السلام عليكم ورحمة الله وبركاتهـ
أولاً أحب أهنيكم على الفوز اليوم وللأسف كنا نستاهل أكثر بس الحمد لله
من دخلت المنتدى والناس تسب بياسر وفيهم من يمدحهـ لكنهم أقليهـ
ابتكلم عن ياسر ونواف العابد وويلي
اليوم ويلي أضاع تقريباً خمس فرص سانحهـ له لتسديد هدف وما قصر عوضها بالهدف ألي أهلنا لكن حتى الهدف كان حاطهـ من تعب وواظح عليه لأن هذي مو حطاته ومبين من الهدف
والعابد لاعب كبير بس لا تكبرونه زيادهـ وتذكر الفريدي بعد تكبيركم له وش صار له مع أني أفضله على العابد لكن مو هذا موضوعنا
هو صحيح اليوم ما قصر ولعب كويس لكن عندهـ بطء ببعض التمريرات وشفناها كم مره تنقطع منه الكورهـ وتأنن بكور كثيرهـ كان يقدر يصنع منها فرص
أما ياسر ما أدري ليه المنتدى شايل وحاط عليه
هو صحيح ضيع بس ضيع فرصتين بس وألي يقدر يجيب لي أي فرصه غيرها يقول لي يمكني غلطان مع أني ما أعتقد ذلك
ضيع كورة العابد العرضيه وأرتدادية نفيز مع أنها ما تعتبر فرصه سانحهـ
وفيه هجمهـ كانت بمجهوده الفردي ما صنعها له أحد وضاعت لأنه فقد توازنه فيها وما يلام عليها
أنا أشوف أنه أدى مبارات أكثر من رائعه ولو ما أستعجل ببعض الفرص كان أحرز أهداف
ياسر اليوم صنع كذا كوره كانت هدف لولا برودة ويلي وأستعجال نفيز - نفيز أكيد هو نجم المبارات بلا منازع-
وأرجعو للمبارات وتأكدو بنفسكم راح تلقونه صنع ممكن أربع هجمات أنتا وضميركـ
ولا ننسى أنه تحرك تحركات أكثر من رائعه وسحب معه كذا مدافع ولو تذكرون هجمة نفيز ألي بالعارضهـ ألي بالشوط الأول كان ياسر ساحب مدافعين معه بس ما تصرف صح بالكورهـ المرتده
وبذل مجهودهـ بكذا لعبه سحب فيها وفيه بعضها تأنن فيها زي غيره وما حالفه الحظ
أنا أتكلم بعقلانيه مو بتعصب ولا شي من هذا القبيل
وأعتقد فيه ناس بالمنتدى ما أدري وش فيهم لا يعجبهم العجب ولا صيام رجب
أنا مستغرب عن ويلي كيف تقولون أبدع ولا أحد يكلمهـ لأنه أحرز هدف الفوز ألي مدري وش يبي وحاطها وهو ما له خلق وبالمبارات كلها ما صنع ولا كورهـ صح وولا تمريرهـ كانت فرصه و ولا رفعهـ صح وضيع كوور بالهبل ؟؟
وأتحدا أي واحد يثبت غير هذا
أنا ما أنزل من مستوى اللاعب أو أتهجم عليهـ بالعكس ويلي أفضل المحترفين بالدوري السعودي وأكثر اللاعبين ألي فادونا هالموسم بس اليوم ما كان بيومهـ
والأحسن أننا نعترف بهالشي وأكيد الهدف شفع له كثير
أتمنى من جماهيرنا ما يضغطون على أي لاعب مهما كان -ياسر أو غيرهـ-
خصوصاً إذا كانو مقدمين مستوى أكثر من رائع بس للأسف فيه ناس نضامهم سنة الخشبه ما جاب اللاعب هدف ما يعرف يلعب
هالنظام ترى منتهي من زمااان وآخر واحد قاله الله يستر عليه طاح من بعير باللي ولا لقوه ألى الحين
وتذكرو الدعيع يوم قالو أنه مو لاعب أغلب الجماهير قالو أننا بنلعب عشر لاعبين بدون حارس ولا أعتبرو العتيبي أي شي
يا جماعه ترى العتيبي يحرس من أيام أبو يعقوب مو من سنه أو سنتين وتراهـ كان قبل الدعيع ؟؟؟
شي بخاطري : آهـ يابو دوخي الصراحه اليوم ذكرتني بأيامكـ بالهلال
الوضع الشجري
