حقق فريق اي سي ميلان الإيطالي فوزاً مهماً خارج قواعده ( << -- دايم يسمعها بالجزيرة وحسيت أن هذا وقتها ) وقد حقق الـــثلاث نقاط على حساب ( بايرن ميونخ الألماني ) بهدفين لنجمه ( المتجدد فليبو أنزاقي ) جاء الهدف الأول في الدقيقة 52 من عُــمر الشوط الأول إلى أن عدل النتيجة أصحاب الأرض بواسطة اللاعب رقم 14 (بيزارو ) ...... حتى عاد سيدورف في الدقيقة 88 ومرر كُــرة ذهبية ( بالكعب )لــسيرجينيو حتى فعها من الجهة اليسرى على رأس ( أنزاقي ) الهدّاف لحد الآن برصيد 6 أهداف ..

وبذلك يرتفع رصيد الميلان إلى 9 نقاط من ثلاثة مباريات مُــتزعماً مجموعته ..
يليه دبرتيفو الأسباني ..

@@

@ سيدورف لاعب فنان .. قمة بالكنترول + مهارة فائقة + سرعة بالتمرير وتبديل المراكز ..

@ بالاك ( الأماني) .. مستقبل الكرة الألمانية .. بُـنية جسمانية قوية .. تسديد رائع .. ضربات رأس جيدة .. لكن يحتاج لمساند معه .. يعني بالعربي ( ريفالدو وأنت جاي ) ..

@ أنزاقي ( اللاعب المحظوظ ) أثبت اليوم بأنه لاعب محظوظ بقوة <<== عبارات أتقهقه حينما أرى هذه الجمل .. ( لم يوفق باليوفي .. لكنه وجد أرضٌ خصبة بالميلان فواصل تسجيله للأهداف الرائعة .. حتى وإن كانت سهلة فاللوحة الأكترونية تكتب أن المحرز للهدف هو ( فلان وما يقولون ترى الهدف مجنون )............

@ إذا سار الميلان بهذا المستوى الرائع فإما الدوري الإيطالي أو دوري أبطال أوروبا لا مفر من هذا الفريق العملاق ..

وأعذروني على ( الكلام الملخبط) .. بس قلت ودنا نحتك بجماعة هلالي الجوف .....

إقتباس أنزاقي ( اللاعب المحظوظ )

صدقت اخوي مخاوي البطولات

ما رافع ضغطي الا اللاعب هذا

بعد ما ضيع علينا الدوري موسمين وراء بعض

يا حبي لك أخوي الفيصل ..

تراني أمدحه والله ..

أنا معك أنه مهارياً ( ما عندك أحد ) بس يدل الباب متى ما (((( وُفق )))).......

من توقيعك الظاهر أنك من اليوفي <<-- ذهين

بس لاتتعبون أنفسكم الدوري لنا أو للأنتر

تحياتي يا مبدع الأهداف

انزاغي معروف بقواله السخيفين لكن قوله الثاني اللي بالراس ممتاز و صعب يسوي نفسه المهاجم بالفعل اثبت انزاغي بانه مهاجم الاوقات الصعبه

و هاردلك يا بالاك .. كنت ممتاز و شت شوتتين خطرين على المرمى لكن ديدا كلن لهم بالمرصاد .. و البير ماكان يومه اليوم مسكين !! ضيع مليون كره خطره

مرحبا --

أهلا أخي مخاوي البطولات..
ومنتدانا(( أنا اللي مسويه )) منور بوجودك وبوجودي ..والفيصل الهلالي عشان مايزعل
---------

أما بخصوص انزاجي...فالمهاجم بدون حظ لاشي...فهناك مهاجمون مميزون فنيا ولكن بالتهديف لاوجود للحظ...وخذ مثال لذلك..المبدع أنيلكا
---
فانزاجي يحاول ويحاول حتى يلتفت له الحظ...وهذا هو المهاجم الصح
--
على العموم شكرا لك..
أخوك سام

مساء الوررررررررررررررررررررررررررررررررررررررررررد

حطني حظ أنزاقي وأرمني بالبحر !!

