمة من خفة الضل ..
اللي اشتاق لها مابين فتره وفتره ..
لأن خبرك اخوك محاكيك من النوع ثقيل الدم ..
ومبروك اللقب وانت تستاهل كل خير ..

ابو طـــــلال · #12 17/02/2010, 11:28 PM

إقتباس

الرسالة الأصلية كتبت بواسطة عطـــارد


	الله عليك يابوطلال .. ذكرتني بالذي مضى .. يوم كان البيجر في المخباة اللي فوق .. ومعاه السلسال .. . . . يعطيك العافيه على هالوجبة الدسمة من خفة الضل .. اللي اشتاق لها مابين فتره وفتره .. لأن خبرك اخوك محاكيك من النوع ثقيل الدم .. ومبروك اللقب وانت تستاهل كل خير ..

هلا وغلا اخوي عطارد

شكلك شايب .. على وقت البياجر

وألف شكر على حضورك ياباشا ... وعلى طاري ثقالة الدم ورى مانورتنا وشاركت بالحملة حقت التبرع بالدم ياعسل

الحملة الجاية خلك قريب

sugarfall · #13 16/02/2010, 10:15 PM

ألف مبروك اللقب وايه بينك وبين مرسال ( ههههههااااااا
لكن أنا كل ماشفت يوزرك كاني اقراه كاتب ساحر مو واضحة النقطة فياليت تطلب منهم يكبروها لانه مو واضحه ههههااا
أتمنى لك التوفيق
تحيتي قبل مودتي

Rossi 999 · #14 16/02/2010, 10:42 PM

.
..

مبروُكـ التكرِيم أبو طلآل ♥ تستآهِل كُل خيِر

,
أكثر [ خوبلَة ] "علَى قولتِك" تمِر علِي [كسرِي انظهَر ] ..

ْ
و مقألِك فِيه استفزازات للمطآوعَة ( ديدي و عيد الحُب ) وش نآوِي علِيه

,

• تحيآت الكُوستونآئي المفضَل ♥

ابو طـــــلال · #15 19/02/2010, 07:51 AM

إقتباس

الرسالة الأصلية كتبت بواسطة Rossi 999


	. .. مبروُكـ التكرِيم أبو طلآل ♥ تستآهِل كُل خيِر , أكثر [ خوبلَة ] "علَى قولتِك" تمِر علِي [كسرِي انظهَر ] .. ْ و مقألِك فِيه استفزازات للمطآوعَة ( ديدي و عيد الحُب ) وش نآوِي علِيه , • تحيآت الكُوستونآئي المفضَل ♥

الله يبارك فيك أخوي .. عقبال مانفرح فيك صاحب موقع

وبسم الله على كرسيك من الظهر يالغالي

ديدي موقف .. وعيد الحب قضيه تحتاح لنقاش حضاري جاد ... لأنه مهوب كل شي نسمعة نصدقة ونقوله .. لازم نعرف القصة الحقيقيه ليوم العيد .. حتى لو كان حرام بس نعرف القصه الحقيقيه

حياك وبياك ياكابتن