سيدورف + ريفالدوا + ري كوستا ( ياحبنيله ) وماتبونه يسجل ؟؟؟؟؟؟؟؟؟؟؟؟؟؟؟

على ري كوستا

تسلم يامخاوي البطولات وقلوبنا مع ميلان حبنا منووووووووول

احلى مخاوي البطولات صاير مدرس لغه عربيه
على غفله;) لاتكون انظميت الى قائمة المدرسين;)

ابدع نجوم الروسونيري فصعقوا البافاري على ارضه
وبين جماهيره

الله عليك ياانزاقي كل يوم تكبر في عيني اكثر
من اليوم اللي قبله <=== يبي يقهر بعض الناس

على العموم مشكور والله يبارك في عمرك ان شاء الله
والبطوله بإذن الواحد الاحد مــــــــــــــــــــــــــلانيه

تحياتي لك وكثر من جياتك عندنا ;)

هلا اخوي مخاوي البطولات

اولا مبروك لميلان وهذا مهوب شي جديد عليه

وبالنسبه لانزاجي انا معك انه محظوظ شوي بس تراه لاعب غير عادي له تحركات تزعج اي دفاع وبعدين انا لاحظت فيه شي غريب ما شفته في لاعب وهو انه يركز على الكوره و المدافع الي معه بنفس الوقت يعني تلقاه هو والمدافع الي معه يتدفدفون وكل واحد ماسك فنيله الثاني ومع كذا يشوت الكوره صح . طبعا انا ما اقول انه في مستوى شيفا او رونالدو او فييري او راؤول لكن هو لاعب ما يستهان فيه ابد .

هلا والله اخوي مخاوي البطولات ..
أعجبني في ميلان وخصوصاً في مبارياته الأخيرة .. النتائج اللي يطلع بها من المباريات اللي تكون خارج أرضه ..
هذا الفريق وبقيادة نجومه الكبار .. لايكتفون فقط في الإبداع في تسيير امور المباراة لصالحهم .. لكن يكفينا التعامل المتميز مع ظروف المباريات .. ميلان ولاتسيو في أرض لاتسيو وبين جماهيره .. استطاع الميلان الخروج بنتيجة قد لايتمنى محبيه أفضل منها .. لأنهم على علم تام بماذا سيحصل في لقاء الدور الثاني ..
ميلان وديبورتيفو بعد أن شاهدنا ديبور يقهر الكثير من الفرق (الكبيرة) والأمثلة عديدة فمثلاُ في الموسم الماضي لاننسى مالذي فعله في الأرسنال .. وأيضاً ريال مدريد .. لـكن قدرة نجوم الميلان تجلّت وبوضوح في هذا اللقاء .. فلم يخرجوا بتعادل أو حتى فوز ركيك .. ولكن بنتيجة كبيرة لو لعب الفريق على أرضه لا آظنه يتوقع الحصول على مثلها ..
و بالأمس عاد الفريق ليقدم مباراة كبيرة مع البايرن .. فمثل ماتفضلت اخوي مخاوي .. هذه البطولات واللعب مع فرق كبيرة مثل تلك الفرق .. يجب أن يحرص الفريق على كيفية الخروج بالنقاط بأي وسيلة كانت ..

سيدورف نجم وصدقني له دور كبير سواء في الناحية الهجومية أو الدفاعية .. تكفيك لياقته وقبل ذلك مهاراته وتحكمه بالكرة ولكن لو يعطي نفسه فرص أكثر بالتسديد لشاهدنا سيدورف (غير شكل) ..
تواجده بجانب قاتوسو يعطي الميلان جدار من الصعب تخطيه في وسط الملعب ..
اخوي مخاوي يكفيك انه عندك اثنين يلعبون باليسار وبكل اقتدار (سجع خيالي) وهم ريفالدو وسيدورف ..

الألماني بالاك من المميزين جداً في المنتخب وأيضاً الدوري الألماني .. في الموسم الماضي قدّم مع باير ليفركوزن مباريات أكثر من ممتعة ومستويات كبيرة جداً .. حتى رأى الكثيرون في هذا النجم (ثروة) لاتقدر بثمن للألمان ..
أنا من المعجبين به وبقوة تسديداته والبنية الجسمانية القوية أضف إلى ذلك الإرتقاء الرائع .. وشاهدنا أكثر من كرة في منتصف الملعب هو الذي اكتسبها من رأسياته ..
لكن حقيقة ضيّق صدري الإعلام الألماني اللي بدا ينهي نجمه بعد بحثهم وبشدة عن مقارانات ليست في محلها .. فيكفي باللاك الإعجاب الذي ناله من الكثيرين حول العالم وأيضاً الجائزة التي حصل عليها من الاتحاد الأوروربي .. لكن هذا لم يكفي الألمان الذين وبتصرف (أحمق) فضّلوه على الخرافي زيدان!!!
فبعيداً عن من هو أفضل .. كان من الأفضل والأحرى أن لايستعجل الألمان بالدخول ببعض المقارنات مع نجوم كبار .. لا أنتقص من مقدرة بالاك لكن بالاك لديه سنوات أطول للعطاء وبقوة فلماذا الإستعجال .. كان من الأولى أن ينتظروا أن يُثبّت بالاك أقدامه في ذاكرة العالم وليس الأوروبيين فقط!!
مع ذلك يظل هذا النجم أحد المميزين في وسط البايرن .. واسمحلي لو اختلفت معك اخوي مخاوي فهو قد لايحتاج إلى لاعب كبير بجانبه بقدر ماهو يحتاج إلى تفاعل الفريق أجمع ..
لأنه هناك بجانبه أحد أفضل اللاعبين وهو زي روبيرتو .. هذا البرازيلي المبدع حرص على بايرن ميونخ أن يظفروا بتوقيعه هو وبالاك معاً .. لأنهم على علم تام بقدرة الإثنين وخصوصاً اذا كانوا سوية ..
ولاحظ التكامل نوعاً ما بين طريقتي لعب الاثنين .. فزي روبيرتو بسرعته ومهاراته وتسديداته وأيضاً اختراقاته من الممكن أن يفعل المستحيل .. وبالاك الذي عادة مايكون كموزع للألعاب ومنظم لها .. لأنه قليلاً مانشاهده على الأطراف .. فهو يتولى مهام صنع اللعب وبتميز..

راح أطمر النقطة اللي تكلمت فيها عن انزاقي .. لأني منب قاضي إلا بكره اذا كتبت عن هالبيبو ..

ميلان بإذن الله سيكون الكالتشيو له .. ودي والله .. الكالتشيو وبس .. أما دوري أبطال أوروبا لا إن شاء الله ;) ..
عذراً على الإطالة اخوي مخاوي البطولات ..
تحياتي لك ..

أنزاقي ( اللاعب المحظوظ ) أثبت اليوم بأنه لاعب محظوظ بقوة <<== عبارات أتقهقه حينما أرى هذه الجمل .. ( لم يوفق باليوفي .. لكنه وجد أرضٌ خصبة بالميلان فواصل تسجيله للأهداف الرائعة .. حتى وإن كانت سهلة فاللوحة الأكترونية تكتب أن المحرز للهدف هو ( فلان وما يقولون ترى الهدف مجنون )............

ايه والله لي ثلاث سنين وانا اقول وش ذا اللاعب ماله داعي بس الكوره تمشي معه لو انه مغمض

وشكرا لك أبو فيصل

إقتباس إقتباس من مشاركة وياه هلا اخوي مخاوي البطولات اولا مبروك لميلان وهذا مهوب شي جديد عليه وبالنسبه لانزاجي انا معك انه محظوظ شوي بس تراه لاعب غير عادي له تحركات تزعج اي دفاع وبعدين انا لاحظت فيه شي غريب ما شفته في لاعب وهو انه يركز على الكوره و المدافع الي معه بنفس الوقت يعني تلقاه هو والمدافع الي معه يتدفدفون وكل واحد ماسك فنيله الثاني ومع كذا يشوت الكوره صح . طبعا انا ما اقول انه في مستوى شيفا او رونالدو او فييري او راؤول لكن هو لاعب ما يستهان فيه ابد .

و لا تنسى اخوي مخاوي البطولات انه يلعب وراه احسن صانعين للعب في العالم
سيدورف و ريفالدو و روي كوستا كل هذولا صانعين يوفروا للمهاجم اكبر فرصه للتسجيل والتهديف

سلام عليكم
انا معكم محظوظ بدرجه كبيررررررره
بس الولد هداف درجة اولى عنده حساسية على المرمى
وهذا المطلوب في الكوره

هلا والله بمخاوي البطولات ..

ميلان هاهو يؤكد أنه سيعيد أيام مجده كما كانت .. هاهو ينتصر على الخصوم واحداً تلو الآخر ..
ميلان بالأمس عرف كيف يتعامل مع المباراة ..
وهاهو يتربع على عرش المجموعة بـ9 نقاط ..

إقتباس أثبت اليوم بأنه لاعب محظوظ بقوة <<== عبارات أتقهقه حينما أرى هذه الجمل .

وش تتقهقه !!! لاعب يلعب خلفه من أروع من عرفتهم الكره في وسط الملعب ..وماتبيه يجيب الهداف !!!
الله يخلي روي كوستا وسيدورف وريفو والطقه وإلا هو حده أحتياط وتخب عليه بعد ..
متى يرجع شيفو بس وتشوف بدال الهدفين أربعه
تحياتي يا سميه